ರಾಮನವಮಿದ ಪ್ರಯುಕ್ತ ಬಡವೆರೆಗ್ ಇಲ್ಲ್ ಹಸ್ತಾಂತರ..

ಶ್ರೀರಾಮ ನವಮೀ ಪರ್ವದಿನ
ಉಡುಪಿಡ್ ಪೇಜಾವರ ಶ್ರೀಕ್ಲೆನ ಸಹಕಾರಡ್ ಬಡವೆರೆಗ್ ರಡ್ಡ್ ಇಲ್ಲ್ ಹಸ್ತಾಂತರ

ಶ್ರೀರಾಮಸೇವಾ ಸಂಕಲ್ಪ ಅಭಿಯಾನದ ಅಂಗವಾದ್ ಶ್ರೀ ರಾಮನವಮಿದ ಪರ್ವದಿನತ್ತಾನಿ ಶ್ರೀಪೇಜಾವರ ಮಠದ ಆರ್ಥಿಕ ಸಹಕಾರೊಡ್ ಆಸರೆ ಟ್ರಸ್ಟ್ ಉಡುಪಿ ಉಡುಪಿದ ಕಲ್ಯಾಣಪುರದ ಗಿರಿಜಾ ಪೂಜಾರ್ತಿ ಬೊಕ್ಕ ಬ್ರಹ್ಮಾವರದ ಹೇರೂರುದ ಜಲಜ ಶೆಡ್ತಿ ಮೊಕ್ಲೆಗ್ ಆರ್ಥಿಕವಾದ್ ಅಶಕ್ತೆರೆಗ್ ಕಟ್ಟುದಿನ ಇಲ್ಲದ ಗೃಹಪ್ರವೇಶೋತ್ಸವ ಮಲ್ತುದ್ ಗೋಧೂಳಿ ಮುಹೂರ್ತಡ್ ದೀಪ ಬೆಳಗಿಸಾದ್ ಉದಿಪನ ಮಲ್ತುದ್ ಹಸ್ತಾಂತರ ಮಲ್ತೆರ್ . ಇಲ್ಲದಕ್ಲೆಗ್ ಪೊಸ ಕುಂಟು, ರಾಮ‌ -ಕೃಷ್ಣ ದೇವೆರೆನ ಚಿತ್ರ ದೀಪ ಬೊಕ್ಕ ನಿತ್ಯ ಭಜನೆಗಾದ್ ತಾಳ ಬೊಕ್ಕ ಫಲಮಂತ್ರಾಕ್ಷತೆ ಕೊರ್ದ್ ಆಶೀರ್ವಾದ ಮಲ್ತುದಗ ಶುಭ ಸಂದೇಶ ಕೊರಿಯೆರ್ ‌.ಶ್ರೀಪಾದೆರೆನ ಸೂಚಿನೆದ ಪ್ರಕಾರ ರಡ್ಡ್ ಇಲ್ಲಗ್ ಅಯೋಧ್ಯಾ ಬೊಕ್ಕ ಶ್ರಿರಾಮ‌ಸದನ ಪಂಡುದ್ ಪುದರ್ ದೀತೆರ್ . ಉದ್ಯಮಿ ಭುವನೇಂದ್ರ ಕಿದಿಯೂರು ರಡ್ಡ್ ಇಲ್ಲಗಿಲಾ ಐನ್ ಕುರ್ಚಿಲೆನ್ ಕೊರ್ದ್ ಶುಭ ಕೋರಿಯೆರ್ .ಆಸರೆ ಟ್ರಸ್ಟ್ ದ ರಾಘವೇಂದ್ರ ಕಿಣಿ , ಶ್ರೀಕ್ಲೆನ ಆಪ್ತ ಕಾರ್ಯದರ್ಶಿಲಾಯಿನ ವಿಷ್ಣು ಆಚಾರ್ಯ , ಕೃಷ್ಣ ಭಟ್ , ಕಲ್ಯಾಣಪುರ ಗ್ರಾ ಪಂ ಅಧ್ಯಕ್ಷ ಕೃಷ್ಣ ದೇವಾಡಿಗ , ಗಣೇಶ ಕುಲಾಲ್ ವೀಣಾ ನಾಯ್ಕ್ ಸಾಮಾಜಿಕ ಕಾರ್ಯಕರ್ತ ವಾಸುದೇವ ಭಟ್ ಪೆರಂಪಳ್ಳಿ ಮಂಗಳೂರು ಮಾಜಿ ಮೇಯರ್ ಗಣೇಶ ಹೊಸ ಬೆಟ್ಟು ,ಅಪ್ಪು ಜತ್ತನ್ , ಉಪಸ್ಥಿತರಿತ್ತೆರ್ .‌ಶಾಸಕ ರಘುಪತಿ ಭಟ್ರೆನ ಮಾರ್ಗದರ್ಶನಡ್ ಈ ಇಲ್ಲದ ನಿರ್ಮಾಣ ಆತುಂಡ್.