ಶ್ರೀ ಕ್ಷೇತ್ರ ಉಚ್ಚಿಲ

“ಶ್ರೀ ಮಹಾಲಕ್ಷ್ಮೀ ದೇವಸ್ಥಾನ, ಶ್ರೀ ಕ್ಷೇತ್ರ ಉಚ್ಚಿಲಡ್ ಕುಲಗುರುಕುಲೆನ ಕಂಚಿದ ಪುತ್ಥಳಿ ನಿರ್ಮಾಣ ಸಲುವಾದ್ ಸಾಮೂಹಿಕ ಗುರುಪಾದ ಕಾಣಿಕೆ ಸಮರ್ಪಣೆ”.

ಸುಮಾರು ಸಾರ ವರ್ಷದ ಇತಿಹಾಸ ಉಪ್ಪುನ ಮೊಗವೀರ ಸಮಾಜದ ಗುರುಪರಂಪರೆಡ್ ಒರುಂಭ ತಲೆಮಾರುದ ಗುರುಕುಲು ಸಮಾಜದ ಧಾರ್ಮಿಕ, ಸಾಮಾಜಿಕ, ಅಧ್ಯಾತ್ಮಿಕ ಬೊಕ್ಕ ಸಾಂಸ್ಕೃತಿಕ ಬದುಕುಗ್ ಅಮೂಲ್ಯ ಕೊಡುಗೆ ಕೊರ್ತೆರ್. ಮೊಕ್ಲೆನ ಪೈಕಿಡ್ ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನದ ಸ್ಥಾಪಕರಾದಿತ್ತಿನ ಬೊಕ್ಕ ಮಾರ್ಚ್ 31, 1966ಗ್ ಕೀರ್ತಿಶೇಷರಾಯಿನ ಶ್ರೀ ಮಾಧವ ಮಂಗಳ ಪೂಜಾರ್ಯೆರು ಸದ್ರಿ ಗುರುಪರಂಪರೆದ ಕಡೇತ ಗುರುಆದುಲ್ಲೆರ್.

ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನದ ಜೀರ್ಣೋದ್ಧಾರದ ಸಂದರ್ಭಡ್ ನಡತಿನ ಅಷ್ಟಮಂಗಳ ಪ್ರಶ್ನೆಡ್  ತೆರಿದು ಬೈದಿನ ಪ್ರಕಾರ, ಕೀರ್ತಿಶೇಷ ಶ್ರೀ ಮಾಧವ ಮಂಗಳ ಪೂಜಾರ್ಯೇರೆನ ಬೃಹತ್ ಕಂಚಿದ ಪುತ್ಥಳಿನ್ ಸುಮಾರು 3 ಕೋಟಿ ರೂಪಾಯಿ ವೆಚ್ಚಡ್ ದೇವಸ್ಥಾನದ ಆವರಣಡ್ ನಿರ್ಮಾಣ ಮಲ್ಪುನ ಮಹತ್ವದ ನಿರ್ಧಾರ ದೆತೊಂದುಂಡ್.. ಈ ಪುತ್ಥಳಿ ಸಮಾಜದ ಏಕತೆ, ಸ್ವಾಭಿಮಾನ ಬೊಕ್ಕ ಗುರುಭಕ್ತಿದ  ಸಂಕೇತ ಆವರೆಗುಂಡ್..
ಈ ಪುಣ್ಯ ಕಾರ್ಯಗ್ ಮಾತಾ ಸಮಾಜ ಬಾಂಧವೆರು ತಮ್ಮ ಶಕ್ತ್ಯಾನುಸಾರ ಕಾಣಿಕೆ ಕೊರ್ಪಿನ  ಉದ್ದೇಶಡ್ “ಸಾಮೂಹಿಕ ಗುರುಪಾದ ಕಾಣಿಕೆ ಸಮರ್ಪಣೆ” ಕಾರ್ಯಕ್ರಮನ್ ಆಯೋಜನೆ ಮಲ್ಪರೆಗ್ ತೀರ್ಮಾನ ಮಲ್ದುಂಡ್.
ಆ ಪ್ರಯುಕ್ತ  01-03-2026 ಐತಾರ ಕಾಂಡೆ 9.30 ಗಂಟೆಗ್
: ಶ್ರೀಮತಿ ಶಾಲಿನಿ ಡಾ. ಜಿ. ಶಂಕರ್ ಸಭಾಂಗಣ, ಉಚ್ಚಿಲಡ್
ಈ ಕಾರ್ಯಕ್ರಮ ದಕ್ಷಿಣ ಕನ್ನಡ ಮೊಗವೀರ ಮಹಾಜನ ಸಂಘದ ನೇತೃತ್ವಡ್, ನಾಡೋಜ ಡಾ. ಜಿ. ಶಂಕರ್ ನ ಮಾರ್ಗದರ್ಶನಡ್ ಬೊಕ್ಕ
ಸಮಾಜದ ಗಣ್ಯ ನಾಯಕೆರೆನ ಘನ ಉಪಸ್ಥಿತಿಡ್ ನಡಪರೆಗುಂಡ್.
ಕುಲಗುರುಕುಲೆನ ಕಂಚಿಧ  ಪುತ್ಥಳಿ ನಿರ್ಮಾಣದಂಚಿನ ಈ ಐತಿಹಾಸಿಕ ಬೊಕ್ಕ ಪುಣ್ಯ ಕಾರ್ಯಡ್  ಹೆಚ್ಚಿನ ಸಂಖ್ಯೆಡ್ ಸಮಾಜ ಬಾಂಧವೆರು ಭಾಗವಹಿಸಾದ್  ಗುರುಪಾದ ಕಾಣಿಕೆ ಸಮರ್ಪಣೆ ಮಲ್ಪುನ ಮೂಲಕ ಶ್ರೀ ದೇವಿ ಬೊಕ್ಕ ಗುರುಕುಲೆನ ಅನುಗ್ರಹಗ್  ಪಾತ್ರರಾವೊಡ್ ಪಂಡುದ್ ಪುತ್ಥಳಿ ನಿರ್ಮಾಣ ಸಮಿತಿ ಪತ್ರಿಕಾ ಪ್ರಕಟಣೆಡ್  ವಿನಂತಿ ಮಲ್ದುಂಡ್..