ಸ್ಕೌಟ್ ಬೊಕ್ಕ ಗೈಡ್ಸ್ ಚಳುವಳಿಡ್ ಸಾಧ್ಯವಾಯಿನಾತ್ ತೊಡಗಿಸಾವೊನ್ಲೆ ~ ಪಿ.ಜಿ.ಆರ್ . ಸಿಂಧ್ಯಾ
ಸ್ಕೌಟ್ ಬೊಕ್ಕ ಗೈಡ್ಸ್ ಸಂಸ್ಥೆಡ್ ತೆರಿಯೊನರೆಗ್ ಮಸ್ತ್ ವಿಷಯೊಲು ಉಂಡು. ವ್ಯಕ್ತಿತ್ವ ವಿಕಸನಗ್ ಉಂದೊಂಜಿ ಮಲ್ಲ ಸಾದಿ . ಅಂಚಾದ್ ಸ್ಕೌಟ್ ಬೊಕ್ಕ ಗೈಡ್ಸ್ ಚಳುವಳಿಡ್ ಆಯಿನಾತ್ ತೊಡಗಿಸಾವೊನ್ಲೆ ಪಂಡುದು ಭಾರತ್ ಸ್ಕೌಟ್ ಬೊಕ್ಕ ಗೈಡ್ಸ್ ದ ರಾಜ್ಯ ಮುಖ್ಯ ಆಯುಕ್ತ ಬೊಕ್ಕ ಮಾಜಿ ಸಚಿವೆರಾಯಿನ ಪಿ ಜಿ ಆರ್ ಸಿಂಧ್ಯಾ ವಿದ್ಯಾರ್ಥಿಲೆಗ್ ಲೆಪ್ಪು ಕೊರಿಯೆರು.
ಆರು ಭಾರತ್ ಸ್ಕೌಟ್ ಬೊಕ್ಕ ಗೈಡ್ಸ್ ಕರ್ನಾಟಕ ಉಡುಪಿ ಜಿಲ್ಲಾ ಸಂಸ್ಥೆ ಶ್ರೀ ಮುಕಾಂಬಿಕಾ ದೇವಸ್ಥಾನದ ಮೂಕಾಂಬಿಕಾ ಸಭಾ ಗೃಹಡ್ ಆಯೋಜನೆ ಮಲ್ದಿನ ರಾಜ್ಯಮಟ್ಟದ ಚಾರಣ, ಪ್ರಕೃತಿ ಅಧ್ಯಯನ ಬೊಕ್ಕ ಸ್ವಚ್ಛತಾ ಕಾರ್ಯಕ್ರಮದ ಸಮಾರೋಪ ಸಮಾರಂಭಡ್ ಪಾತೆರಿಯೆರು. ಸರಕಾರಿ ಉದ್ಯೋಗನ್ ನಂಬುದ್ ಕುಲ್ಲಂದೆ ಸ್ವಂತ ಉದ್ದಿಮೆ ಬೊಕ್ಕ ಬೇತೆ ಬೇತೆ ಚಟುವಟಿಕೆ ಲೆಡ್ ತೊಡಗಿಸಾವೊನ್ಲೆ ಪಂಡುದು ಲೆಪ್ಪು ಕೊರಿಯೆರು.
ಜಿಲ್ಲಾ ಮುಖ್ಯ ಆಯುಕ್ತೆರಾಯಿನ ಜಯಕರ್ ಶೆಟ್ಟಿ ಇಂದ್ರಾಳಿ ಪಾತೆರ್ದ್ ವಿದ್ಯಾರ್ಥಿ ಜೀವನಡ್ ಇಂಚಿನ ಕ್ಯಾಂಪ್ ಲೆಡ್ ಪಾಲ್ ಪಡೆದ್ ಅವ್ವೆನ್ ಸದುಪಯೋಗ ಮಲ್ತೊನ್ಲೆ ಪಂಡೆರು.
ಈ ಸಂದರ್ಭಡ್ 25 ಜಿಲ್ಲೆಲೆಡ್ ಬತ್ತಿನ ವಿದ್ಯಾರ್ಥಿಲೆಗ್ ಪ್ರಮಾಣಪತ್ರನ್ ವಿತರಣೆ ಮಲ್ತೆರ್. ಕೆಲವ್ ವಿದ್ಯಾರ್ಥಿಲು ತಮ್ಮ ಅನುಭವನ್ ಪಟ್ಟೊಂಡೆರು.
ವೇದಿಕೆಡ್ ಜಿಲ್ಲಾ ಸ್ಕೌಟ್ ಆಯುಕ್ತ ಜನಾರ್ದನ್ ಕೊಡವೂರು, ಜಿಲ್ಲಾ ಖಜಾಂಜಿ ಹರಿಪ್ರಸಾದ್ ರೈ,
ಅಂತರಾಷ್ಟ್ರೀಯ ಸ್ಕೌಟ್ ಆಯುಕ್ತೆರಾಯಿನ ಮಧುಸೂದನ್,ಬೈಂದೂರು ಸ್ಥಳೀಯ ಅಧ್ಯಕ್ಷ ನರಸಿಂಹ ದೇವಾಡಿಗ, ರಾಜ್ಯ ಸಂಘಟನಾ ಆಯುಕ್ತ ಎಂ. ಪ್ರಭಾಕರ ಭಟ್, ಗೋಳಿಹೊಳೆ ಮೂಕಾಂಬಿಕಾ ಪಬ್ಲಿಕ್ ಶಾಲೆಯ ಆಡಳಿತಾಧಿಕಾರಿ ಸಂಪತ್ ಶೆಟ್ಟಿ, ಜಿಲ್ಲಾ ಉಪಾಧ್ಯಕ್ಷೆ ಶ್ರೀಮತಿ ದೀಪಿಕಾ ಶೆಟ್ಟಿ, ಶಿಬಿರ ನಾಯಕೆ ರೋವರ್ ಲೀಡರ್ ಹರೀಶ್ ಉಪಸ್ಥಿತರಿತ್ತೆರು
ಸ್ಕೌಟ್ ಜಿಲ್ಲಾ ತರಬೇತಿ ಆಯುಕ್ತ ಉದಯ ಭಾಸ್ಕರ್ ಶೆಟ್ಟಿ ಸ್ವಾಗತ ಮಲ್ತೆರು. ರಾಜ್ಯ ಸಹಾಯಕ ಸಂಘಟನಾ ಆಯುಕ್ತೆ ಶ್ರೀಮತಿ ಸುಮನ್ ಶೇಖರ್ ಪ್ರಸ್ತಾಪನೆ ಮಲ್ತೆರು. ಜಿಲ್ಲಾ ಕಾರ್ಯದರ್ಶಿ ಆನಂದ್ ಅಡಿಗ ನಿರೂಪಣೆ ಮಲ್ತೆರು.
by 