ಸುಮನಸಾ ಕೊಡವೂರು, ಕೆಸರ್ಡೇರ್ ಬಿರ್ಸೆರ್ :
ಸುಮನಸಾದ ರಜತ ಸಂಭ್ರಮ ಪ್ರಯುಕ್ತ ಆಯೋಜನೆ ಮಲ್ದಿನ ಕೆಸರ್ಡೇರ್ ಬಿರ್ಸೆರ್ ಕಾರ್ಯಕ್ರಮ ಕೊಡವೂರು ಬಾಚನಬೈಲು ಕಂಡೊಡ್ ನಡತುಂಡ್..
ಮಣ್ಣು ದ ಮೌಲ್ಯ ಗೌರವನೀಯ.
ಆಂಡ ಆಧುನಿಕ ದಿನಮಾನಡ್ ಮಣ್ಣು ಮಾಲಿನ್ಯ ಆವೊಂದುಪ್ಪುನ ಬಗೆಟ್ ಜಾಗೃತಿ ಪುಟ್ಟಾವುನ ಬೊಕ್ಕ ಪಾವಿತ್ರ್ಯತೆನ್ ಒರಿಪಾವುನ ಸಂಕಲ್ಪದೊಟ್ಟುಗ್ ಕಂಡೊಗ್ ಪೇರ್ ಮೈತುದ್ ಪೆರಿಯ ಬೆನ್ನಿ ಬೆನ್ನಿನ ಗೋಪಾಲ ಪೂಜಾರಿ ಮೇರು ಗಣ್ಯೆರೆನ ಒಟ್ಟು ಸೇರ್ದ್ ಕಜ್ಜೊದ ಉದಿಪನ ಮಲ್ತೆರ್.
ಸುಮನಸಾ ರಜತ ಸಂಭ್ರಮ ಸಮಿತಿ ಗುರಿಕಾರೆರಾಯಿನ ಹರಿಪ್ರಸಾದ್ ರೈ ಪಾತೆರ್ದ್ ಮಣ್ಣುದನಂಟು, ಪ್ರಕೃತಿದೊಟ್ಟುದ ಒಡನಾಟದ ಅರಿವು ಪುಟ್ಟಾವುನ ನಿಟ್ಟುಡ್ ಸುಮನಸಾ ಆಯೋಜನೆ ಮಲ್ದಿನ ಕಾರ್ಯಕ್ರಮ ಮಾದರಿ. ನಮ ಪ್ರಕೃತಿದ ಪರವಾದಿತ್ತುಂಡ ,ಪ್ರಕೃ
ತಿಲಾ ನಮ್ಮ ಪರ ಉಪ್ಪುಂಡ್.. ಅಂಚಾದ್ ಯುವಮನಸುಲೆನ್ ಪ್ರಭಾವ ಮಲ್ಪುನ ಕೆಸರ್ಡೇರ್ ಬಿರ್ಸೆರ್ ಯಶಸ್ವಿ ಆವಡ್ ಪಂಡುದ್ ಎಡ್ಡೆಪ್ಪು ಬಯಕಿಯೆರ್ .
ಈ ಪೊರ್ತುಡ್ ಉಪಸ್ಥಿತರಿತ್ತಿನ ಸುಮನಸಾ ರಜತ ಸಂಭ್ರಮ ಸಮಿತಿ ಗೌರವ ಸಲಹೆಗಾರೆರಾಯಿನ ಎಂ ಎಲ್ ಸಾಮಗೆರು ಪಾತೆರ್ದ್ ಪಿರಾಕ್ ಡಿಂಚಿ ಬುಳೆದು ಬತ್ತಿನ ರೀತಿ,
ಜನಸಾಮಾನ್ಯರೆನ ಬವಣೆ, ಬೊಕ್ಕ ಸ್ಥಳೀಯ ಸಂಸ್ಕೃತಿದ ಒಟ್ಟುಗ್ ಬೆಸೆಯೊಂದುಪ್ಪುನ ನಿಜ ಬದುಕುದ ಸ್ಪಂದನ ಇಂಚಿನ ಕಾರ್ಯಕ್ರಮಡಾದ್ ಸಾಧ್ಯ ಪಂಡೆರು.
ಸುಮನಸಾ ರಜತ ಸಂಭ್ರಮ ಸಮಿತಿ ಗೌರವ ಸಲಹೆಗಾರೆರಾಯಿಞ ಶ್ರೀಮತಿ ಸುಕನ್ಯಾ ಮಾರ್ಟಿಸ್ ಮೇರು ಆರೋಗ್ಯವಂತ ಸಮಾಜದ ಸೃಷ್ಟಿಗ್ ಕೆಸರ್ಡೇರ್ ಬಿರ್ಸೆರ್ ಖಂಡಿತಾ ಸಹಕಾರಿಯಾಪುಂಡ್. ಈ ಮಾದರಿ ಗೊಬ್ಬುಲೆಡಾದ್ ನಮ್ಮ ಮೂಲಪರಂಪರೆಲಾ ನೆಂಪುದೊಟ್ಟುಗ್ ಕೂಡ್ದ್ ನಡಪರೆಗ್ ಸಾಧ್ಯ ಆಪುಂಡ್ ಪಂಡೆರು. ಸಮಾರಂಭಡ್ ಸುಮನಸಾ ರಜತ ಸಂಭ್ರಮ ಸಮಿತಿ ಗೌರವ ಸಲಹೆಗಾರೆರಾಯಿನ ಡಾ. ಸುನೀತಾ ವಿ. ಮಹಮ್ಮದ್ ಮೌಲಾ, ಜಾಗೆದ ಮಾಲಕೆರಾಯಿನ ದಯಾನಂದ್ ಪಾಲನ್, ಸುರೇಶ್ ಸುವರ್ಣ ಕುರ್ಕಾಲು, ಸುಮನಸಾ ಸಂಚಾಲಕೆರಾಯಿನ ಭಾಸ್ಕರ ಪಾಲನ್, ಗೌರವಾಧ್ಯಕ್ಷೆರಾಯಿನ ಎಂ ಎಸ್ ಭಟ್, ಕ್ರೀಡಾ ನಿರ್ದೇಶಕೆರಾಯಿನ ಹರೀಶ್ ಕಲ್ಯಾಣಪುರ, ಕಾರ್ಯದರ್ಶಿ ಚಂದ್ರಕಾಂತ್ ಕುಂದರ್ ಉಪಸ್ಥಿತರಿತ್ತೆರು. ಗುರ್ಕಾರ್ಮೆಡಿತ್ತಿನ ಸುಮನಸಾ ಅಧ್ಯಕ್ಷೆರಾಯಿನ ಪ್ರಕಾಶ್ ಜಿ ಪಾತೆರ್ದ್ ರಜತ ವರ್ಷ ಬೇತೆ ಬೇತೆ ಅರ್ಥಪೂರ್ಣ ಕಾರ್ಯಕ್ರಮದ ಒಟ್ಟುಗ್ ನಡಪರೆಗುಂಡ್ .ಅಯಿತ್ತ ಭಾಗವಾದ್ ನಡತೊಂದುಪ್ಪುನ ಕೆಸರ್ಡೇರ್ ಬಿರ್ಸೆರ್ ಕೃಷಿ ಬದುಕುದ ಅನುಭವನ್ ಪಡೆಯುನ ನಿಟ್ಟುಡ್ ನಡತೊಂದುಂಡ್.. ಮಣ್ಣುದ ಜೋಕುಲಾಯಿನ ನಮ ಮಾತೆರ್ಲ ಎಡ್ಡೆ ಬದುಕುನ್ ರೂಪಿಸಾವರೆಗ್ ಈ ಕಾರ್ಯಕ್ರಮ ಪ್ರೇರಣೆಯಾವಡ್ ಪಂಡೆರು.
ಇನಾಮು ಪಟ್ಟುದ್ ಪಾತೆರಿನ
ಶಾಸಕೆರಾಯಿನ ಯಶ್ಪಾಲ್ ಸುವರ್ಣ ಮೇರ್ ಸುಮನಸಾ ಏಪಲಾ ಮಾದರಿ ಕಾರ್ಯಕ್ರಮಗ್ ಪುಗಾರ್ತೆನ್ ಪಡೆದುಂಡ್ ಪಂಡೆರು.
ಮಾತಾ ವಿಭಾಗೊಡ್ ಕ್ರೀಡಾ ಸ್ಪರ್ಧೆಲು ನಡತುಂಡ್. .
ಸುಮನಸಾ ಕಾರ್ಯದರ್ಶಿ ಚಂದ್ರಕಾಂತ್ ಕುಂದರ್ ಸ್ವಾಗತ ಮಲ್ತುದ್ ,ಯೋಗೀಶ್ ಕೊಳಲಗಿರಿ ನಿರೂಪಣೆ ಮಲ್ತೆರು.
by 