ಉಡುಪಿ ಮಲಬಾರ್ ಗೋಲ್ಡ್ ಡ್ ಸಾಧಕ ಮಹಿಳೆಯೆರೆಗ್ ಮಾನಾದಿಗೆ..

ಉಡುಪಿ ಮಲಬಾರ್ ಗೋಲ್ಡ್ ಡ್ ಸಾಧಕ ಮಹಿಳೆಯರೆಗ್ ಮಾನಾದಿಗೆ.

ಉಡುಪಿ, ಮಾ.8: ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಉಡುಪಿ ಶಾಖೆ ವತಿಡ್ದ್ ಮಹಿಳಾ ದಿನಾಚರಣೆದ ಪ್ರಯುಕ್ತ ಸಾಧಕ ಮಹಿಳೆ ಯೆರೆಗ್ ಸನ್ಮಾನ ಬೊಕ್ಕ ಸಂವಾದ ಕಾರ್ಯಕ್ರಮನ್ ಬುಧವಾರ ಉಡುಪಿ ಶಾಖೆಡ್ ಕೇಕ್ ಕಟ್ ಮಲ್ತ್ ದ್ ಆಚರಣೆ ಮಲ್ತೆರ್.

ಮುಖ್ಯ ಅತಿಥಿಯಾದಿತ್ತಿನ ಉಡುಪಿ ಶಿಶು ಅಭಿವೃದ್ಧಿ ಜಿಲ್ಲಾ ಯೋಜನಾ ಅಧಿಕಾರಿ ಶ್ರೀಮತಿ ವೀಣಾ ಮಹಿಳಾ ದಿನಾಚರಣೆ ಪನ್ಪಿನವ್ ಕೇವಲ ಒಂಜಿ ದಿನೊಕ್ ಮಾತ್ರ ಸೀಮಿತ ಆವರೆಗ್ ಬಲ್ಲಿ, ಮಹಿಳೆಯೆರೆಗ್ ಸಿಕ್ಕೊಡಾಯಿನ ಸಮಾನ ಗೌರವ, ಪ್ರತಿದಿನಲಾ ಸಿಕ್ಕುಲೆಕ್ ಆವೊಡ್. ಪೊಂಜೊವುಲೆನ ಬಗ್ಗೆ ಕೀಳರಿಮೆ ಮನೋಭಾವ ದೂರ ಆವೊಡ್ . ಆ ರೀತಿದ ಹೃದಯ ಶ್ರೀಮಂತಿಕೆ ಮಾತೆರೆಡ ಮೂಡ್ದ ಬರೊಡಾತುಂಡ್ ಪಂಡೆರ್.
ಮುಖ್ಯ ಅತಿಥಿಲಾದ್ ಬತ್ತಿನ ಶ್ರೀಮತಿ ರಶ್ಮಿತಾ ಬಾಲಕೃಷ್ಣ ಶೆಟ್ಟಿ, ಸಮಾಜ ಸೇವಕಿ ಸಿಂತಿಯ ಡಿಸೋಜ,ಡಾ. ಚರಿಷ್ಮ ಶೆಟ್ಟಿ ಎಡ್ಡೆಪ್ಪು ಬಯಕಿಯೆರ್.

ಈ ಸಂದರ್ಭಡ್ ಬೇತೆ ಬೇತೆ ಕ್ಷೇತ್ರೊಡ್ ಸಾಧನೆ ಮಲ್ದಿನ ನ್ಯಾಯಾಧೀಶೆರಾಯಿನ ಮುಮ್ತಾಜ್,ಸಫಲ್ಯ ಟ್ರಸ್ಟ್ ದ ಅಧ್ಯಕ್ಷೆರಾಯಿನ ನಿರೂಪಮ ಪ್ರಸಾದ್ ಶೆಟ್ಟಿ,ಸಾಮಾಜಿಕ ಕಾರ್ಯಕರ್ತೆರಾಯಿನ ಜಾನೆಟ್ ಬರ್ಬೋಜ,ಅಂತರಾಷ್ಟ್ರೀಯ ಕ್ರೀಡಾ ಬೊಕ್ಕ ನೃತ್ಯ ಪಟು ಎಮ್.ಜೆ ಅರ್ಚನಾ,ಪವರ್ಲಿಫ್ಟರ್ ಸುಮನ ಎಮ್ ಪೂಜಾರಿ ಮೊಕ್ಲೆಗ್
ಸನ್ಮಾನ ಮಲ್ತುದ್ ಗೌರವ ಕೊರಿಯೆರ್.

ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಉಡುಪಿ ಶಾಖಾ ಮುಖ್ಯಸ್ಥ ಹಫೀಝ್ ರೆಹಮಾನ್, ಪುರಂದರ ತಿಂಗಳಾಯ,ರಾಘವೇಂದ್ರ ನಾಯಕ್, ತಂಝಿಮ್ ಶಿರ್ವ, ಉಪಸ್ಥಿತರಿತ್ತೆರ್.
ವಿಘ್ನೇಶ್ ಕಾರ್ಯಕ್ರಮ ನಿರೂಪಣೆ ಮಲ್ತುದ್ ವಂದಿಸಾಯೆರ್.