ರೋಟರಿಡ್ಡ್ ವಿಶೇಷ ಜೋಕ್ಲೆನ ಶಾಲೆಗ್ ಇನ್ವರ್ಟ ರ್ ಕೊಡುಗೆ

ರೋಟರಿ ಉಡುಪಿಡ್ದ್ ನೀಲಾವರ ಸುಮೇಧ ವಿಶೇಷ ಜೋಕ್ಲೆನ ಶಾಲೆಗ್ ಇನ್ವರ್ಟರ್ ಕೊಡುಗೆ

ರೋಟರಿ ಉಡುಪಿಡ್ಧ್  ನೀಲಾವರ ಸುಮೇಧ ವಿಶೇಷ ಜೋಕ್ಲೆನ  ಶಾಲೆಗ್  ಇನ್ವರ್ಟರ್ ಕೊರ್ದಿತ್ತುದ್  ಅಯಿತ್ತ  ಹಸ್ತಾಂತರ ಕಾರ್ಯಕ್ರಮ ಇಂಚಪ್ಪೊಗ್ ನಡತುಂಡ್. ಅಯಿತ್ತ  ಪ್ರಾಯೋಜಕೆರಾಯಿನ  ಶ್ರೀಯುತ ಕಮಲಾಕರ ನಾಯಕೆರು ಕೊಡುಗೆದ  ಹಸ್ತಾಂತರ ಮಲ್ತುದ್  ಇಂಚಿನ ಉಪಯುಕ್ತ ಸಾದನೊನ್  ಕೊರ್ಪಿನವ್  ಬಾರೀ ಖುಷಿಯಾತುಂಡ್  ಪಂಡುದ್  ರೋಟರಿದ ಈ ಸೇವಾಕಾರ್ಯಗ್  ಅಭಿನಂದನೆ ಮಲ್ತೆರು. ಪ್ರಾರಂಭಡ್ ಸುಮೇಧಾ ಸಂಸ್ಥೆ ದ  ಕೋಶಾಧಿಕಾರಿ ರಾಮಚಂದ್ರ ಉಪಾಧ್ಯಾಯೆರು ಸ್ವಾಗತ ಮಲ್ತೆರು. ರೋಟರಿ ಅದ್ಯಕ್ಷ ರೋ. ಗುರುರಾಜ ಭಟ್ ರು ದನ್ಯವಾದ ಸಮರ್ಪಣೆ ಮಲ್ತೆರು. ಬೊಕ್ಕ ಡಾ. ಪಿ.ವಿ. ಭಂಡಾರಿ ಬೊಕ್ಕ ಡಾ. ಎ.ವಿ.ಬಾಳಿಗ ಆಸ್ಪತ್ರೆ ದ ತಜ್ಞೆರೆಡ್ದ್ ಮಾತಾ ಜೋಕ್ಲೆನ ಆರೋಗ್ಯ ತಪಾಸಣೆ ಬೊಕ್ಕ ಸಮಾಲೋಚನೆ ಮಲ್ತೆರ್. ಡಾ. ಪಿ.ವಿ.ಭಂಡಾರಿ ಮೇರ್  ಜೋಕ್ಲೆನ ರಕ್ಷಕೆರೆಗ್ ಉಪಯುಕ್ತ ಸಲಹೆ ಬೊಕ್ಕ  ವಿಶೇಷ ಜೋಕ್ಲೆನ ಆರೋಗ್ಯದ ಬಗ್ಗೆ ಸಮಾಲೋಚನೆ ಮಲ್ತೆರು. ಕಾರ್ಯಕ್ರಮ ಡ್  ರೋಟರಿ ಕಾರ್ಯದರ್ಶಿ ರೋ. ವೈಷ್ಣವಿ ಆಚಾರ್ಯ, ರೋ. ಸುಬ್ರಹ್ಮಣ್ಯ ಕಾರಂತ, ರೋ. ಶುಭಲಕ್ಷ್ಮಿ ಭಟ್, ಶಾಲಾ ಮುಖ್ಯಸ್ಥೆ ಶ್ರೀಮತಿ ಸುಮನಾ ಪ್ರಭು ಬೊಕ್ಕ  ಶಿಕ್ಷಕೆರು ಉಪಸ್ಥಿತರಿತ್ತೆರು.