ಪತ್ರಕರ್ತೆರೆಗ್ ಆರೋಗ್ಯ ಶಿಬಿರ

*ಉಡುಪಿ: ಪತ್ರಕರ್ತೆರೆಗ್ ಉಚಿತ ಆರೋಗ್ಯ*
*ತಪಾಸಣಾ ಶಿಬಿರ: ಸದಸ್ಯತ್ವದ ಕಾರ್ಡ್ ವಿತರಣೆ*

ಉಡುಪಿ, ಜೂ.24: ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಆಶ್ರಯಡ್  ಉಡುಪಿ ಪತ್ರಿಕಾ ಭವನ ಸಮಿತಿ, ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ ಉಡುಪಿ, ಜಿಲ್ಲಾ ಆಸ್ಪತ್ರೆ ಎನ್.ಸಿ.ಡಿ. ವಿಭಾಗ ಉಡುಪಿ, ಜಿಲ್ಲಾ ಸರ್ವೇಕ್ಷಣ ಘಟಕ(ಎನ್‌ಸಿಡಿ), ರಾಷ್ಟ್ರೀಯ ಆರೋಗ್ಯ ಅಭಿಯಾನ ಉಡುಪಿ, ಆದರ್ಶ ಆಸ್ಪತ್ರೆ ಉಡುಪಿ, ಪ್ರಸಾದ್ ನೇತ್ರಾಲಯ ಉಡುಪಿದ ಸಹಯೋಗದೊಟ್ಟುಗ್  ಪತ್ರಕರ್ತೆರೆಗ್  ಉಚಿತ ಆರೋಗ್ಯ ಶಿಬಿರೊನ್  ಬುಧವಾರ ಉಡುಪಿ ಪತ್ರಿಕಾ ಭವನಡ್ ಆಯೋಜನೆ ಮಲ್ದಿತ್ತೆರ್..

ಕಾರ್ಯಕ್ರಮನ್  ಜಿಲ್ಲಾ ಆರೋಗ್ಯ  ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆದ  ಅಧಿಕಾರಿ ಡಾ.ಬಸವರಾಜ ಹುಬ್ಬಳ್ಳಿ ಉದ್ಘಾಟನೆ ಮಲ್ತೆರು. ಉಂದುವೇ ಸಂದರ್ಭಡ್  ಸಂಘದ 2026-27ನೇ ಸಾಲುದ  ಸದಸ್ಯತ್ವ ಕಾರ್ಡ್‌ಲೆನ್  ವಿತರಣೆ ಮಲ್ತೆರು..

ಜಿಲ್ಲಾ ಸರ್ಜನ್ ಡಾ.ಎಚ್.ಅಶೋಕ್ ಪಾತೆರ್ದ್ , ಒತ್ತಡದ ವೃತ್ತಿ ಬದುಕುಡುಪ್ಪುನ ಪ್ರತಿಯೊರಿಲಾ ದಿನೊಕ್  45 ನಿಮಿಷ ವ್ಯಾಯಮ, ವಾಕಿಂಗ್‌ ಮಲ್ಪೊಡ್.. ಈ ಮೂಲಕ  ಆರೋಗ್ಯನ್  ಕಾತೊನೊಡ್ . ಪ್ರತಿ ಆಜಿ  ತಿಂಗೊಲುಗೊರ ಆರೋಗ್ಯ ತಪಾಸಣೆನ್  ಮಲ್ಪೊಡ್ ಪಂಡೆರು..

. ಅಧ್ಯಕ್ಷತೆಡ್  ಸಂಘದ ಜಿಲ್ಲಾಧ್ಯಕ್ಷ ಸುಬ್ರಹ್ಮಣ್ಯ ಜಿ.ಕುರ್ಯ ಇತ್ತೆರು. ವೇದಿಕೆಡ್  ರಾಜ್ಯ ಸಮಿತಿ ಸದಸ್ಯ ಅಸ್ಟ್ರೋ ಮೋಹನ್, ಜಿಲ್ಲಾ ಕೋಶಾಧಿಕಾರಿ ಹರೀಶ್ ಕುಂದರ್ ಉಪಸ್ಥಿತರಿತ್ತೆರು. ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸ್ವಾಗತ ಮಲ್ತುದ್, ಸೊಲ್ಮೆ ಸಂದಾಯ್ತ ಮಲ್ತೆರು. ಪತ್ರಕರ್ತ ಶ್ರೀಕಾಂತ್ ಹೆಮ್ಮಾಡಿ ಕಾರ್ಯಕ್ರಮ ನಿರೂಪಣೆ ಮಲ್ತೆರು.

ಶಿಬಿರಡ್  ಮಧುಮೇಹ, ರಕ್ತದೊತ್ತಡ, ಇಸಿಜಿ, ಹಿಮೋಗ್ಲೋಬಿನ್ ಪರೀಕ್ಷೆ, ಕೊಲೆಸ್ಟ್ರಾಲ್, ಕಣ್ಣುದ ಪರೀಕ್ಷೆನ್ ಮಲ್ತೆರ್.. ಅಸಾಂಕ್ರಮಿಕ ರೋಗಿಲೆನ ಬಗ್ಗೆ ಜೀವನ ಶೈಲಿ ಮಾರ್ಪಡು ಬಗ್ಗೆ ಮಾಹಿತಿ, ಪಿಜಿಯೋ ಥೆರಪಿ, ತಂಬಾಕು ದುಷ್ಪಾರಿಣಾಮದ  ಬಗ್ಗೆ ಮಾಹಿತಿ ಕೊರಿಯೆರ್. ಶಿಬಿರಡ್ 100 ಕ್ ಲಾ ಜಾಸ್ತಿ ಪತ್ರಕರ್ತೆರು ಪಾಲ್ ಪಡೆದ್ ಪ್ರಯೋಜನ ಪಡೆತೊಂಡೆರು.