ಬಡಗಬೆಟ್ಟು ಸೊಸೈಟಿ ಗ್ರಾಹಕರ ಸಮಾವೇಶ

ದೇಶದ ಭವಿಷ್ಯ, ಆರ್ಥಿಕ ಕ್ಷೇತ್ರಗ್  ಶಕ್ತಿ ದಿಂಜಾವುನ ಉಜ್ವಲ ಅವಕಾಶ ಸಹಕಾರ ರಂಗಗ್ ಇತ್ತುದ್ ಕೇಂದ್ರ ಸರಕಾರ ಪ್ರತ್ಯೇಕ ಸಹಕಾರ ಸಚಿವಾಲಯ ಮೂಲಕ ಸಹಕಾರಿ ವ್ಯವಹಾರಡ್  ಆರ್ಥಿಕ ಶಿಸ್ತು ಕನದುಂಡ್  ಪಂಡುದು ಉಡುಪಿ ಶಾಸಕೆರಾಯಿನ ಯಶ್‌ಪಾಲ್ ಸುವರ್ಣ ಪಂಡೆರ್..
ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸಾÊಟಿದ ಗ್ರಾಹಕರ ಸಮಾವೇಶನ್ಅಮ್ಮಣ್ಣಿ ರಾಮಣ್ಣ ಶೆಟ್ಟಿ ಸಭಾಭವನಡ್  ಐತಾರ ಉದಿಪನ ಮಲ್ತುದ್ ಪಾತೆರಿಯೆರು.
ಆಡಳಿತ ಮಂಡಳಿ, ಸಿಬ್ಬಂದಿ, ಗ್ರಾಹಕೆರು ಒಂಜೇ ಮನಸ್ಸು ಡ್ ಮಲ್ಪುನ  ಕೆಲಸ ಸಾಧನೆಗ್  ಪೂರಕ. ಸ್ವಾತಂತ್ರ÷್ಯ ಪೂರ್ವಡ್ ಹಿರಿಯೆರು ಸಹಕಾರ ಸಂಸ್ಥೆ ಸ್ಥಾಪನೆ ಮಲ್ತುದ್ ಆರ್ಥಿಕ ಶಕ್ತಿ ಕೊರ್ದು, ರಾಷ್ಟಿಕೃತ ಬ್ಯಾಂಕ್‌ ಲೆನ ತವರು ನೆಲ ಕರಾವಳಿಡ್ ಸಹಕಾರ ಕ್ಷೇತ್ರ ಮುಂಚೂಣಿಡ್ ಉಂಡು ಪಂಡೆರು.
ಮಾಜಿ ಸಚಿವೆರಾಯಿನ ಕೆ. ಜಯಪ್ರಕಾಶ್ ಹೆಗ್ಡೆ ಅಭಿನಂದನೆ ಸ್ವೀಕಾರ ಮಲ್ತುದ್  ಸಹಕಾರ ಚಳವಳಿಡ್ ಸಂಸ್ಥೆ ಒರಿಯರೆಗ್ ಬದ್ಧತೆ,  ಇಚ್ಛಾ ಶಕ್ತಿ ಬಾರೀ ಮುಖ್ಯ. ರಾಜಕೀಯಡ್ ಮಲ್ದಿನ ಕೆಲಸಗ್ ಬಿಲೆ ಇಜ್ಜಿ .ನಮ ಯಶಸ್ಸು ಪಡೆಪಿನೇಡ್ದ್ ನಮ ಮಲ್ತಿನ ಕೆಲಸಡ್ ತೃಪ್ತಿ ಪಡೆಯೊಡ್ ಪಂಡೆರು.
ಕಾಪು ಶಾಸಕೆರಾಯಿನ ಗುರ್ಮೆ ಸುರೇಶ್ ಶೆಟ್ಟಿ ಮೇರು ಪಾತೆರ್ದ್  ಸಂಸ್ಥೆದ ಕಾರ್ಯವೈಖರಿನ್ ಶ್ಲಾಘನೆ ಮಲ್ತೆರು.
ಕಾರ್ಯಕ್ರಮಡ್ ಸಂಘದ ಹಿರಿಯ ಗ್ರಾಹಕೆರೆನ್ ಸನ್ಮಾನ ಮಲ್ತುದ್ ಗೌರವಿಸಾಯೆರ್..
ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸಾÊಟಿದ ಅಧ್ಯಕ್ಷೆರಾಯಿನ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಅಧ್ಯಕ್ಷತೆಡಿತ್ತೆರು.
ಉಡುಪಿ ಜಿಲ್ಲಾ ಸಹಕಾರ ಸಂಘಗಳ ಉಪನಿಬಂಧಕೆರಾಯಿನ ಲಾವಣ್ಯ ಕೆ.ಆರ್, ಸೊಸೈಟಿದ ಪ್ರಧಾನ ವ್ಯವಸ್ಥಾಪಕರಾಯಿನ ರಾಜೇಶ್ ವಿ. ಶೇರಿಗಾರ್, ಉಪಾಧ್ಯಕ್ಷರಾಯಿನ ಜಾರ್ಜ್ ಸಾಮ್ಯುಯೆಲ್, ನಿರ್ದೇಶಕರಾಯಿನ ಸಂಜೀವ ಕಾಂಚನ್, ಎಲ್. ಉಮಾನಾಥ, ಪುರುಷೋತ್ತಮ ಪಿ ಶೆಟ್ಟಿ, ಮನೋಹರ್ ಎಸ್ ಶೆಟ್ಟಿ, ಸಾಧು ಸಾಲ್ಯಾನ್, ಪದ್ಮನಾಭ ಕೆ ನಾಯಕ್, ವಿನಯ ಕುಮಾರ್ ಟಿ.ಎ, ಸದಾಶಿವ ನಾಯ್ಕ್, ಹಾಜಿ ಸಯ್ಯದ್ ಅಬ್ದುಲ್ ರಜಾಕ್, ಜಯಾ ಶೆಟ್ಟಿ, ಗಾಯತ್ರಿ ಎಸ್ ಭಟ್ ಉಪಸ್ಥಿತರಿತ್ತೆರು.
ಅನಘಾ ಬೈಲೂರು ಪ್ರಾರ್ಥನೆ ಮಲ್ತುದ್, ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸಾÊಟಿದ ಅಧ್ಯಕ್ಷೆರಾಯಿನ ಬಿ. ಜಯಕರ ಶೆಟ್ಟಿ ಇಂದ್ರಾಳಿ ಸ್ವಾಗತ ಪ್ರಾಸ್ತಾವಿಕ ಪಾತೆರಿಯೆರು. ಲ. ನೀಲಕಂಠ ಎಮ್. ಹೆಗಡೆ ಗ್ರಾಹಕ ಜಾಗೃತಿ, ಸಂವಾದ ನಡಪಾದ್ ಕೊರಿಯೆರು. ದಯಾನಂದ ಕರ್ಕೇರ, ಸೊಸೈಟಿದ ಮಲ್ಪೆ ಶಾಖೆದ ವ್ಯವಸ್ಥಾಪಕೆರಾಯಿನ ನವೀನ್ ಕೆ ಕಾರ್ಯಕ್ರಮ ನಿರೂಪಣೆ ಮಲ್ತುದ್, ಸಹಾಯಕ ಪ್ರಧಾನ ವ್ಯವಸ್ಥಾಪಕೆರಾಯಿನ ಪ್ರವೀಣ್ ಕುಮಾರ್ ಸೊಲ್ಮೆ ಸಂದಾಯ್ತ ಮಲ್ತೆರು.
ಸಾಂಸ್ಕ್ರತಿಕ ಕಾರ್ಯಕ್ರಮದ ಅಂಗವಾದ್, ಸಂಘದ ಸಿಬ್ಬಂದಿ ನಿತಿನ್ ಶೇರಿಗಾರ್ ತಂಡದ ಸದಸ್ಯೆರೆಡ್ದ್ ಸ್ಯಾಕ್ಸೋಫೋನ್ ವಾದನ, ನೃತ್ಯ ನೂಪುರ ಡ್ಯಾನ್ಸ್ ಅಕಾಡೆಮಿ ಬೈಲೂರು ಮೊಕ್ಲೆನ ನೃತ್ಯ ಕಾರ್ಯಕ್ರಮ, ಪಿ. ಕಾಳಿಂಗ ರಾವ್ ಸ್ಮತಿ ಮೆಲೋಡೀಸ್‌ನ ರಾಜೇಶ್ ಶಾನ್‌ಬೋಗ್ ಬಾರ್ಕೂರು ಬೊಕ್ಕ ಬಳಗದಕ್ಲೆಡ್ದ್ ಸಂಗೀತ ಕಾರ್ಯಕ್ರಮ ನಡತುಂಡ್.. ವಿಶೇಷ ಆಕರ್ಷಣೆಯಾದ್ ಸೊಸೈಟಿದ ಸಿಬ್ಬಂದಿಲು ಯಕ್ಷಗಾನ ನಾಟ್ಯ ವೈಭವ ಪ್ರದರ್ಶನ ಮೂಲಕ ಕಲಾಪ್ರಿಯೆರೆನ ಉಡಲ್ ಗೆಂದಿಯೆರ್.. ಬೊಕ್ಕ ತೆಂಕು ಬಡಗುತಿಟ್ಟುದ  ಪ್ರಸಿದ್ಧ ಕಲಾವಿದರ ಕೂಡುವಿಕೆಡ್ “ರಾಜಾ ರುದ್ರಕೋಪ” ಯಕ್ಷಗಾನ ಜನಮನ ಗೆಂದುನ ಮೂಲಕ ಗ್ರಾಹಕರ ಸಮಾವೇಶ ಸಂಪನ್ನ ಆಂಡ್..