ಜಿಲ್ಲಾ ಆದರ್ಶ ಶಿಕ್ಷಕಿ ಪ್ರಶಸ್ತಿ ಪಡೆದ ಆದಿವುಡುಪಿ ಆಂಗ್ಲಮಾಧ್ಯಮ ಶಾಲೆದ ಸಹಶಿಕ್ಷಕಿ ವೀಣಾ ಕೆ.
ಆದರ್ಶ ಆಸ್ಪತ್ರೆ ಬೊಕ್ಕ ಶಾಲಾ ಶಿಕ್ಷಣ ಇಲಾಖೆ ಉಡುಪಿ ಜಿಲ್ಲೆದ ಸಹಯೋಗಡ್ ಸೆಪ್ಟೆಂಬರ್ 7ಗ್ ನಡತಿನ ಸಮಾರಂಭಡ್ ಆದಿವುಡುಪಿ ಆಂಗ್ಲಮಾಧ್ಯಮ ಶಾಲೆದ ಸಹಶಿಕ್ಷಕಿ ಶ್ರೀಮತಿ ವೀಣಾ ಕೆ. ಮೆರೆಗ್ ಜಿಲ್ಲಾ ಮಟ್ಟದ ಆದರ್ಶ ಶಿಕ್ಷಕ ಪ್ರಶಸ್ತಿನ್ ಗಣ್ಯೆರೆನ ಸಮ್ಮುಖಡ್ ಪ್ರದಾನ ಮಲ್ತೆರ್. ಆದಿವುಡುಪಿ ಶಿಕ್ಷಣ ಸಂಸ್ಥೆಡ್ ಪತ್ತು ವರ್ಷಡಿಂಚಿ ಸೇವೆ ಸಲ್ಲಿಸಾವೊಂದುಪ್ಪುನ ಮೇರು ಶಾಲೆದ ಬೇತೆ ಬೇತೆ ಚಟುವಟಿಕೆಲೆಡ್ ತನನ್ ತೊಡಗಿಸಾವೊಂದೆರ್. ಬೇತೆ ಬೇತೆ ಸ್ಪರ್ಧೆಲೆಡ್ ಭಾಗವಹಿಸರೆಗ್ ವಿದ್ಯಾರ್ಥಿಲೆನ್ ಪ್ರೇರೇಪಣೆ ಮಲ್ತುದ್, ಹೆಚ್ಚಿಗೆ ತರಬೇತಿನ್ ಕೊರ್ದು ವಿದ್ಯಾರ್ಥಿಲು ಬಹುಮಾನಲೆನ್ ಗೆಂದರೆಗ್ ಪ್ರಮುಖ ಪಾತ್ರ ವಹಿಸಾವೊಂದುಲ್ಲೆರ್.. ಒಂಜೇಡ್ದ್ ಪತ್ತನೇ ತರಗತಿಮುಟ್ಟದ ವಿದ್ಯಾರ್ಥಿಲೆಗ್ ಕನ್ನಡ ಭಾಷಾ ವಿಷಯೊನ್ ಅತ್ಯುತ್ತಮವಾದ್ ಬೋಧಿಸಾವುನ ಸಾಮರ್ಥ್ಯ ಮೆರೆಗುಂಡ್. ಸ್ವಾತಂತ್ರ್ಯೋತ್ಸವದ ಅಮೃತ ಮಹೋತ್ಸವದ ಪ್ರಯುಕ್ತ ಶಿಕ್ಷಕೆರೆಗ್ ಆಯೋಜನೆ ಮಲ್ದಿನ ತಾಲೂಕು ಮಟ್ಟದ ಪ್ರಬಂಧ ಸ್ಪರ್ಧೆಡ್ ಪ್ರಥಮ ಬಹುಮಾನ ಪಡೆದೆರ್..
by 