ವಕೀಲರ ಸಂಘ

ಉಡುಪಿ ವಕೀಲರ ಸಂಘದ ನಿಯೋಗ ಸುಪ್ರೀಮ್ ಕೋರ್ಟುದ ಗೌರವಾನ್ವಿತ ನ್ಯಾಯಮೂರ್ತಿ ಶ್ರೀಮತಿ ಬಿ.ವಿ. ನಾಗರತ್ನ ಮೆರೆನ್  ತಾ. 15ತಾರೀಕುಗ್ ನವದೆಹಲಿದ  ಅರೆನ  ನಿವಾಸಡ್  ಭೇಟಿಯಾದ್ ಉಡುಪಿ ನ್ಯಾಯಾಲಯ ಬೊಕ್ಕ ವಕೀಲರ ಸಂಘದ ಶತಮಾನೋತ್ತರ ಬೊಳ್ಳಿ ಪರ್ಬದ ದುಂಬರಿನ ಭಾಗವಾದ್ ಉಡುಪಿ ವಕೀಲರ ಸಂಘ ಮಾರ್ಚ್ ತಾ. 1 ಬೊಕ್ಕ 2ಗ್ ಎಮ್.ಜಿ.ಎಮ್. ಕಾಲೇಜಿನದ ಎ.ಎಲ್.ಎನ್. ರಾವ್ ಕ್ರೀಡಾಂಗಣಡ್ ಆಯೋಜನೆ ಮಲ್ದಿನ ಕರ್ನಾಟಕ ರಾಜ್ಯ ಮಟ್ಟದ ವಕೀಲರ ಕ್ರಿಕೆಟ್ – ವಾಲಿಬಾಲ್ – ತ್ರೋಬಾಲ್ ಬೊಕ್ಕ ಶಟಲ್ ಬ್ಯಾಡ್ಮಿಂಟನ್ ಟೂರ್ನಮೆಂಟ್ ಲೆನ್ ಉದ್ಘಾಟನೆ ಮಲ್ಪರೆಗ್  ಆಹ್ವಾನ ಮಲ್ತೆರ್. ನೆಕ್ಕ್ ಸಮ್ಮತಿ ಕೊರಿನ  ನ್ಯಾಯಮೂರ್ತಿಲು, ಪಂದ್ಯಾಟಗ್ ಶುಭ ಹಾರೈಸಿಯೆರು. ನಿಯೋಗಡ್  ವಕೀಲರ ಸಂಘದ ಅಧ್ಯಕ್ಷ ಶ್ರೀ ರೆನೋಲ್ಡ್ ಪ್ರವೀಣ್ ಕುಮಾರ್, ಕ್ರೀಡಾಕೂಟದ ಸಂಚಾಲಕ ಶ್ರೀ ಮಿತ್ರ ಕುಮಾರ್ ಶೆಟ್ಟಿ, ಮಾಜಿ ಅಧ್ಯಕ್ಷ ಶ್ರೀ ಟಿ. ವಿಜಯ ಕುಮಾರ್ ಶೆಟ್ಟಿ ಬೊಕ್ಕ ಕ್ರೀಡಾಕೂಟದ ಆಹ್ವಾನ ಸಮಿತಿ ಸಂಯೋಜಕ ಶ್ರೀ ಆರೂರ್ ಸುಕೇಶ್ ಶೆಟ್ಟಿ ಉಪಸ್ಥಿತರಿತ್ತೆರು.