ನರಮಾನಿ ಆಯಿ ಬೊಕ್ಕ

ನರಮಾನಿಯಾದ್ ಪುಟ್ಟಿಬೊಕ್ಕ ದಾದಾಂಡಲಾ ಪುದರ್ ಮಲ್ಪೊಡ್, ನರಮಾನಿ ಜನ್ಮನೇ ಮಾತಾ ಪ್ರಾಣಿಲೆಡ್ದ್ ಮಲ್ಲ ಜನ್ಮ.ಆಂಡ ನಮಕ್ ನಮ್ಮ ಜನ್ಮನ್ ಎಂಚ ಪೊರ್ಲುಡ್ ಕಳೆಯೊಡುಂದ್ ಗೊತ್ತುಜಿ.

ವಿಮಿಲಿ ಡರ್ಕಿಮ್ ಪನ್ಪಿನ ಸಮಾಜಶಾಸ್ತ್ರಜ್ಞೆ “ಆತ್ಮಹತ್ಯೆ” ಪನ್ಪಿನ ಸಿದ್ದಾಂತ ಬಾರೀ ಪಿರಾಕುಡ್ ಬರೆತೆ.ನಮ್ಮ ಮನಸುಗ್ ಒಂಜಿ ಕ್ಷಣ ಎಂಕ್ ಏರ್ಲಾ ಇಜ್ಜೆರ್.ಯಾನ್ ಒರಿಯೇ ಪಂಡುದ್ ಭಾವನೆ ಬನ್ನಗ ಆಯೇ ಆತ್ಮಹತ್ಯೆ ಮಲ್ತೊನುವೆಗೆ.ಆ ಸಂದರ್ಭಡ್ ಏರಾಂಡಲಾ ನೆನೆಪಾಂಡ,ಏರಾಂಡಲಾ ಪರಿಹಾರ ತೋಜಾಂಡ ಆಯೆ ಆತ್ಮಹತ್ಯೆ ಮಲ್ಪುನ ತಪ್ಪಾವೊಲಿಗೆ. ತಜ್ಞೆರ್ ಪನ್ಪಿನ ಪ್ರಕಾರ ಆತ್ಮಹತ್ಯೆಗ್ ಆ ವ್ಯಕ್ತಿ ಕಾರಣ ಅತ್ತ್, ಸಮಾಜ ಕಾರಣ.ಎಂಚ ಪಂಡ ನರಮಾನಿ ಪುಟ್ಟುನಗ ಒರಿಯೆ ಆಂಡ ಪುಟ್ಟಿ ಬೊಕ್ಕ ಆಯೆ ಮಸ್ತ್ ಜನ ತನ್ನಕುಲ್ ಪಂಡುದ್ ಎನ್ನುವೆ.ಎನ್ನ ಅಪ್ಪೆ-ಅಮ್ಮೆ,ತಗೆ-ತಂಗಡಿ,ಕಂಡನಿ,ಜೋಕುಲು-ಬಾಲೆಲು ಪೂರಾ ಎನ್ನಕುಲು ಪಂಡುದ್ ಎನ್ನುವೆರ್.ಆಂಡ ಮೊಕುಲೆನ್ ಕಳೆವೊಂಡ ಮನಸ್ಸುಗ್ ಬೇಜಾರಾಪುಂಡ್.ಎಂಕ್ ಏರ್ಲಾ ಇಜ್ಜೆರ್ ಪನ್ಪಿನ ಮನಸ್ಸುಗ್ ಬತ್ತುಂಡ ಯಾನ್ ದಾಯೆಗ್ ಬದುಕೊಡುಂದಾಪುಂಡ್.ಮನಸ್ಸ್ ಆತ್ಮಹತ್ಯೆದಂಚಿ ಪೋಪುಂಡ್.

ಎನ್ನ ಅಭಿಪ್ರಾಯ ದಾದ ಪಂಡ ನಮಕ್ ಮಲ್ಲ ಸಮಸ್ಯೆ ತೋಜುನಗ ನನೊರಿಯಡ ಪನೊಡು.ಇಜ್ಜಿಡ ನಮಕ್ ಕುಷಿ ಕೊರ್ಪಿನ ಕೆಲಸೊಡ್ ಪೊತರ್ು ಕಲೆವೊಡು.ನಮ್ಮ ಕಷ್ಟೊಡ್ದ್ ಮಲ್ಲ ಕಷ್ಟ ನನೊರಿಯಗ್ ಉಪ್ಪುನವ್ವೆನ್ ನೆನೆತೊನೊಡ್.ಅಪಗ ಬದುಕುಡ್ ನಮ್ಮ ಕಷ್ಟ ದಾಲಾ ಅತ್ತ್ ಅದಗ.

ಬದುಕ್ ಪೊರ್ಲುಯೇ …..ದುಂಬುದಕುಲು ಬತ್ತಿನ ಕಷ್ಟ ತೂನಗ ನಮ್ಮ ಕಷ್ಟ ದಾಲಾ ಅತ್ತ್.ಏರ್ ಇತ್ತುಂಡಲಾ ನಮ ಪೋನಗ ಒರಿಯೇ ಪೋಪಿನಿ.ಸೈತುದ್ ದಾದ ಸಾಧನೆ ಮಲ್ಪುವಾ ಪನ್ಲೆ.
ಬದುಕುಡ್ ದಾದಾಂಡಲಾ ಸಾಧನೆ ಮಲ್ಪೊಲಿ ಅತ್ತೇ.ಕಷ್ಟಡ್ ಬದುಕುನಾಯೆ ಸೈಯರೆಗ್ ಪೋಪುಜೆ.ದಾಯೆಗ್ ಪಂಡ ಆಯೆ ಮನಸ್ ಗಟ್ಟಿ ಮಲ್ತೊನುವೆ.
ಅಂಚಾದ್ ಬದುಕುಗ…ಬದುಕುದ್ ತೋಜಾಗ…ಯಾನ್ ಏರ್ ಪಂಡುದ್ ತೋಜಾಗ….

ಕೋಡೆ ನಡತಿನ ಒಂಜಿ ಘಟನೆ ಇನಿ ಇಂಚ ಬರೆಯೆರೆಗ್ ಮನಸ್ಸಾಂಡ್.ಮೋಕೆದ ದೋಸ್ತಿ ಉಡುಪಿದ ಆಶಾ ಶೆಟ್ಟಿನ ಆತ್ಮಹತ್ಯೆದ ವಿಷಯ ತೆರಿದ್ ಮನಸ್ಸುಗ್ ಬಾರೀ ಬೇಜಾರಾಂಡ್. ನನ ಏರ್ಲಾ ಇಂಚ ಮಲ್ತೊನಡೆ ದಯದೀದ್ ದೇವೆರ್ ಕೊರ್ತಿನ ಬದುಕುನ್ ಬದುಕುದ್ ತೋಜಾಲೆ.

ಸುಜಾತ ಶೆಟ್ಟಿ,ಪೆರಿಂಜೆ