ಮಾಚಿದೇವ ಟ್ರೋಫಿ.

ಫೆ.23 ಗ್ ಕಾರ್ಕಳಡ್ ಮಡಿವಾಳ ಮಾಚಿದೇವ ಟ್ರೋಫಿ-2025

ಕಾರ್ಕಳ ತಾಲೂಕು ಮಡಿವಾಳ ಸಮಾಜ ಸೇವಾ ಸಂಘ (ರಿ) ಬೊಕ್ಕ ಮಡಿವಾಳ ಯುವ ಘಟಕ, ಮಡಿವಾಳ ಮಹಿಳಾ ಘಟಕದ ಆತಿಥ್ಯಡ್ ಅಂತರ್ ಜಿಲ್ಲಾ ಮಟ್ಟದ ಆಹ್ವಾನಿತ ತಂಡಲೆನ ಪುರುಷರೆನ ಪ್ರೊ ಕಬಡ್ಡಿ ಬೊಕ್ಕ ಮಹಿಳೆಯೆರೆನ ತ್ರೋಬಾಲ್ ಪಂದ್ಯಾಟ ಮಡಿವಾಳ ಮಾಚಿದೇವ ಟ್ರೋಫಿ-2025 ಫೆ. 23 ಗ್ ಕಾರ್ಕಳ ಕಾಬೆಟ್ಟು ಸಮುದಾಯ ಭವನದ ಅಂಗಣಡ್ ಆಯೋಜನೆ ಮಲ್ದುಂಡ್ ಪಂಡುದು ಯುವ ಘಟಕ ಅಧ್ಯಕ್ಷ ಸಂಪತ್ ಕುಮಾರ್ ಕಣಂಜಾರು ತೆರಿಪಾದೆರ್.

ಆರು ಗುರುವಾರ ನಗರ ಪತ್ರಿಕಾ ಭವನಡ್ ನಡತಿನ ಸುದ್ದಿಗೋಷ್ಠಿಡ್ ಪಾತೆರ್ದ್, ಆನಿ ಕಾಂಡೆ 9 ಗಂಟೆಗ್ ಮಡಿವಾಳ ಮಾಚಿದೇವ ಟ್ರೋಫಿ ನಡಪರೆಗಿತ್ತುದ್, ಶಾಸಕ, ಮಾಜಿ ಸಚಿವ ವಿ. ಸುನಿಲ್ ಕುಮಾರ್ ಉದಿಪನ ಮಲ್ಪುವೆರ್. ಕಾರ್ಕಳ ತಾಲೂಕು ಮಡಿವಾಳ ಸಮಾಜ ಸೇವಾ ಸಂಘದ ಅಧ್ಯಕ್ಷ ಸುರೇಶ್ ಮಡಿವಾಳ ಅಧ್ಯಕ್ಷತೆಡಿಪ್ಪುವೆರ್. ಸಂಸದ ಕೋಟ ಶ್ರೀನಿವಾಸ ಪೂಜಾರಿ, ಮಾಜಿ ಸಚಿವ ಪ್ರಮೋದ್ ಮಧ್ವರಾಜ್, ಕೃಷ್ಣಯ್ಯ ಚಾರಿಟೇಬಲ್ ಟ್ರಸ್ಟ್ ಮುನಿಯಾಲು ಪ್ರವರ್ತಕ ಉದಯ ಶೆಟ್ಟಿ ಮುನಿಯಾಲು, ಮಾಚಿದೇವ ನಿಗಮದ ನಿಕಟಪೂರ್ವ ಅಧ್ಯಕ್ಷ ರಾಜು ಎಂ. ತಲ್ಲೂರು ಸಹಿತ ಕೆಲವ್ ಮುಖಂಡೆರು ಪಾಲ್ ಪಡೆಯರೆಗುಲ್ಲೆರು.

ಸಮಾರೋಪ: ಆನಿ ಬಯ್ಯಗ್ 4.30 ಕ್ ಸಮಾರೋಪ ಸಮಾರಂಭ ನಡಪರೆಗಿತ್ತುದ್, ಉದ್ಯಮಿ ಪ್ರಸಾದ್‌ರಾಜ್ ಕಾಂಚನ್, ಸಭಾಭವನ ಕಟ್ಟಡ ಸಮಿತಿ ಅಧ್ಯಕ್ಷ ಉದಯ್ ಸಾಲ್ಯಾನ್ ಅಜ್ಜಾಡಿ, ಸಮಾಜ ಸೇವಕ ಬೋಳ ಪ್ರಶಾಂತ್ ಕಾಮತ್, ಡಾ. ರವೀಂದ್ರ ಶೆಟ್ಟಿ ಬಜಗೋಳಿ ಕಾರ್ಕಳ, ಹಿಂದೂ ಮುಖಂಡ ರತ್ನಾಕರ ಅಮೀನ್, ರಾಷ್ಟ್ರೀಯ ಮಹಿಳಾ ಆಯೋಗದ ಮಾಜಿ ಸದಸ್ಯೆ ಶ್ಯಾಮಲಾ ಎಸ್. ಕುಂದರ್, ಉದ್ಯಮಿ ಸಂಜೀವ ಮಡಿವಾಳ ಕಾಬೆಟ್ಟು ಸಹಿತ ಅನೇಕೆರು ಪಾಲ್ ಪಡೆಯರೆಗುಲ್ಲೆರ್ ಪಂಡುದು ತೆರಿಪಾಯೆರು.

ಮಡಿವಾಳ ಸಮಾಜ ಬಾಂಧವರೆನ್ ಸಂಘಟಿಸಾವುನ ಬೊಕ್ಕ ಒಂಜೇ ವೇದಿಕೆಡ್ ಒಟ್ಟು ಸೇರಿಸಾವುನ ನಿಟ್ಟುಡ್ ಮಡಿವಾಳ ಮಾಚಿದೇವ ಟ್ರೋಫಿ-2025 ನ್ ಆಯೋಜನೆ ಮಲ್ದುಂಡ್.
ಕರಿನ ಕೆಲವು ವರ್ಷಡಿಂಚಿ ಈ ರೀತಿದ ಕ್ರೀಡಾಕೂಟನ್ ಆಯೋಜನೆ ಮಲ್ತೊಂದಿತ್ತುದ್, ಈ ಬಾರಿ ಅಂತರ್ ಜಿಲ್ಲಾ ಮಟ್ಟದ ಆಹ್ವಾನಿತ ತಂಡಲೆನ ಪುರುಷರೆನ ಪ್ರೊ ಕಬಡ್ಡಿ ಬೊಕ್ಕ ಮಹಿಳೆಯರೆನ ತ್ರೋಬಾಲ್ ಪಂದ್ಯಾಟನ್ ಆಯೋಜನೆ ಮಲ್ದ. ಮುಂಬೈ, ರಾಯಚೂರು, ಗದಗ ಸಹಿತ ನಾನಾ ಕಡೆಟ್ 15 ತಂಡೊಲು ಪುದರ್ ನೋಂದಾವಣೆ ಮಲ್ದುಂಡ್ ಪಂಡೆರು.

ಪಂದ್ಯಾಟಡ್ ವಿಜೇತೆರಾಯಿನ ತಂಡಗ್ ಪ್ರಥಮ, ದ್ವಿತೀಯ, ತೃತೀಯ, ಚತುರ್ಥ ಮಾದರಿಡ್ ಶಾಶ್ವತ ಫಲಕ ಬೊಕ್ಕ ನಗದು ಬಹುಮಾನ ಕೊರ್ಪುಂಡ್. ಈ ಸ್ಪರ್ಧೆಡ್ ಭಾಗವಹಿಸಾವರೆಗ್ ಮಡಿವಾಳ ಸಮಾಜದ ಬಂಧುಲೆಗ್ ಮಾತ್ರ ಅವಕಾಶ.
ಪಂದ್ಯಾಟಡ್ ಭಾಗವಹಿಸನಕುಲು ಆಧಾರ್ ಕಾರ್ಡ್ ಬೊಕ್ಕ ಗುರುತಿನ ಚೀಟಿ ಕಡ್ಡಾಯ. ಕಬಡ್ಡಿದ ಬಗ್ಗೆ ಹೆಚ್ಚಿನ ಮಾಹಿತಿಗಾದ್ 8197850756, 9110642960, 7022428208 ಬೊಕ್ಕ ತ್ರೋಬಾಲ್ ಬಗ್ಗೆ ಹೆಚ್ಚಿನ ಮಾಹಿತಿಗಾದ್ 9483154168, 9902843839 ಸಂಪರ್ಕ ಮಲ್ಪೊಲಿ. ಪಂದ್ಯಾಟಗ್ ಉಚಿತ ಪ್ರವೇಶ.

ಪ್ರೊ ಕಬ್ಬಡಿ ವಿಜೇತರೆಗ್ ಪ್ರಥಮ 11111 ರೂ. ಬೊಕ್ಕ ಟ್ರೋಫಿ, ದ್ವಿತೀಯ 7777 ಬೊಕ್ಕ ಟ್ರೋಫಿ, ತೃತೀಯ 3333 ಬೊಕ್ಕ ಟ್ರೋಫಿ, ಚತುರ್ಥ 2222 ರೂ ಬೊಕ್ಕ ಟ್ರೋಫಿ, ಉತ್ತಮ ಹಿಡಿತಗಾರ ಟ್ರೋಫಿ, ಉತ್ತಮ ದಾಳಿಗಾರ ಟ್ರೋಫಿ, ಉತ್ತಮ ಸವ್ಯಸಾಚಿ ಟ್ರೋಫಿ ಕೊರ್ಪುಂಡ್.

ತ್ರೋಬಾಲ್‌ ಡ್ ಪ್ರಥಮ 5555 ರೂ. ಟ್ರೋಫಿ, ದ್ವಿತೀಯ 3333 ರೂ. ಬೊಕ್ಕ ಟ್ರೋಫಿ, ಉತ್ತಮ ಸವ್ಯಸಾಚಿ ವಿಭಾಗಡ್ ಟ್ರೋಫಿ ಕೊರ್ಪುಂಡ್.

ಪಂದ್ಯಾಟದ ನಿಬಂಧನೆಲು

ಮಡಿವಾಳ ಸಮಾಜದ ಬಂಧುಲೆಗ್ ಮಾತ್ರ ಅವಕಾಶ
ಆಹ್ವಾನಿತ ತಂಡಲೆಗ್ ಮಾತ್ರ ಅವಕಾಶ
ಆಹ್ವಾನಿತ ತಂಡಲು ಆಯ ಸಂಘದ ಅಧ್ಯಕ್ಷ/ಕಾರ್ಯದರ್ಶಿ ನಕ್ಲೆಡ ತಂಡದ ಸದಸ್ಯರ ಪುದರುಲೆನ್ ದೃಢೀಕರಿಸಾದ್ ಪತ್ರದೊಟ್ಟುಗ್ ಬರೊಡು.
ಕಾಂಡೆ 9 ಗಂಟೆಗ್ ಪಂದ್ಯಾಟದ ಲಾಡ್ಸ್ಗಲೆನ್ ಪಾಡುಂಡ್. ಲಾಡ್ಸ್ ಪಾಡುನ ಸಂದರ್ಭಡ್ ಆಯಾ ತಂಡದ ನಾಯಕೆರು ಸದಸ್ಯೆರೆನೊಟ್ಟುಗ್ ಕಡ್ಡಾಯವಾದ್ ಹಾಜರಾವೊಡು.
ಕಾರ್ಯಕ್ರಮ ನಡಪಾವನ ಸಂಘ ಬೊಕ್ಕ ತೀರ್ಪುಗಾರೆರೆನ ತೀರ್ಮಾನನೇ ಅಂತಿಮ.
ಪ್ರತಿ ನೋಂದಾಯಿತ ಸಂಘಡ್ದ್ ರಡ್ಡ್ ತಂಡೊಲೆಗ್ ಮಾತ್ರ ಅವಕಾಶ.
ಪ್ರತಿಯೊಬ್ಬ ಆಟಗಾರೆರೆಗ್ ಗುರುತಿನ ಚೀಟಿ ಕಡ್ಡಾಯ.
ಕಬ್ಬಡಿ ಆಟಗಾರೆರು ಶೂ ಪಾಡುಂಡ ಎಡ್ಡೆ.
ಮಹಿಳಾ ತ್ರೋಬಾಲ್ ಗ್ ಒಂಜಿ ತಂಡಡ್ ಏಳು ಜನಕ್ ಮಾತ್ರ ಅವಕಾಶ
ಮಧ್ಯಾಹ್ನದ ಸಹಭೋಜನ ವ್ಯವಸ್ಥೆ ಇಪ್ಪುಂಡ್.

ಸಭಾ ಕಾರ್ಯಕ್ರಮಗ್ ದುಂಬು ಸಮಾಜ ಬಾಂಧವರೆಡ್ದ್ ಡ್ಯಾನ್ಸ್ ಕಾರ್ಯಕ್ರಮ ನಡಪುಂಡ್.

ಸುದ್ದಿಗೋಷ್ಠಿಡ್ ಮುಖಂಡೆರಾಯಿನ ಪ್ರಸಾದ್ ಕುಮಾರ್ ಐಸಿರ ಕುಕ್ಕುಂದೂರು, ಸದಾನಂದ್ ಸಾಲ್ಯಾನ್ ಕೆರ್ವಾಶೆ, ಸುಮಾ ಜಯಕರ ಮಡಿವಾಳ ನಕ್ರೆ, ಸವಿತಾ ಸುಧಾಕರ ಅಜೆಕಾರ್ ಉಪಸ್ಥಿತರಿತ್ತೆರು.