ವಿಶ್ವಶಾಲಾ ವಾಲಿಬಾಲ್ ಪಂದ್ಯ

ವಿಶ್ವ ಶಾಲಾ‌ ಮಕ್ಕಳ ವಾಲಿಬಾಲ್ ಪಂದ್ಯ- ಭಾರತದ ಬಾಲಕಿಯರ ತಂಡಗ್  ಕಾರ್ಕಳದ ಶಗುನ್ ಎಸ್. ವರ್ಮ ಹೆಗ್ಡೆ ಆಯ್ಕೆ

ಚೀನಾದ ಶಾಂಗ್ಲೋಡ್ ಡಿಸೆಂಬರ್ 3 ಡ್ದ್  13 ಮುಟ ನಡಪರೆಗುಪ್ಪುನ ವಿಶ್ವ ಶಾಲಾ ಜೋಕ್ಲೆನ 15 ವರ್ಷದುಲಾಯಿ ವಯೋಮಿತಿದ ವಾಲಿಬಾಲ್ ಪಂದ್ಯಾಟಡ್ ಭಾರತದ ಬಾಲಕಿಯರ ತಂಡ ಪಾಲ್ ಪಡೆಯರೆಗಿತ್ತುದ್ ಈ ತಂಡಗ್ ಕಾರ್ಕಳ ಕ್ರೈಸ್ತಕಿಂಗ್ ಆಂಗ್ಲ ಮಾದ್ಯಮ ಶಾಲೆದ 9ನೇ ತರಗತಿದ ಶಗುನ್ ಎಸ್. ವರ್ಮ ಹೆಗ್ಡೆ ಆಯ್ಕೆಯಾತೆರ್.

ಸ್ಕೂಲ್ ಗೇಮ್ಸ್ ಫೆಡರೇಷನ್ ಆಫ್ ಇಂಡಿಯಾದ ಆಶ್ರಯಡ್ ಅಕ್ಟೋಬರ್ 24 ಡ್ದ್ ರಾಂಚಿಡ್  ನಡತಿನ  ಅಯ್ಕೆ ತರಬೇತಿ ಶಿಬಿರಡ್  ಅಂತಿಮವಾದ್  ಶಗುನ್ ಆಯ್ಕೆ ನಡೆದಿತ್ತುದ್ ರಾಷ್ಟ್ರೀಯ ತಂಡೊಡ್  ಸ್ಥಾನ ಪಡೆದಿನ  12 ಆಟಗಾರೆರೆಡ್ ಶಗುನ್ ವರ್ಮ ಹೆಗ್ಡೆ ಕರ್ನಾಟಕಡ್ದ್  ಆಯ್ಕೆಯಾಯಿನ ಏಕೈಕ ಆಟಗಾರ್ತಿಯಾದುಲ್ಲೆರ್.

ಕುಮಾರಿ ಶಗುನ್ ಎಸ್, ವರ್ಮ ಹೆಗ್ಡೆ ಶ್ರೀಮತಿ ಶೃತಿ ಬೊಕ್ಕ ಸಂದೇಶ್ ವರ್ಮ ದಂಪತಿಲೆನ  ಮಗಲಾದಿತ್ತುದ್ ಮೇರು ಜೋಡುರಸ್ತೆ ಕೊರಚೊಟ್ಟು ಕ್ರೀಡಾಂಗಣಡ್ ಸಂತೋಷ್ ಡಿ’ಸೋಜಾ, ಜೀವನ್ ಡಿ’ ಸಿಲ್ವಾ, ಜೈರಾಜ್ ಪೂಜಾರಿ ಬೊಕ್ಕ ಎಸ್. ಡಿ. ಎಮ್ ಉಜಿರೆದ ರಮೇಶ್  ಮೊಕ್ಲೆಡ ಕ್ರೀಡಾ ತರಬೇತಿನ್  ಪಡೆತುದೆರ್..