ಕಾಪುನಪ್ಪೆ ತುಲುವಪ್ಪೆ
ಅಡ್ಡ ಬೂರುವೆ ಪಾದ ಪತ್ತುವೆ
ಪೆರ್ಮೆದಾ ತುಲುವಪ್ಪೆನ /
ಪತ್ತ್ ಬಿರೆಲ್ನ್ ಒಪ್ಪ ಮಲ್ತ್ದ್
ಸುಗಿಪುವೆ ಅರೆನ್ ದಿನ ದಿನ //
ಜಾಜಿ ಮಲ್ಲಿಗೆ ಕೇಪುಲ ದೀದ್
ಬೊಂಡ ತಾರಾಯಿ ಕಾಣಿಕೆ ದೀದ್
ಜೋಡು ನಂದಾಲ ತುಡರ್ ದೀದ್
ದೂಪದಾರತಿ ಬೆಳಗಾದ್//
ಏತ್ ಜಲ್ಮದ ಪುಣ್ಯ ಫಲನೊ
ತುಲುವ ನಾಡ್ಡ್ ಪುಟ್ಟುನ
ಆತ್ ಪೊರ್ಲುದ ಮಟ್ಟೆಲಪ್ಪೆನ
ಕೊರ್ದು ಪೇರ್ನ್ ಕಾಪುನ //
ನಾಗ ಬೆಮ್ಮೆರೆ ಪುಣ್ಯ ತಲವುಂದು
ಕೋಲ ಕಂಬುಲ ಬಿರ್ದ್ದ
ಅಂಕ ಆಯನ ಯಕ್ಷಗಾನ
ತೂಪಿನನೆ ಸೌಭಾಗ್ಯದ//
✍️ ಜಯರಾಮ ಪಡ್ರೆ
ತುಲುವೆರೆ ಕಲ ಟ್ರಸ್ಟ್ (ರಿ)
ತುಲುವಪ್ಪೆ
Leave a Reply
© 2022-23 Tulunada Dhwani - All Rights Reserved.
Crafted with 
by 
ForthFocus™