ಸರ್ವದಾ ಸಂಘದ ವಾರ್ಷಿಕೋತ್ಸವ.

ಸರ್ವದಾ ಯುವ ಸಂಘ(ರಿ). ಬಡಾನಿಡಿಯೂರುದ 16ನೇ ವರ್ಷದ ವಾರ್ಷಿಕೋತ್ಸವ ಜನವರಿ 21 ತಾರೀಕುದಾನಿ ಸಂಘದ ವಠಾರೊಡ್ ನಡಪರೆಗುಂಡ್.ಆನಿ ಕಾಂಡೆ 9.30 ಗಂಟೆಗ್ ಧ್ವಜಾರೋಹಣ ಸಂಘದ ಅಧ್ಯಕ್ಷೆರಾಯಿನ ಜಗನ್ನಾಥ್ ಸಾಲ್ಯಾನ್ ಮಲ್ಪರೆಗುಲ್ಲೆರ್.

ಬಯ್ಯಗ್ 6.30ಗಂಟೆಗ್ ಸ್ಥಳೀಯ ಪ್ರತಿಭೆಲೆಡ್ದ್ ನ್ರತ್ಯ ವೈಭವ ನಡಪರೆ ಗುಂಡ್.7.30 ಗಂಟೆಗ್ ಸಂಘದ ಅಧ್ಯಕ್ಷೆರೆನ ಸಭಾಧ್ಯಕ್ಷತೆಡ್ ಸಭಾಕಾರ್ಯಕ್ರಮ ನಡಪರೆಗುಂಡ್.ಉಡುಪಿದ ಶಾಸಕೆರಾಯಿನ ಯಶ್ ಪಾಲ್ ಸುವರ್ಣ ಕಾರ್ಯಕ್ರಮದ ಉದಿಪನ ಮಲ್ಪರೆಗುಲ್ಲೆರ್. ಕಜ್ಜೊಡ್ ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್,ಉದ್ಯಮಿ ಪ್ರಸಾದ್ ರಾಜ್ ಕಾಂಚಾನ್,ಬಡಾನಿಡಿಯೂರು ಗ್ರಾಮ ಪಂಚಾಯತ್ ದ ಅಧ್ಯಕ್ಷೆರಾಯಿನ ಶ್ರೀಮತಿ ಯಶೋದ ಆಚಾರ್ಯ, ಮಾಜಿ ಅಧ್ಯಕ್ಷೆರಾಯಿನ ಉಮೇಶ್ ಪೂಜಾರಿ,ಮಲ್ಪೆ ಪರ್ಸೀನ್ ಸಂಘದ ಅಧ್ಯಕ್ಷೆರಾಯಿನ ನಾಗರಾಜ್ ಸುವರ್ಣ,ಕೊಡವೂರು ಶಂಕರನಾರಾಯಣ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರಾಯಿನ ಸಾಧು ಸಾಲ್ಯಾನ್ ಕೊಡವೂರು,ಮನ್ನ ಫಿಶ್ ಪ್ರೊಡಕ್ಟ್ ಕಾಪುದ ವ್ಯವಸ್ಥಾಪಕೆರಾಯಿನ ಸುನೀಲ್ ಡಿಸೋಜ, ಉದ್ಯಮಿ ಚಂದ್ರ ಸಾಲ್ಯಾನ್ ಮಲ್ಲ ಬಿನ್ನೆರಾದುಪ್ಪುವೆರ್.ಸಂಘದ ಗೌರವಾಧ್ಯಕ್ಷೆರಾಯಿನ ಸದಾನಂದ ಗಾಣಿಗ, ಉಪಾಧ್ಯಕ್ಷೆರಾಯಿನ ಮೀರಾ ಭಟ್ ವೇದಿಕೆಡ್ ಉಪಸ್ಥಿತರಿಪ್ಪುವೆರ್.

ಸಭಾಕಾರ್ಯಕ್ರಮ ಆಯಿಬೊಕ್ಕ ಶಾರದಾ ಆರ್ಟ್ಸ್ ತಂಡದ ಐಸಿರಿ ಕಲಾವಿದೆರು, ಮಂಜೇಶ್ವರ ಮೊಕ್ಲೆನ “ಕಲ್ಜಿಗದ ಮಾಯ್ಕಾರೆ ಪಂಜುರ್ಲಿ” ತುಳು ಪೌರಾಣಿಕ, ಸಾಮಾಜಿಕ, ಭಕ್ತಿ ಪ್ರಧಾನ ನಾಟಕ ನಡಪರೆಗುಂಡ್.