ಅಖಿಲ ಕರ್ನಾಟಕ ರಡ್ಡನೇ ಮಹಿಳಾ ಯುವಸಮ್ಮೇಳನಾಧ್ಯಕ್ಷೆಯಾದ್ ರೇಷ್ಮಾ ಶೆಟ್ಟಿ ಆಯ್ಕೆ..

ಅಖಿಲ ಕರ್ನಾಟಕ ರಡ್ಡನೇ ಮಹಿಳಾ ಯುವ ಸಮ್ಮೇಳನ ಅಧ್ಯಕ್ಷೆಯಾದ್ ರೇಷ್ಮಾ ಶೆಟ್ಟಿ ಗೊರೂರು ಆಯ್ಕೆ.

ಹಾಸನ. ಕನಕಶ್ರೀ ಪ್ರಕಾಶನ ಬ್ಯಾಕೋಡ, ನೆತ್ತ ಆಯೋಜಕತ್ವಡ್ ಕರ್ನಾಟಕ ರಕ್ಷಣಾ ವೇದಿಕೆ ಸ್ವಾಭಿಮಾನಿ ಸೇನೆ ದಾವಣಗೆರೆ ನೆತ್ತ ಸಹಕಾರದೊಟ್ಟುಗ್ ಉಂದುವೇ ಬರ್ಪಿನ 18/6/2023 ತಾರೀಕಯಗ್ ದಾವಣಗೆರೆತ್ತ ರಂಗಮಹಲ್ ಡ್ ನಡಪರೆಗುಪ್ಪುನ ಅಖಿಲ ಕರ್ನಾಟಕ ರಡ್ಡನೇ ಮಹಿಳಾ ಯುವ ಸಮ್ಮೇಳನದ ಅಧ್ಯಕ್ಷರಾದ್ ಮೂಲತಃ ಕಾರ್ಕಳ ತಾಲೂಕುದ ಎಣ್ಣೆ ಹೊಳೆತಾರಾಯಿನ ಶ್ರೀಮತಿ ರೇಷ್ಮಾ ಶೆಟ್ಟಿ ಗೊರೂರು ಮೆಋನ್ ಆಯ್ಕೆ ಮಲ್ದುಂಡ್ ಪಂಡುದು ಕನಕಶ್ರೀ ಪ್ರಕಾಶನ ಬ್ಯಾಕೋಡದ ಮುಖ್ಯಸ್ಥರಾಯಿನ ಸಿದ್ದರಾಮ ನೀಲಜಗಿ ಮೇರ್ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.
ರೇಷ್ಮಾ ಶೆಟ್ಟಿ ಗೊರೂರು ಮೇರ್ ಯುವ ಸಾಹಿತಿಯಾದಿತ್ತುದ್ ಮೆರೆನ ರಡ್ಡ್ ಕೃತಿಕುಳು ಲೋಕಾರ್ಪಣೆ ಆದಿತ್ತುದ್ ಕುಡ ರಡ್ಡ್ ಕೃತಿಕುಳು ತಯಾರಾವೊಂದುಂಡ್.ಮೇರು ಜನಮಿಡಿತ ಪತ್ರಿಕೆದ ಹಾಸನ ಜಿಲ್ಲಾ ಪ್ರತಿನಿಧಿಯಾದಿತ್ತುದ್ ತನ್ನ ಬರವುಲು, ಕಾರ್ಯಕ್ರಮ ನಿರೂಪಣೆ, ಪತ್ರಿಕಾ ಮಾಧ್ಯಮದ ಮುಖೇನ ಗುರುತಿಸಾವೊಂದ್ ಮಸ್ತ್ ರಾಜ್ಯ ಬೊಕ್ಕ ರಾಷ್ಟ್ರಮಟ್ಟದ ಪುರಸ್ಕಾರಲೆಗ್ ಭಾಜನರಾತೆರ್..ಬೊಕ್ಕ ಅಖಿಲ ಕರ್ನಾಟಕ ಸಾಹಿತ್ಯ ಸಮ್ಮೇಳನ ಸಮಿತಿದ ರಾಜ್ಯ ಕಾರ್ಯದರ್ಶಿ ಬೊಕ್ಕ ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ ಗೊರೂರು ಘಟಕದ ಸಂಚಾಲಕಿಯಾದ್, ಇಂಚ ಕೆಲವ್ ಸಂಘಟನೆಲೆಡ್ ತೊಡಗಿಸಾವೊಂದೆರ್.ಮೆರೆನ ಬಹುಮುಖ ಪ್ರತಿಭೆನ್ ಗುರುತಿಸಾದ್ ಮೆರೆನ್ ಮಹಿಳಾ ಯುವ ಸಮ್ಮೇಳನ ಅಧ್ಯಕ್ಷರಾದ್ ಆಯ್ಕೆ ಮಲ್ದುಂಡ್.