ಸದಾಶಿವ ಕಾಮತ್ ಯಕ್ಷ ಕಲಾ ಪ್ರಶಸ್ತಿ

ಹವ್ಯಾಸಿ ಯಕ್ಷಗಾನ ಕಲಾವಿದೆರಾಯಿನ ಅರುಣ್ ಐರೋಡಿಗ್ ಕಲಾ ಪೋಷಕ ಮುಲ್ಕಿ ಸದಾಶಿವ ಕಾಮತ್ ಯಕ್ಷ ಕಲಾ ಪ್ರಶಸ್ತಿ..

ಶ್ರೀ ಅರುಣ್ ಐರೋಡಿ ಮೇರು ಆಟೋಮೋಬೈಲ್ ಇಂಜಿನಿಯರ್ ಆದಿತ್ತುದ್  ಕರಿನ 1992-2019 ಮುಟ್ಟ ಗಲ್ಫ್ ರಾಷ್ಟ್ರ ಬಹರೈನ್ ಡ್ ಪ್ರತಿಷ್ಠಿತ ಕಂಪನಿಡ್ ಎಡ್ಡೆ ಹುದ್ದೆಡ್ ಇತ್ತಿನಾರು.
ವಿಷ್ಣುವರ್ಧನ್ ಅರೆನ ಅಪ್ಪಟ ಅಭಿಮಾನಿ ಯಾಯಿನ  ಮೇರು ಬಹರೈನ್ ನ ಇಂಡಿಯನ್ ಕ್ಲಬ್, ಕನ್ನಡ ಸಂಘ, ಕರ್ನಾಟಕ ಸಂಘ, ಕೊಂಕಣ ಕ್ಲಬ್, ತಮಿಳ್ ಮಾಡ್ರಮ್, ಬೊಕ್ಕ ಯಕ್ಷ ದ್ರುವ ಪಟ್ಲಾ ಅಸೋಶಿಷನ್ ಆಡಳಿತ ಮಂಚೂಣಿಡ್ ವೈಸ್ ಪ್ರೆಸಿಡೆಂಟ್, ಸೆಕ್ರೆಟರಿ, ಎಂಟರ್ಟೈನ್ಮೆಂಟ್ ಸೆಕ್ರೆಟರಿ ಅಂಚೆನೇ ಕೆಲವಾರು ಹುದ್ದೆ ವಹಿಸಾದೆರು.
ಮೇರು ಯಕ್ಷಗಾನ ತೆಂಕು ಬಡಗು, ನಾಟಕ, ಫ್ಯಾಷನ್ ಶೋ, ಸ್ಕ್ರಿಪ್ಟ್ ರೈಟರ್, ಡೈರೆಕ್ಟರ್ ಅಂಚೆನೇ ಬಹರೈನ್ ಕನ್ನಡೊತ್ಸವ ಸಂಸ್ಥೆ ಪುಟ್ಟು ಪಾಡುದ್  ಕಲೆನ್ ಬೆಂಗಳೂರು, ಮೈಸೂರೂ ,ಮಂಗಳೂರು
ಇಂಚ  ಕೆಲವ್  ಕಡೆ ಯಶಸ್ವೀ ಕಾರ್ಯಕ್ರಮ ಕೊರ್ತಿನಾರು.
ಉಂದೇಟುಲಾ  ಹೆಚ್ಚಾದ್  ಉಪ್ಪಿ, ದರ್ಶನ್, ರವಿಚಂದ್ರನ್, ಗುರುಕಿರಣ್, ಲವ್ಲೀ ಪ್ರೇಮ್, ಅಪ್ಪು  ಮೊಕ್ಲೆನೊಟ್ಟುಗ್ ಸ್ಟೇಜ್ ಪಟ್ಟೊಂದಿನಾರ್.ಅತ್ತಾವಂದೆ 30ಕ್ಕ್ ಲಾ ಜಾಸ್ತಿ  ಯಕ್ಷಗಾನ ಕಲಾವಿದೆರೆನ್  ಬಹರೈನ್ ರಾಷ್ಟ್ರ ಗ್ ಲೆತ್ತುದ್  ಅಕ್ಲೆನೊಟ್ಟುಗ್ ವೇಷ ಮಲ್ದಿನ  ಹೆಗ್ಗಳಿಕೆ ಮೆರೆನವ್. ಅಯಿಟುಲಾ ಚಿಟ್ಟಾಣಿ ಪರಂಪರೆದ ಪದ್ಮಶ್ರೀ ರಾಮಚಂದ್ರ ಚಿಟ್ಟಾಣಿ, ಸುಬ್ರಮಣ್ಯ ಚಿಟ್ಟಾಣಿ, ಕಾರ್ತಿಕ್ ಚಿಟ್ಟಾಣಿ ನೊಟ್ಟುಗ್  ವೇಷ ಮಲ್ತುದ್  ಮೂಜಿ  ತಲೆಮಾರು ದೊಟ್ಟುಗ್   ವೇಷ ಮಲ್ದಿನ ಅದ್ರಷ್ಟ ಮೆರೆನವ್.
ಪ್ರಾಥಮಿಕ ಬಡಗು ಯಕ್ಷಗಾನೊನ್  ಗುರು ಮುಕುಂದ ನಾಯಕ್ (ಹೆಬ್ರಿ ಸಂತೇಕಟ್ಟೆ) ಅರೆಡ  ಅಭ್ಯಾಸ ಮಲ್ತುದ್ ಬೊಕ್ಕ ಗುರು ಐರೋಡಿ ಮಂಜುನಾಥ ಕುಲಾಲ್ ಬೊಕ್ಕ ಗುರು ದೀಪಕ್ ರಾವ್ ಪೇಜಾವರ ಅಕ್ಲೆಡ ತೆಂಕುತಿಟ್ಟು ಯಕ್ಷಗಾನದ ಅಭ್ಯಾಸ  ಕಲ್ತುದೆರ್..


ಗಲ್ಫ್ ರಾಷ್ಟ್ರ ಅತ್ತಾವಂದೆ ಕರ್ನಾಟಕದ ಕಲವು ಕಡೆ ಜೂನಿಯರ್ ವಿಷ್ಣುವರ್ಧನ್ ಪಂಡುದೇ ಖ್ಯಾತಿ ಪಡೆಯಿನ ಅರುಣ್ ಐರೋಡಿ  ಮೆರೆಗ್   ಕಲಾ ಪೋಷಕ ಮುಲ್ಕಿ ಸದಾಶಿವ ಕಾಮತ್ ಯಕ್ಷ ಕಲಾ ಪ್ರಶಸ್ತಿನ್ ಉಡುಪಿ ಕೃಷ್ಣ ಮಠದ ರಾಜಾಂಗಣಡ್ ನಡತಿನ ಕಜ್ಜೊಡ್  ಪರ್ಯಾಯ ಶ್ರೀ ಶಿರೂರು  ಮಠಾಧೀಶೆರ್ ಮಾನಾದಿಗೆ ಮಲ್ದೆರ್.ಈ ಸಂದರ್ಭಡ್ ಮುಲ್ಕಿ ಸದಾಶಿವ ಕಾಮತ್ ಮೆರೆನ ಮಗಲಾಯಿನ ಮಣಿಪಾಲ ಆಶ್ಲೇಷ್ ಟೂರ್ಸ್ ಆಂಡ್ ಟ್ರಾವೆಲ್ಸ್ ದ ಮಾಲಕಿ ಶ್ರೀಮತಿ ಶ್ರುತಿ ಶೆಣೈ ಸೇರಿನಂಚ ಬೇತೆ ಬೇತೆ ಗಣ್ಯೆರ್ ಉಪಸ್ಥಿತರಿತ್ತೆರು.