ಜಾಗತಿಕ ಬಂಟರ ಸಂಘಗಳ ಒಕ್ಕೂಟ(ರಿ.) ದ.ಕ& ಮಂಗಳೂರು ದ ಕ್ರೀಡಾಸಂಗಮ ಬೊಕ್ಕ ಸಾಂಸ್ಕೃತಿಕ ಸಂಗಮ ಉಂದುವೇ ಬರ್ಪಿನ ಅಕ್ಟೋಬರ್ 28, 29 ತಾರೀಕುಗ್ ಉಡುಪಿ ಅಜ್ಜರಕಾಡುದ ಕ್ರೀಡಾಂಗಣೊಡ್ ನಡಪರೆಗುಂಡ್.ಪಂಡುದ್ ಜಾಗತಿಕ ಬಂಟರ ಸಂಘೊಲೆನ ಒಕ್ಕೂಟದ ಗುರ್ಕಾರೆರಾಯಿನ ಹರೀಶ್ ಶೆಟ್ಟಿ ಐಕಳ ಪಂಡೆರ್.ಆರು ಒಡಿಪು ಅಂಬಾಗಿಲುದ ಅಮ್ರತ್ ಗಾರ್ಡನ್ ಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿಯೆರ್.
ಈ ಸಂಗಮೊಡ್ ಸುಮಾರು 150ಬಂಟೆರೆನ ಸಂಘದ ಪ್ರತಿನಿಧಿಲು ಪಾಲ್ ಪಡೆಯರೆಗುಲ್ಲೆರ್. 15,000 ಗ್ ಲಾ ಜಾಸ್ತಿ ಜನ ಸೇರುನ ಅಂದಾಜು ಉಂಡು ಪಂಡೆರ್ .ಪೊಂಜೊವುನಕ್ಲೆಗ್ ತ್ರೋಬಾಲ್,ಆಂಜೊವುನಕ್ಲೆಗ್ ವಾಲಿಬಾಲ್ ಬೊಕ್ಕ ಕಬಡ್ಡಿ, ಅಂಚೆನೇ ಪೊಂಜೊವ್ ಬೊಕ್ಕ ಆಂಜೊವುನಕ್ಲೆಗ್ ಬಲ್ಲ್ ಒಯ್ಪುನ ಪಂತೊಲು ನಡಪರೆಗುಂಡ್.ಪಂಡೆರ್.
ಪತ್ರಿಕಾಗೋಷ್ಠಿಡ್ ಕ್ರೀಡಾ ಕಾರ್ಯಂತೆರಾಯಿನ ಮುಂಬಯಿ ಬಂಟೆರೆನ ಸಂಘದ ಗುರಿಕಾರೆರಾಯಿನ ಗಿರೀಶ್ ಶೆಟ್ಟಿ ತೆಲ್ಲಾರ್,ಸಾಂಸ್ಕೃತಿಕ ಸಂಚಾಲಕೆರಾಯಿನ ಬಂಟ್ವಾಳ ಬಂಟೆರನ ಸಂಘದ ಗುರಿಕಾರೆ ಚಂದ್ರಹಾಸ ಶೆಟ್ಟಿ, ಕ್ರೀಡಾ ಇಲಾಖೆದ ಸಹಾಯಕ ನಿರ್ದೇಶಕೆರಾಯಿನ ಡಾ.ರೋಶನ್ ಶೆಟ್ಟಿ, ಉಡುಪಿ ಬಂಟೆರೆನ ಸಂಘದ ಗುರಿಕಾರೆರಾಯಿನ ಪುರುಷೋತ್ತಮ ಶೆಟ್ಟಿ, ಜಾಗತಿಕ ಬಂಟೆರೆನ ಒಕ್ಕೂಟದ ಒತ್ತು ಗುರಿಕಾರೆರಾಯಿನ ಕರ್ನಿಲೆ ವಿಶ್ವನಾಥ ಶೆಟ್ಟಿ, ಮಹಾದಾನಿಲಾಯಿನ ಸದಾಶಿವ ಶೆಟ್ಟಿ, ಮುನಿಯಾಲು ಉದಯ್ ಕುಮಾರ್ ಶೆಟ್ಟಿ, ಜಾಗತಿಕ ಬಂಟೆರೆನ ಸಂಘದ ಕಾರ್ಯಂತೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ,ಉಪಸ್ಥಿತರಿತ್ತೆರ್.
by 