ವಿಪ್ರ ಮಹಿಳಾದಿನಾಚರಣೆ

ಕರಂಬಳ್ಳಿ : ವಿಪ್ರ ಮಹಿಳಾ ದಿನಾಚರಣೆ – ಗಾರ್ಗಿ ಏನ್ ಶಬರಾಯೆರೆಗ್ ಸನ್ಮಾನ .

ಉಡುಪಿ ಕರಂಬಳ್ಳಿ ವಲಯ ಬ್ರಾಹ್ಮಣ ಸಮಿತಿಡ್ದ್  “ವಿಪ್ರ ಮಹಿಳಾ ದಿನಾಚರಣೆ 2025″ ನ್  ಬಾರೀ ಗೌಜಿಡ್  ಆಚರಣೆ ಮಲ್ತೆರ್. .
ಮುಖ್ಯ್ ಅತಿಥಿ ಬೊಕ್ಕ
ಸಂಪನ್ಮೂಲ ವ್ಯಕ್ತ್ತಿಯಾದ್  ಡಾ. ರಾಜೇಶ್ವರಿ ಜಿ ಭಟ್ , HOD , OBG dept ಕೆಎಂಸಿ ಮಣಿಪಾಲ ಮೇರು ಮಹಿಳೆಯರೆನ PCOD ಸಮಸ್ಯೆ ಬಗ್ಗೆ ಉಪನ್ಯಾಸ ಕೊರಿಯೆರು .

ಬಹುಮುಖ ಪ್ರತಿಭೆದ  ವಿದುಷಿ ಶ್ರೀಮತಿ ಗಾರ್ಗಿ ಎನ್ ಶಬರಾಯೆರೆಗ್  “ಸಂಗೀತ ರತ್ನ ” ಪ್ರಶಸ್ತಿ ಕೊರ್ದ್ ಮಾನಾದಿಗೆ ಮಲ್ತೆರ್ .
ಕರಂಬಳ್ಳಿ ವಲಯದ ಅಧ್ಯಕ್ಷ ಕೀಳಂಜೆ ಶ್ರೀಕೃಷ್ಣರಾಜ್ ಭಟ್ ಸಭೆತ್ತ  ಅಧ್ಯಕ್ಷತೆಡಿತ್ತುದ್  ಪ್ರಸ್ತಾವನೆ ಮಲ್ತೆರು.

ವಿಪ್ರ ಮಹಿಳೆಯೆರೆಗ್ ಬೇತೆ ಬೇತೆ ಪಂತೊಲೆನ್  ಸುಧಾ ಹರಿದಾಸ್ ಭಟ್ ನಡಪಾಯೆರು .ಬೇತೆ ಬೇತೆ ಕ್ಷೇತ್ರೊಲೆಡ್ ಸಾಧನೆ ಮಲ್ದಿನ  ಮಹಿಳೆಯೆರು ಬೊಕ್ಕ ಪೊಸ ಸದಸ್ಯೆರೆನ್  ಈ ಸಂದರ್ಭಡ್  ಮಾನಾದಿಗೆ ಮಲ್ತೆರ್ .

ಕಾರ್ಯದರ್ಶಿ ನಾಗರಾಜ್ ಭಟ್ ,ಕೋಶಾಧಿಕಾರಿ ಅಜಿತ್ ಬಿಜಾಪುರ್ ,ಮಹಿಳಾ ಪ್ರತಿನಿಧಿ ಶ್ಯಾಮಲಾ ರಾವ್ ಉಪಸ್ಥಿತ ರಿತ್ತೆರು .

ಕವಿತಾ ಲಕ್ಷ್ಮೀನಾರಾಯಣ , ವಸುಧಾ ಶ್ರೀಕೃಷ್ಣರಾಜ್ ,ರಾಧಿಕಾ ಚಂದ್ರಕಾಂತ್ , ಜಯಶ್ರೀ ಬಾರಿತ್ತಾಯ ಸಹಕಾರ ಮಲ್ತೆರು .ಅಂಕಿತಾ ನಿರೂಪಣೆ ಮಲ್ತುದ್ ಪೂರ್ಣಿಮಾ ಹೆಬ್ಬಾರ್ ಸೊಲ್ಮೆಸಂದಾಯ್ತ ಮಲ್ತೆರು .