ಬಾಸ್ಕೆಟ್ ಬಾಲ್ ಟೂರ್ನಮೆಂಟ್

ಉಡುಪಿಡ್  6 ತಿಂಗೊಲ್ದ ಉಲಾಯಿ
ಬಾಸ್ಕೆಟ್ ಬಾಲ್ ಸ್ಟೇಡಿಯಂ ನಿರ್ಮಾಣ ಮಲ್ತುದ್ ರಾಜ್ಯಮಟ್ಟದ ಟೂರ್ನಮೆಂಟ್ ಆಯೋಜನೆ  – ಜಿಲ್ಲಾ ಬಾಸ್ಕೆಟ್ ಬಾಲ್ ಅಸೋಸಿಯೇಶನ್ ಪೊಸ ಅಧ್ಯಕ್ಷ ಪ್ರಸಾದ್ ರಾಜ್ ಕಾಂಚನ್

ಕ್ರಿಕೆಟ್ ಮಾದರಿಡೇ ಬಾಸ್ಕೆಟ್ ಬಾಲ್ ಕ್ರೀಡೆಗುಲಾ  ಪ್ರೋತ್ಸಾಹ ಅಗತ್ಯ- ಎಚ್ .ಎಸ್ ಬಲ್ಲಾಳ್ 

ಉಡುಪಿ: ಕರ್ನಾಟಕ ರಾಜ್ಯ ಬಾಸ್ಕೆಟ್‌ಬಾಲ್ ಅಸೋಸಿಯೇಷನ್‌ ಡ್ದ್  ಅಧಿಕೃತ ಮಾನ್ಯತೆ ಪಡೆಯಿನ ಪೊಸ ಉಡುಪಿ ಜಿಲ್ಲಾ ಬಾಸ್ಕೆಟ್‌ಬಾಲ್ ಅಸೋಸಿಯೇಷನ್ ಇನಿ ಉದ್ಘಾಟನೆ ಆಂಡ್.. ಮಣಿಪಾಲದ ಮಾಧವ ಕೃಪಾ ಶಾಲೆದ ಆವರಣಡ್  ಮಣಿಪಾಲ ವಿಶ್ವವಿದ್ಯಾನಿಲಯದ ಸಹಕುಲಾಧಿಪತಿ ಡಾ. ಎಚ್. ಎಸ್. ಬಲ್ಲಾಳ್‌ ಅಸೋಸಿಯೇಷನ್ ಗ್ ಚಾಲನೆ ಕೊರ್ದು ಲೋಗೋ ಬುಡುಗಡೆ ಮಲ್ತೆರು.

ಕಾರ್ಯಕ್ರಮನ್ ಉದ್ದೇಶಿಸಾದ್ ಪಾತೆರ್ದ್  ಅಸೋಸಿಯೇಷನ್ ದ ಪೊಸ  ಜಿಲ್ಲಾ ಅಧ್ಯಕ್ಷ ಪ್ರಸಾದ್ ರಾಜ್ ಕಾಂಚನ್ ,ನಗರ ಮಾತ್ರ ಅತ್ತ್  ಗ್ರಾಮೀಣ ಪ್ರತಿಭಾವಂತ ಜೋಕ್ ಲೆಗ್ ಪ್ರೇರಣೆ ಬೊಕ್ಕ ಪ್ರೋತ್ಸಾಹ ಕೊರ್ಪಿನ  ಉದ್ದೇಶಡಾದ್  ಅಸೋಸಿಯೇಷನ್ ಅಸ್ತಿತ್ವಗ್  ಬೈದುಂಡ್..ಉಡುಪಿಡ್  ಸಿಂಥೆಟಿಕ್ ಬಾಸ್ಕೆಟ್ ಬಾಲ್ ಸ್ಟೇಡಿಯಂ ನಿರ್ಮಾಣ ಮಲ್ತುದ್, ಆಜಿ  ತಿಂಗೊಲುಡೇ ರಾಜ್ಯಮಟ್ಟದ ಟೂರ್ನಮೆಂಟ್ ಆಯೋಜನೆ ಮಲ್ಪುನ ಯೋಜನೆ ಪಾಡೊಂದ ಪಂಡೆರು. ಮಣಿಪಾಲದ ಮಾಧವ ಕೃಪಾ ಶಾಲೆಡ್  ಸುಮಾರು 160 ಕ್ಕ್ ಲಾ  ಜಾಸ್ತಿ ಜೋಕುಲು  ಕ್ರೀಡಾಕೂಟಡ್  ಪಾಲ್ ಪಡೆದೆರ್.ಮಾಹೆದ  ಒಟ್ಟುಗ್  ಪ್ರತಿಷ್ಠಿತ ವಿದ್ಯಾಸಂಸ್ಥೆಲೆನ  ಸಹಕಾರದೊಟ್ಟುಗ್  ದುಂಬು ದ  ದಿನಕ್ಲೆಡ್  ಪ್ರತಿಭಾವಂತ ಜೋಕ್ಲೆನ್  ಸಿದ್ಧ ಮಲ್ತುದ್  ರಾಜ್ಯ ಬೊಕ್ಕ ರಾಷ್ಟ್ರಮಟ್ಟಗ್  ಕಡಪುನುನ ಯೋಚನೆ ಉಂಡು..ನಮಕ್  ರಾಜ್ಯ ಎಸೋಸಿಯೇಷನ್ ಮಸ್ತ್  ಸಹಕಾರ ಕೊರ್ತುಂಡ್.. ಕೂಡಲೇ ಮಾನ್ಯತೆನುಲಾ  ಕೊರ್ದಿತ್ತುದ್ ಮುಲ್ಪಧ ಪ್ರತಿಭಾವಂತ  ಜೋಕ್ ಲೆಗ್ ಉಂದೊಂಜಿ  ಸುವರ್ಣ ಅವಕಾಶವಾದುಂಡ್ ಪಂಡೆರು.

ಉದ್ಘಾಟಕೆರಾದ್.  ಬತ್ತುದ್  ಪಾತೆರಿನ  ಮಣಿಪಾಲ ವಿಶ್ವವಿದ್ಯಾನಿಲಯದ ಸಹಕುಲಾಧಿಪತಿ ಡಾ. ಎಚ್. ಎಸ್. ಬಲ್ಲಾಳ್‌ ,ಪ್ರಸಾದ್ ರಾಜ್ ಕಾಂಚನ್ ಎಡ್ಡೆ ಕೆಲಸ ಮಲ್ತೊಂದುಲ್ಲೆರ್ .ನೆಕ್ಕ್  ನಮ್ಮ ಪೂರ್ಣ ಸಹಕಾರ  ಉಂಡು ಕ್ರಿಕೆಟ್ ಗ್  ಮಾತ್ರ ಹೆಚ್ಚಿಗೆ  ಮಹತ್ವ ಕೊರ್ಪಿನ  ಸರಿಯತ್ತ್.. ಬಾಸ್ಕೆಟ್ ಬಾಲ್ ಗುಲಾ  ಹೆಚ್ಚಿಗೆ  ಪ್ರೋತ್ಸಾಹ ಕೊರೊಡಾತುಂಡ್.. ಮಾಹೆದ ಮರೀನಾ ಬೊಕ್ಕ ಎಂಐಟಿಯ ಸುಸಜ್ಜಿತ ಬಾಸ್ಕೆಟ್ ಬಾಲ್ ಕ್ರೀಡಾಂಗಣ ಉಂಡು.ಇತ್ತೆ ಮಾಧವಕೃಪಾ ಶಾಲೆದಕುಲು ಜಿಲ್ಲಾಮಟ್ಟದ ಕ್ರೀಡಾಕೂಟಗ್ ಅವಕಾಶ  ಕೊರ್ತೆರ್.ದುಂಬುದ  ದಿನಕ್ಲೆಡ್  ಈ ಕ್ರೀಡೆಗ್ ಪೂರ್ಣ ಸಹಕಾರ ಕೊರ್ಪುಂಡ್ ಪಂಡೆರು.

ಕಾರ್ಯಕ್ರಮಡ್ ಪಾಲ್ ಪಡೆದ್ ಪಾತೆರಿನ ಅಂತಾರಾಷ್ಟ್ರೀಯ ಬಾಸ್ಕೆಟ್ ಬಾಲ್ ಆಟಗಗಾರ ಜುಗನ್ ಎಸ್ ದ್ಯಾನೇಶ್ವರನ್ , ಮಾಹೆ ಎಂಕ್  ಎಡ್ಡೆ ಸಹಕಾರ ಕೊರ್ತುಂಡ್ .ಉಂದು ಎನ್ನ ರಡ್ಡನೇ ಇಲ್ಲ್  ಇತ್ತಿಲೆಕ್ಕ ಟೂರ್ನಮೆಂಟ್ ಡ್  ಹೆಚ್ಚಿಗೆ ಸಂಖ್ಯೆಡ್  ಪೊಣ್ಣುಜೋಕುಲು  ಪಾಲ್ ಪಡೆದಿನ ತೂದ್ ಖುಷಿ ಆಂಡ್..ಈ ಭಾಗಡ್  10 – 15 ಪ್ರತಿಭಾವಂತ ಜೋಕುಲು ದೇಶದ ಬಾಸ್ಕೆಟ್ ಬಾಲ್ ತಂಡೊನ್  ಪ್ರತಿನಿಧಿಸಾವೊಡ್ ಪಂಡೆರು. ಸಭಾ  ಕಾರ್ಯಕ್ರಮ ಬೊಕ್ಕ
ಮಣಿಪಾಲದ ಮಾಧವ ಕೃಪಾ ಶಾಲೆದ ಆವರಣಡ್  ಜಿಲ್ಲಾ ಮಟ್ಟದ ಬಾಸ್ಕೆಟ್‌ಬಾಲ್ ಪಂದ್ಯಾಟಲೆಗ್  ಚಾಲನೆ ಕೊರಿಯೆರ್.

ಮಣಿಪಾಲದ ಮಾಧವ ಕೃಪಾ ಶಾಲೆಡ್  ನಡಪುನ ಈ ಕ್ರೀಡಾಕೂಟಡ್  ಜಿಲ್ಲೆಧ  ಪ್ರತಿಭಾನ್ವಿತ ಕ್ರೀಡಾಪಟುಲು ಪಾಲ್ ಪಡೆದೆರ್. 
ಜಿಲ್ಲಾ ಅಥ್ಲೆಟಿಕ್ಸ್ ಅಸೋಸಿಯೇಷನ್ ನ ಅಧ್ಯಕ್ಷ ಹರಿಪ್ರಸಾದ್ ರೈ ,ಜಿಲ್ಲಾ ಪೊಲೀಸ್ ಅಧೀಕ್ಷಕ ಹರಿರಾಂ ಶಂಕರ್ , ಮುಕುಂದ ಕೃಪಾ ಶಾಲೆದ  ಪ್ರಾಂಶುಪಾಲೆ ಸ್ವಾತಿ ಕುಲಕರ್ಣಿ ,ಚಂದ್ರಶೇಖರ್ ಪ್ರಭು ,ಎ . ಕೆ ಹುಸೇನ್ , ವಿನಯ್ ಮೊಯ್ಲಿ ,ನೂತನ ಅಸೋಸಿಯೇಷನ್ ನ ಪದಾಧಿಕಾರಿಲಕ ,ಶಾಲೆದ ಸಿಬ್ಬಂದಿ ಬೊಕ್ಕ ವಿದ್ಯಾರ್ಥಿಲು ಉಪಸ್ಥಿತರಿತ್ತೆರು.