ದೊಡ್ಡಣಗುಡ್ಡೆ ಆದಿಶಕ್ತಿ ಕ್ಷೇತ್ರ

ದೊಡ್ಡಣ್ಣ ಗುಡ್ಡೆ ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರ ಪ್ರಸನ್ನ ಕ್ಷಿ ಪ್ರತಿಷ್ಠೆ ಮಹಾಚಂಡಿಕಾಯಾಗ

ಒಡಿಪು : ಒಡಿಪು ದೊಡ್ಡಣ್ಣ ಗುಡ್ಡೆದ ಶ್ರೀಚಕ್ರ ಪೀಠ ಸುರಪೂಜಿತೆ ಶ್ರೀ ದುರ್ಗಾ ಆದಿಶಕ್ತಿ ಕಾರಣಿಕ ಕ್ಷೇತ್ರದ ಗಾಯತ್ರಿ ಧ್ಯಾನಪೀಠಡ್ ಕಪಿಲ ಮಹರ್ಷಿಲೆನ ಸನ್ನಿಧಾನಡ್ ಪರಿವಾರ ಶಕ್ತಿಯಾದ್ ಶ್ರೀ ಪ್ರಸನ್ನಕ್ಷದ ಪ್ರತಿಷ್ಠಾಪನೆ ಕ್ಷೇತ್ರದ ಧರ್ಮದರ್ಶಿ ಶ್ರೀಯುತ ಶ್ರೀ ಶ್ರೀ ರಮಾನಂದ ಗುರೂಜಿ ಮಾರ್ಗದರ್ಶನಡ್ ಮೆರೆನ ಮುತಾಲಿಕೆಡ್ ಧಾರ್ಮಿಕ ವಿಧಿ ವಿಧಾನದೊಟ್ಟುಗು ನಡತುಂಡು ..
ಆದ್ಯ ಗಣಪತಿಯಾಗ ಪಂಚವೀಂಶತಿ ಕಲಾಶಾರಾಧನೆ ಪ್ರತಿಷ್ಠಾ ಪ್ರಧಾನ ಹೋಮ ನಡತುಂಡು ..
ಗತಕಾಲಡ್ ಕ್ಷೇತ್ರ ರಚನೆಗ್ ಕಾರಣೀಭೂತರಾದ್ ತಪಸ್ ಆಚರಣೆ ಮಲ್ತಿನ ಶ್ರೀ ಕಪಿಲ ಮಹರ್ಷಿಲೆನ ಸಾನಿಧ್ಯಡ್ ನವಕ ಕಲಶ ಪ್ರಧಾನ ಹೋಮ ಕಲಶಾಭಿಷೇಕ ಕಾಮಧೇನುಗು ವಿಶೇಷ ಪೂಜೆ ವೇದಮೂರ್ತಿ ಹೇರೂರು ಆನಂದ ಭಟ್ ಮೇರ್ ಮಲ್ತೆರ್ ..
ವೇದಮೂರ್ತಿ ವಾಮನ ಭಟ್ ಮೆರೆನ ಪ್ರಧಾನತ್ವಡ್ ನಡತಿನ ಮಹಾ ಚಂಡಿಕಾಯಾಗಡ್ ಶ್ರೀಯುತ ವೇದಮೂರ್ತಿ ಪೆರಡೂರು ದಿನೇಶ್ ಅಡಿಗ, ವೇದಮೂರ್ತಿ ಸೀತಾರಾಮ ಭಟ್, ಹೆರ್ಗ ಗಣೇಶ್ ಭಟ್ ನಾಗಶಯನ, ಸ್ವಸ್ತಿಕಾಚಾರ್ಯ ಸಾಕಾರ ಕೊರಿಯೆರ್ …
ಮಹಾಚಂಡಿಕಾಯಿಯಾಗಡ್ ಬ್ರಾಹ್ಮಣ ಸುವಾಸಿನಿಯೆರ್ ಎಚ್ಚದ ಸಂಖ್ಯೆಡ್ ಆರಾಧನೆ ಸ್ವೀಕಾರ ಮಲ್ತೆರ್ ..
ವಿಶೇಷವಾಯಿನ ಶೃಂಗಾರವಾದ್ಯ ನಾದಸ್ವರ ವಾದ್ಯ ಕೊಂಬು ಕಹಳೆ ಚಂಡೆ ವಾದನ ದೊಟ್ಟುಗು ಶ್ರೀ ಪ್ರಸನ್ನಕ್ಷೆದ ಪ್ರತಿಷ್ಠಾಪನೆ ನಡತುಂಡು ..
ದೇವಲ್ಯೊಡು ದುರ್ಗಾ ಆದಿಶಕ್ತಿನ್ ವಿಶೇಷವಾದ್ ಶ್ರೀಯುತ ಆನಂದ್ ಬಾಯಿರಿ ಅಲಂಕಾರಿಸಾಯರ್. ಅನಿಶಾಚಾರ್ಯ ಮಹಾಪೂಜೆ ಮಲ್ತೆರ್. .
ಮಧ್ಯಾನ ನಡತಿಬೊಕ್ಕ ಮಹಾ ಅನ್ನಸಂತರ್ಪಣೆಡ್ ಎಚ್ಚದ ಸಂಖ್ಯೆಡ್ ಎಚ್ಚ ಭಕ್ತೆರ್ ಅನ್ನಪ್ರಸಾದ ಸ್ವೀಕಾರ ಮಲ್ತೆರ್ ಪಂದ್ ಕ್ಷೇತ್ರ ಉಸ್ತುವಾರಿ ಶ್ರೀಮತಿ ಕುಸುಮ ನಾಗರಾಜ್ ಪಂಡೆರ್