ಎಂಕುಲು ಜೋಕುಲಾದಿಪ್ಪನಗ ದೊಡ್ಡುದಕುಲು ಆವಡ್ ಬಂಗದಕುಲು ಆವಡ್ ಉಂದು ಇಪ್ಪಂದಿನ ಇಲ್ಲ್ ಕಡಿಮೆ ಪಂಡ್ದೇ ಪನೊಲಿ.ಇತ್ತೆದ ಲೆಕ್ಕೊ ಕರೆಂಟ್ ದಾಂತಿನ ಆ ಪೊರ್ತುಡ್ ಒವ್ವ್ ಇಲ್ಲಡುಲಾ ಲೈಟ್ ಇತ್ತುಜಿ. ಇಲ್ಲಡ್ ಪಿದಾಯಿ ಪೋವೊಡಾಂಡ,ಅಂಗಡಿದ ಬಾಕಿಲ್ ಪೋವೊಡಾಂಡ,ಪೊಂಜೊವುಲೆಗ್ ರಾತ್ರೆಗ್ ಪಿದಾಯಿ ಪೋವೊಡಾಂಡ,ಆಂಜೊವುನಕ್ಲೆಗ್ ಕಡಲ್ದ ಬರಿಕ್ ಪೋವೊಡಾಂಡ ಉಂದು ಬೋಡೆ ಬೋಡು.ಜಕ್ಕ ಜವನೆರ್ ಏರೆರ್ನ ತೋಟೊಗ್ ಪೋದ್ ಬೊಂಡ ಕನ್ನೊನೆರೆ ಪೋದು ತಾರೆಡ್ ಬೊಂಡ ಪಿಂಟಾವುನಗ ತೋಟದ ಉಲ್ಲಾಯೆ ತಾರೆದ ಕುಬೆಕ್ ಟಾಚರ್ಿ ಪಾಡ್ದ್ ಬೊಂಡ ಕಳ್ವನ್ ಗುರ್ತ ಪತ್ತರೆಗ್ ಉಂದ್ ಮಸ್ತ್ ಉಪಯೋಗ ಆವೊಂದಿತ್ತುಂಡ್.
“ಎವರೆಡಿ” ಕಂಪೆನಿದ ಪುದರ್ ಇತ್ತಿನ ಸೆಲ್ಲ್ ದ ಆ ಬ್ಯಾಟರಿ ಬೇಗ ಸೆಲ್ ಖಾಲಿ ಆವರೆ ಬಲ್ಲಿ ಪಂಡ್ದ್ ಬೊಟ್ಟಾವಂದುಪ್ಪುನ ಪೊರ್ತುಡ್ ನಾಲ್ ಸೆಲ್ಲ್ ಡ್ ಒಂಜಿ ಸೆಲ್ಲುನ್ ತಿರ್ಗಾದ್ ಪಾಡೊಂದಿತ್ತೆರ್..ಬಾರೀ ಜಾಗೃತೆದ ನರಮಾನಿಲು ಟಾರ್ಚಿ ಬೇಗ ಹಾಳಾವಂದಿಲೆಕ್ಕ ಐಕ್ ಒಂಜಿ ಕುಂಟುಡ್ ಕವರ್ ಮಲ್ತುದ್ ಪಾಡೊಂದಿತ್ತೆರ್.
ಇಂಚ ಆನಿದ ಕಾಲೊಡ್ ಪೂರಕ್ಲೆಗ್ ಲಾ ಸಾದಿ ಬೊಲ್ಪಾದಿತ್ತಿನ ಇತ್ತೆ ಆಧುನಿಕತೆದ ಗಾಳಿಡ್ ಉಂದು ಮಾಯಕ ಆದ್ ಉಂದೆತ್ತ ಬದಲ್ಗ್ ಬಗೆ ಬಣ್ಣದ ಟಾರ್ಚಿಲು ಬೈದ…
ಪುರಂದರ್ ಪೊಲರ್ು..
by 