ಸಾರ್ವಜನಿಕ ಶಾರದೋತ್ಸವ ಸಮಿತಿ. ದಶಮ ಸಂಭ್ರಮ. ಉಡುಪಿ ದಸರಾ ಪೂರ್ವಭಾವಿ ಸಭೆ ಉಡುಪಿ ಅಜ್ಜರಕಾಡುದ ಗೋವಿಂದ ಕಲ್ಯಾಣಮಂಟಪಡ್ ಮಾ. 28 ತಾರೀಕುದಾನಿ ಉಡುಪಿ ಚೇಂಬರ್ ಆಫ್ ಕಾಮರ್ಸ್ ದ ಮಾಜಿ ಅಧ್ಯಕ್ಷೆರಾಯಿನ ಅಂಡಾರು ದೇವಿಪ್ರಸಾದ್ ಶೆಟ್ರೆನ ಗುರ್ಕಾರ್ಮೆಡ್ ನಡತುಂಡ್. ಈ ಸರ್ತಿದ ಸಾರ್ವಜನಿಕ ಶಾರದೋತ್ಸವ ಸಮಿತಿ ದಶಮ ಸಂಭ್ರಮೊನ್ ಆಚರಣೆ ಮಲ್ಪುನ ಬಗೆಟ್ ವಿಶೇಷವಾಯಿನ ಚರ್ಚೆ ನಡತುಂಡ್. ನೆರೆದಿನ ಗಣ್ಯೆರ್ ಅಕ್ಲೆನ ಅಭಿಪ್ರಾಯೊನ್ ಪಟ್ಟೊಂಡೆರ್.
ಈ ಪೊರ್ತುಡ್ ವೇದಿಕೆಡ್ ಶಾರದೋತ್ಸವ ಸಮಿತಿದ ಅಧ್ಯಕ್ಷೆರಾಯಿನ ಶ್ರೀ ಸುಪ್ರಸಾದ್ ಶೆಟ್ಟಿ, ಶಬರಿಮಲೆ ಅಯ್ಯಪ್ಪ ಸಮಾಜಂ ದ ಜಿಲ್ಲಾಧ್ಯಕ್ಷೆರಾಯಿನ ಶ್ರೀ ರಾಧಾಕ್ರಷ್ಣ ಮೆಂಡನ್, ಪ್ರಧಾನ ಅರ್ಚಕೆರಾಯಿನ ಶ್ರೀ ದಾಮೋದರ್ ಭಟ್, ಬಿಲ್ಲವ ಸೇವಾ ಸಂಘ ಗುಂಡಿಬೈಲ್ ದ ದಿನೇಶ್ ಅಮೀನ್, ಸುರೇಶ್ ಶೇರಿಗಾರ್,ತಾರಾ ಉಮೇಶ್ ಆಚಾರ್ಯ, ವೀಣಾ ಶೆಟ್ಟಿ,ಪದ್ಮಾರತ್ನಾಕರ್ ಬೊಕ್ಕ ಬಾಕಿದಕುಲು ಉಪಸ್ಥಿತರಿತ್ತೆರ್.
ದುಂಬುದ ಸಭೆಟ್ ದಶಮ ಸಂಭ್ರಮದ ಸಮಿತಿ ರಚನೆ ಮಲ್ತುದ್ ಕಾರ್ಯಕ್ರಮ ಆಯೋಜನೆ ಮಲ್ಪುನ ಬಗೆಟ್ ಚಿಂತನೆ ಮಲ್ಪುಂಡ್ ಪಂಡುದ್ ಸಭೆಟ್ ಮಾತೆರೆನ ಅಭಿಪ್ರಾಯದ ಪ್ರಕಾರ ಚರ್ಚೆ ನಡತುಂಡ್. ಪಕ್ಷಭೇದ, ಜಾತಿಭೇದ ದಾಂತೆ ಮಾತಾ ಪಕ್ಷದಕ್ಲೆನ್ ಮಾತಾ ಜಾತಿದಕ್ಲೆನ್ ಸೇರ್ಪಾವೊಂದ್ ಸಮಿತಿ ರಚನೆ ಮಲ್ಪುಗ ಪನ್ಪಿನ ತೀರ್ಮಾನ ಸಭೆಟ್ ನಡತುಂಡ್. ಶಬರಿಮಲೆ ಅಯ್ಯಪ್ಪ ಸಮಾಜಂ ದ ಮಹಿಳಾ ಜಿಲ್ಲಾಧ್ಯಕ್ಷೆರಾಯಿನ ಶ್ರೀಮತಿ ತಾರಾ ಉಮೇಶ್ ಆಚಾರ್ಯ ಕಾರ್ಯಕ್ರಮದ ನಿರ್ವಹಣೆ ಮಲ್ತೆರ್.
by 