ಕೆವಿಜಿ ಡ್ ಯೋಗ ಶಿಬಿರ

ಕೆ.ವಿ.ಜಿ ಆಯುರ್ವೇದ ಮೆಡಿಕಲ್ ಕಾಲೇಜಿಡ್ ಯೋಗ ದಿನಾಚರಣೆ

ಸುಳ್ಯದ ಕೆವಿಜಿ ಆಯುರ್ವೇದ ಮೆಡಿಕಲ್ ಕಾಲೇಜು ಬೊಕ್ಕ ಆಸ್ಪತ್ರೆಡ್ ಜೂ 21 ಗ್ ಅಂತಾರಾಷ್ಟ್ರೀಯ ಯೋಗ ದಿನೊನ್ ಆಚರಣೆ ಮಲ್ತೆರ್..
ಕಾಲೇಜಿದ  ಸ್ವಸ್ತವೃತ್ತ ಬೊಕ್ಕ ಯೋಗ ವಿಭಾಗ, ಏನ್.ಎಸ್.ಎಸ್ ಘಟಕ, ಬೊಕ್ಕ ಮೂಡಬಿದ್ರೆಯ ಆಳ್ವಾಸ್ ನ್ಯಾಚುರೋಪಥಿ ಬೊಕ್ಕ ಯೋಗ ಕಾಲೇಜು ಸಹಯೋಗದೊಟ್ಟುಗ್ ಯೋಗ ದಿನಾಚರಣೆ ಕಾಲೇಜು ಆವರಣಡ್  ನಡತುಂಡ್..

ಕಾಲೇಜಿದ  ಪ್ರಾಂಶುಪಾಲೆರಾಯಿನ  ಡಾ. ಲೀಲಾಧರ್ ಡಿ.ವಿ. ಮೇರು ಅಂತಾರಾಷ್ಟ್ರೀಯ ಯೋಗದಿನದ ಪ್ರಾಮುಖ್ಯತೆನ್ ತೆರಿಪಾಯೆರು.

ಕಾರ್ಯಕ್ರಮದ ಅಂಗವಾದ್  ಕಾಲೇಜಿನಳದ ವಿದ್ಯಾರ್ಥಿಲು ಯೋಗಾಸನ ಪ್ರದರ್ಶನ ಮಲ್ತೆರು. ವಿದ್ಯಾರ್ಥಿಲೆಗಾದ್ ಬೇತೆ ಬೇತೆ ಸ್ಪರ್ಧೆಲೆನ್  ಆಯೋಜನೆ ಮಲ್ತುದ್, ವಿಜೇತೆರೆಗ್ ಇನಾಮು ಪಟ್ಟಿಯೆರ್.

ಕಾರ್ಯಕ್ರಮಡ್  ಕಾಲೇಜಿದ  ಕೋ ಆರ್ಡಿನೆಟರ್ ಡಾ. ಕವಿತಾ ಬಿ. ಎಂ, ವಿದ್ಯಾರ್ಥಿ ಕ್ಷೇಮಾಧಿಕಾರಿ ಡಾ. ವಿನಯ್ ಶಂಕರ್ ಭಾರದ್ವಜ್, ಡಾ. ಅವಿನಾಶ್, ಸ್ವಸ್ತವೃತ್ತ ಬೊಕ್ಕ ಯೋಗ ವಿಭಾಗದ ಪ್ರಾದ್ಯಾಪಕೆರಾಯಿನ ಡಾ. ಜಯವಾಣಿ ಎಂ.ಜಿ, ಬೊಕ್ಕ ಡಾ. ಶಬೀನಾ ಟಿ. ಟಿ, ಏನ್.ಎಸ್.ಎಸ್ ಘಟಕದ ಕೋ ಆರ್ಡಿನೆಟರ್ ಡಾ. ಪ್ರಮೋದ್, ಮೂಡಬಿದ್ರಿ ಆಳ್ವಾಸ್ ನ್ಯಾಚುರೋಪತಿ ಬೊಕ್ಕ ಯೋಗ ಪ್ರಾದ್ಯಾಪಕೆರಾಯಿನ ಡಾ. ಶ್ರೀನಿವಾಸ್ ಶೆಣೈ, ಬೊಕ್ಕ ಕಾಲೇಜಿದ ಬೋಧಕ, ಬೋಧಕೇತರ ಸಿಬ್ಬಂದಿ ವರ್ಗ, ಸ್ನಾತಕೋತ್ತರ ವಿದ್ಯಾರ್ಥಿಲು,, ಕಲಿಕಾ ವೈದ್ಯೆರು, ವಿದ್ಯಾರ್ಥಿಲು ಉಪಸ್ಥಿತರಿತ್ತೆರು.