ನರಮಾನಿಗ್ ಬದುಕುಡ್ ದೋಸ್ತಿಲು ಅಗತ್ಯವಾದುಪ್ಪೊಡ್.ನಮ್ಮ ಸುಖ ಕಷ್ಟೊದ ಕೆಲವು ವಿಚಾರೊಲೆನ್ ಇಲ್ಲದಕ್ಲೆಡ ಪನರೆಗ್ ಮುಜುಗರ ಆಂಡಲಾ ದೋಸ್ತಿನಕ್ಲೆಡ ಪನೊಲಿ. ದೋಸ್ತಿಕತೆ ಪನ್ನಗ ಕೆಲವು ನಮೂನೆದಕುಲ್ ಉಪ್ಪುವೆರ್.ಕೆಲವೆರ್ ಎದುರುಡ್ ದೋಸ್ತಿಲಾಂಡಲಾ ಪಿರಾವುಡ್ ಅಕುಲು ದೋಸ್ತಿನಕ್ಲೆಗೇ ಪಿರಾವುಡ್ ವೈರಿಲಾದುಪ್ಪುವೆರ್.ಆಂಡ ಕೆಲವೆರ್ ಮಾತ್ರ ದೋಸ್ತಿಲೆಗಾದ್ ದಾದ ಬೋಡಾಂಡಲಾ ಮಲ್ಪುವೆರ್.ಕುಡ ಕೆಲವೆರ್ ನಮ ಇತ್ತುಂಡಲಾ ಒಟ್ಟುಡೇ, ಸೈತುಂಡಲಾ ಒಟ್ಟುಡೇ ಪಂಡುದ್ ಯೇಪೊಲಾ ಅನ್ಯೋನತೆಡ್ ಉಪ್ಪುವೆರ್.
ಇಂಚಿತ್ತಿನ ದೋಸ್ತಿಲೆಡ್ ಉಡುಪಿದ ಸುಂದರಿ ಪೂಜಾರಿ ಬೊಕ್ಕ ಬೇಬಿ ಪೂಜಾರಿ ಮೊಕುಲ್ ಬದುಕುದ ಪಯಣೊಡ್ ಮಾತ್ರ ಅತ್ತಾವಂದೆ ಬದುಕುದ ಕಡೆತ್ತ ಪೊತರ್ುಡುಲಾ ಒಂಜಾದಿತ್ತುದ್ ದೋಸ್ತಿಲು ಪಂಡ ದಾದ ಪಂಡುದ್ ತೋಜಾಯಿನಕುಲು.
ಸುಂದರಿ ಪೂಜಾರ್ತಿ ಬೊಕ್ಕ ಬೇಬಿ ಪೂಜಾರ್ತಿ ಮೊಕುಲು ಉದ್ಯಾವರದ ಬಿಲ್ಲವ ಮಹಾಜನ ಸಂಘೊಡ್ ಪರಿಚಾರಕಿಯಾದ್ ಸುಮಾರ್ 35 ವರ್ಸ ಒಟ್ಟುಡೇ ಬೇಲೆ ಮಲ್ತೊಂದ್ ದೋಸ್ತಿಲಾದಿತ್ತೆರ್.ಸುಖ ಕಷ್ಟೊಡ್ ಯೇಪಲಾ ಒಟ್ಟಡೇ ಇತ್ತಿನಕುಲ್, ಇಂಚಪ್ಪೊಗ್ ಮೊಕಲೆಗ್ ಅನಾರೋಗ್ಯ ತೋಜಿದ್ ಬತ್ತುದ್ ಆಸ್ಪತ್ರೆಡಿತ್ತೆರ್.ಆಂಡ ಕರಿನ ಸೋಮಾರದಾನಿ ಇರುವೆರ್ಲಾ ಒಂಜೇ ದಿನ ತೀರು ಪೋತಿನ ಸುದ್ದಿ ಆತುಂಡ್.ಬೇಬಿ ಕಾಂಡೆ ತೀರುಂಡ ಸುಂದರಿಲಾ ಆನಿಯೇ ಬೈಯಗ್ ತೀರುದೆರ್.ಇರುವೆರೆನ್ಲಾ ಉದ್ಯಾವರ ರುದ್ರಭೂಮಿಡ್ ಅಂತ್ಯಕ್ರಿಯೆ ಮಲ್ತುದೆರ್.ಇಂಚ ಬದುಕುದೊಟ್ಟುಗ್ ಸಾವುಡ್ಲಾ ಒಟ್ಟುಡೇ ಇತ್ತುದ್ ದೋಸ್ತಿಕತೆಗ್ ಸಾರ್ಥಕ ಆತುಂಡ್. ಉಡ
by 