ಆರೋಗ್ಯ ಮಾಹಿತಿ..

ಪುತ್ತೂರು ಬ್ರಾಹ್ಮಣ ಮಹಾಸಭಾ – ಆರೋಗ್ಯ ಮಾಹಿತಿ

ಪುತ್ತೂರು ಬ್ರಾಹ್ಮಣ ಮಹಾಸಭಾ ವತಿಡ್ದ್ ಶ್ರೀ ಪುತ್ತೂರು ದುರ್ಗಾಪರಮೇಶ್ವರಿ ದೇವಳದ ಸಭಾಗ್ರಹಡ್  ತಿಂಗೊಲ್ದ ಕಾರ್ಯಕ್ರಮದ ಅಂಗವಾದ್  ಹಿತ್ತಲ ಗಿಡ ಮದ್ದು ಆರೋಗ್ಯ ಮಾಹಿತಿ ಕಾರ್ಯಕ್ರಮ ನಡತುಂಡ್.. ಖ್ಯಾತ ಆಯುರ್ವೇದ ವೈದೈ ಡಾ. ಸಂಧ್ಯಾ ರಂಜನ್ ಪಾತೆರ್ದ್   ನಮ್ಮ ಸುತ್ತಮುತ್ತಲುಡುಪ್ಪುನ  ಪರಿಸರಡ್ ಸುಲಭವಾದ್  ಸಿಕ್ಕುನ ಧವಸ ಧಾನ್ಯ ಬೊಕ್ಕ  ಗಿಡಮೂಲಿಕೆದ  ಸಮರ್ಪಕ ಉಪಯೋಗದ ಮೂಲಕ ಆರೋಗ್ಯನ್  ಕಾತೊಂಬಿನ ಬಗ್ಗೆ ಮನಮುಟ್ಟುಲೆಕ್ಕ  ಮಾಹಿತಿ ಕೊರಿಯೆರು. ಮಹಾಸಭಾ ಅಧ್ಯಕ್ಷ ಚಂದ್ರಶೇಖರ ಅಡಿಗ ಸ್ವಾಗತ ಮಲ್ತೆರು. ಕೋಶಾಧಿಕಾರಿ ಕೆ.ಜಿ. ರಾಮಚಂದ್ರರಾವ್, ಆಪದ್ಬಾಂಧವ ಸಮಿತಿ ಸಂಚಾಲಕ ಸುಬ್ರಹ್ಮಣ್ಯ ಜೋಷಿ, ನಿಕಟಪೂರ್ವ ಅಧ್ಯಕ್ಷೆ ಶುಭಾ ಬಾಳ್ತಿಲ್ಲಾಯ ಉಪಸ್ಥಿತರಿತ್ತೆರು. ಸಭಾ ಕಾರ್ಯಕ್ರಮಡ್ ಬೊಕ್ಕ ಮಂಜುಳಾ ವಿ. ಪ್ರಸಾದ್ ಮೆರೆನ ಸಂಯೋಜನೆಡ್  ಬೇತೆ ಬೇತೆ ಬಗೆತ ಆಟಿದ ತೆನಸುದ ಬಗ್ಗೆ ಪ್ರಾತ್ಯಕ್ಷಿಕೆ ನಡತುಂಡ್. ಚೈತನ್ಯ ಎಂ. ಜಿ. ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಕಾರ್ಯದರ್ಶಿ ನಿರಂಜನ್ ಭಟ್ ವಂದನಾರ್ಪಣೆ ಮಲ್ತೆರು.