ತುಳುವೇಶ್ವರ ತುಳುನಾಡುದ ವೈಭವ
ಬಸ್ರೂರು ತುಳುವೇಶ್ವರಡ್ ನಡತಿನ ತಾಂಬೂಲ ಪ್ರಶ್ನೆ ಚಿಂತನೆ ಪ್ರಕಾರ ಅಖಂಡ ತುಳುನಾಡುದ ಜನಪದ ಸಂಸ್ಕೃತಿ ಬೊಕ್ಕ ಆಚಾರ ವಿಚಾರೊಲು ಇತ್ತಿನ ಬೊಕ್ಕ ತುಳುನಾಡುದ ಪೂರ್ವ ಪರಂಪರೆನ್ ವೈಭವೀಕರಣ ಮಲ್ತಿನ ಸಾನಿಧ್ಯವಾದುಂಡ್ ತುಳುವೇಶ್ವರ. ಇತ್ತೆ ಪುಟ್ಟಿನ ಬೊಕ್ಕ ದುಂಬಗ್ ಪುಟ್ಟುನ ಜೋಕ್ಲೆಗುಲಾ ಜಾತಿ ಮತ ಭಾಷೆ ಭೇದವಿಪ್ಪಂದೆ ಈ ದೇವರ ಆರಾಧನೆ ಜೀವನ ಸಾರ್ಥಕತೆಗ್ ಬೊಕ್ಕ ಯಶಸ್ವಿಗ್ ಅತೀ ಅಗತ್ಯ.
ಸಂಪೂರ್ಣ ಏಕೀಕೃತ ತುಳುನಾಡುನೇ ವ್ಯಾಪಿಸಾಯಿನ ಈ ತುಳುವೇಶ್ವರ ಬೊಕ್ಕ ತೌಲವೇಶ್ವರಿ ಬೊಕ್ಕ ಪಂಜುರ್ಲಿ ದೈವ ಅಂಚೆನೇ ಪರಿವಾರ ದೈವ ದೇವರುಲೆನ ಆರಾಧನೆ ಕೆಲವಾರು ಶತಮಾನಡಿಂಚಿ ದಿಕ್ಕು ತಪ್ಪುದುಂಡ್. ಆಂಡಲಾ ತುಳುನಾಡುದ ಪ್ರತಿ ಇಲ್ಲಡುಲಾ ಬೇತೆ ಬೇತೆ ರೂಪೊಡ್ ಆರಾಧನೆಡ್ ಈ ದೈವ ದೇವರೆನ ಕೃಪೆ ನಿರಂತರ ಉಂಡು. ಈ ಆರಾಧನಾ ಸಂಸ್ಕೃತಿನ್ ಕುಡೊರ ತಾಪನೆ ಮಲ್ತುಂಡ ತುಳುನಾಡುಗ್ ಅತ್ತಾವಂದೆ ತುಳುನಾಡುದ ಪ್ರತಿಯೊರಿಗುಲಾ ಶ್ರೇಯಸ್ಕರ ಪಂಡುದು ಪ್ರಶ್ನೆ ಚಿಂತನೆಡ್ ತೋಜಿದ್ ಬತ್ತುಂಡ್.
ಈ ಬಗ್ಗೆ ತುಳುನಾಡುದ ಪ್ರತಿಯೊರಿಲಾ ಈ ದೇವಸ್ಥಾನದ ಮರುವೈಭವಗ್ ಸಾಕ್ಷಿ ಆವೊಡ್. ಓರ್ವ ವ್ಯಕ್ತಿಯೇ ಈ ಕ್ಷೇತ್ರ ಜೀರ್ಣೋದ್ಧಾರ ಮಲ್ಪರೆಗ್ ದುಂಬು ಬರ್ಪೆರ್. ಆಂಡ ತುಳುನಾಡುದ ಪ್ರತಿಯೊರಿಯನ ಕೊಡುಗೆನುಲಾ ದೇವೆರು ಬಯಕುವೆರ್. ಅಂಚಾದ್ ದುಂಬಗ್ ಅಷ್ಟಮಂಗಳ ಪ್ರಶ್ನೆ ಚಿಂತನೆ ಮಲ್ಪೊಡ್ ದುಂಬು ತುಳುನಾಡುದ ಪ್ರತಿಯೊರಿಗುಲಾ ಈ ಮಾಹಿತಿ ತಲುಪೊಡ್ ಬೊಕ್ಕ ಪ್ರತಿಯೊರಿಲಾ ಈ ಕಾರ್ಯೊಡ್ ಬತ್ತುದ್ ಸೇರ್ದ್ ಕೈಜೋಡಿಸಾವೊಡ್ ಬೊಕ್ಕ ಶಾಶ್ವತ ಪಾಲ್ ಪಡೆಪಿನವ್ವೆನ್ ಖಾತರಿ ಮಲ್ಪೊಡ್ ಪಂಡುದು ಪ್ರಶ್ನೆ ಚಿಂತನೆಡ್ ತೆರಿದು ಬತ್ತಿನ ವಿಚಾರ.
ಈ ಬಗ್ಗೆ ಕಾರ್ಯಾಚರಣೆ ಗಾದ್ ತುಳುವರ್ಲ್ಡ್ ಫೌಂಡೇಶನ್ ದ ಬೊಕ್ಕ ಮಾತಾ ತುಳುಕೂಟಲೆನ ಬೊಕ್ಕ ಸಂಘ ಸಂಸ್ಥೆದ ನೇತೃತ್ವಡ್ ತುಳುನಾಡುದ ಪ್ರತಿ ಗ್ರಾಮಡುಲಾ ಬೊಕ್ಕ ಒಲ್ಪ ಮಾತಾ ತುಳುವೆರುಲ್ಲೆರಾ ಅಲ್ಪ ತುಳುವ ಮಹಾಸಭೆ ರಚನೆ ಮಲ್ತುದ್ ಕಾರ್ಯ ಪ್ರವೃತ್ತರಾವರೆಗ್ ಅನುಮತಿ ಪ್ರಶ್ನೆ ಚಿಂತನೆಡ್ ಲಭ್ಯ ಆತುಂಡ್. ಅಂಚಾದ್ ಪ್ರತಿಯೊರಿಲಾ ಈ ಬಗ್ಗೆ ಜಾಗೃತಿನ್ ಮೂಡಿಸಾದ್ ಈ ಮಹತ್ಕಾರ್ಯ ಯಶಸ್ವಿ ಮಲ್ಪೊಡ್ ಬೊಕ್ಕ ನಮ್ಮ ನಮ್ಮ ಊರುಡ್ ಈ ಬಗ್ಗೆ ಸಮಿತಿ ರಚನೆ ಮಲ್ಪರೆಗ್ ಮುತುವರ್ಜಿ ದೆತೊನೊಡ್ ಪಂಡುದ್ ತುಳುವರ್ಲ್ಡ್ ಫೌಂಡೇಶನ್ ವಿನಂತಿ ಮಲ್ದುಂಡ್.
by 