ವಿಷ್ಣು ಪಾದ ಸೇರಿನ ಅಪ್ಪಣ್ಣ ಹೆಗ್ಡೆ.

ಕುಂದಾಪುರ : ಮಾಜಿ ಶಾಸಕ, ಧಾರ್ಮಿಕ, ಸಾಮಾಜಿಕ ಮುಖಂಡ ಬಸ್ರೂರು ಅಪ್ಪಣ್ಣ ಹೆಗ್ಡೆ ಶನಿವಾರ ಕಾಂಡೆ ವಿಷ್ಣು ಪಾದ ಸೇರಿಯೆರ್. ಆರ್ 91 ವರ್ಸೊದಾರ್. ರಾಜಕೀಯ, ಸಾಮಾಜಿಕ ಬೊಕ್ಕ ಧಾರ್ಮಿಕ ಕ್ಷೇತ್ರೊಡು ಪುದರ್ ಪಡೆತೊಂದಿನಾರ್. ಪ್ರಾಯದ  ಕಾಯಿಲೆಡ್ದ್ ತೀರ್ ಪೋಯೆರ್ ಪನ್ಪಿನ ತೆರಿದ್ ಬರ್ಪುಂಡು.

ರಾಜಕೀಯೊಡು ತನ್ನ ಗುರುತುನ್ ಮಲ್ದಿನ ಅಪ್ಪಣ್ಣ ಹೆಗ್ಡೆ 1960ರ್ದ್ 1983 ಮುಟ್ಟ ಗ್ರಾಮ ಪಂಚಾಯತ್ ದ ಸದಸ್ಯೆರಾದ್, ಅಧ್ಯಕ್ಷೆರಾದ್ ರಾಜಕೀಯ ಜೀವನ ಸುರು ಮಲ್ತೆರ್.1983ರ್ದ್ 1994 ಮುಟ್ಟ ಶಾಸಕೆರಾದ್ ಸೇವೆ ಸಲ್ಲಿಸಾಯೆರ್.

ಅಂಚೆನೆ ಸಾಮಾಜಿಕ ಕ್ಷೇತ್ರೊಡು ತೊಡಗಿಸಾದ್ ತಾಲೂಕು ಸಹಕಾರಿ ಮಾರಾಟ ಸಂಘ ಬೊಕ್ಕ ಭೂಅಭಿವೃದ್ಧಿ ಬ್ಯಾಂಕ್ ದ ಉಪಾಧ್ಯಕ್ಷೆರಾದ್, ಬಸ್ರೂರು ಸೇವಾ ಸಹಕಾರಿ ಸಂಘದ ಅಧ್ಯಕ್ಷೆರಾದ್,, ಬಸ್ರೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಮುಖ್ಯಸ್ಥೆರಾದ್, ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನದ ಅಧ್ಯಕ್ಷೆರಾದ್ ಸೇವೆ ಸಲ್ಲಿಸಾದೆರು.ಆರ್ ರಡ್ಡ್  ಆನ್ ಜೋಕುಲು ಬೊಕ್ಕ ಮೂಜಿ ಪೊಣ್ಣು ಜೋಕುಲು ಬೊಕ್ಕ ಅಪಾರ ಬಂಧುಲೆನ್ ಅಗತುದೆರ್..