ಕಸಾಪ ಉಡುಪಿ ಬೀಷ್ಮೋತ್ಸವ

ಕನ್ನಡ ಸಾಹಿತ್ಯ ಪರಿಷತ್ ಉಡುಪಿ ತಾಲೂಕು ಘಟಕದ ಸಮ್ಮೇಳನ

ಉಡುಪಿ ತಾಲೂಕು ಹದಿನಾರನೇ ಕನ್ನಡ ಸಾಹಿತ್ಯ ಸಮ್ಮೇಳನ ‘ಬೀಷ್ಮೋತ್ಸವ’
ಸಾಹಿತ್ಯ -ಸಂಸ್ಕೃತಿ -ಕಲೋತ್ಸವುಂದುವೇ ಐತಾರ ಮೇ 3ಗ್ ಉಡುಪಿದ ಯಕ್ಷಗಾನ ಕಲಾರಂಗದ ಐ ವೈ ಸಿ ಸಭಾಂಗಣಡ್ ಕೆಮ್ತೂರು ದೊಡ್ಡಣ್ಣ ಶೆಟ್ಟಿ ವೇದಿಕೆಡ್ ನಡಪರೆಗುಂಡ್ ಪಂಡುದು ಕಸಾಪ  ಉಡುಪಿ ತಾಲೂಕು ಅಧ್ಯಕ್ಷ ರವಿರಾಜ್ ಎಚ್‌ಪಿ  ಪತ್ರಿಕಾ ಗೋಷ್ಠಿಡ್ ತೆರಿಪಾದೆರ್..

ಡಾ. ಭಾಸ್ಕರಾನಂದ ಕುಮಾರ್ ಅರೆನ  ಸಮ್ಮೇಳನಾಧ್ಯಕ್ಷತೆಡ್  ನಡಪುನ ಈ ಸಮ್ಮೇಳನ  ಕಾಂಡೆ   8.30 ಕ್ ಮೆರವಣಿಗೆದೊಟ್ಟುಗ್  ಪ್ರಾರಂಭ ಆಪುಂಡ್.. ಬೊಕ್ಕ ಧ್ವಜಾರೋಹಣ, ಸಾಹಿತಿ  ರಾಮದಾಸ್ ನೆಂಪುದ ಪುಸ್ತಕ ಮಳಿಗೆ, ಗಮಕ ಸೌರಭ, ಚಿತ್ರ ಕಲಾವಿದೆರಾಯಿನ ಆಸ್ಟ್ರೋಮೋಹನ್ ಬೊಕ್ಕ ಜನಾರ್ಧನ ಕೊಡವೂರು ಸಂಪಾದಿತ ‘ಚಿತ್ರಮಯ ಉಡುಪಿ ‘ ಉದ್ಘಾಟನೆ, ನಿತ್ಯಾನಂದ ನಾಯಕ್ ಅರೆನ ಮುರಲ್ ಕಲಾಕೃತಿದ ಪ್ರದರ್ಶನದ ಉದ್ಘಾಟನೆ ನಡಪರೆಗುಂಡ್.

10 ಗಂಟೆಗ್ ಸರಿಯೋದ್  ಸಮ್ಮೇಳನ ಅಧ್ಯಕ್ಷರೆನ ಪರಿಚಯದ ನುಡಿ ಚಿತ್ರ ಬುಡುಗಡೆದೊಟ್ಟುಗ್  ಸಮ್ಮೇಳನದ ಉದ್ಘಾಟನಾ ಸಮಾರಂಭ ನಡಪುಂಡ್..

ಸಮ್ಮೇಳನದ ಉದ್ಘಾಟನೆನ್  ಆಳ್ವಾಸ್ ಶಿಕ್ಷಣ ಸಂಸ್ಥೆದ ಅಧ್ಯಕ್ಷರಾಯಿನ ಡಾ. ಮೋಹನ್ ಆಳ್ವ ಆರು ಮಲ್ಪರೆಗುಲ್ಲೆರ್, ಗಣ್ಯರು  ಪಾಲ್ ಪಡೆಯರೆಗುಲ್ಲೆರ್.
ಈ ಪೊರ್ತುಡ್ ಕಸಾಪ ಉಡುಪಿ ತಾಲೂಕು ಗೌರವ ಪುರಸ್ಕಾರೊನ್  ನಾನಾ  ಕ್ಷೇತ್ರದ ಸಾಧಕೆರಾಯಿನ ತಿಲಕನಾಥ್ ಮಂಜೇಶ್ವರ , ಗೋಪಾಲ್ ಭಟ್ ಎಂ,   ವಿಮಲಾ ಚಂದ್ರಶೇಖರ್, ಮರವಂತೆ ನಾಗರಾಜ್ ಹೆಬ್ಬಾರ್, ಕೆ ರಂಜನ್ , ಲಕ್ಷ್ಮಿ ಹರಿಶ್ಚಂದ್ರ, ಅ. ರಾ. ಪ್ರಭಾಕರ್ ಪೂಜಾರಿ, ವಿಘ್ನೇಶ್ವರ ಅಡಿಗ, ಪಿ.ಎಂ. ವೇಣು ಗೋಪಾಲ್ ಹೆಬ್ಬಾರ್, ಶ್ರೀಕಾಂತ್ ಭಟ್ ವಿದ್ಯಾಲತಾ ಯು. ಶೆಟ್ಟಿ  ಮೊಕ್ಲೆಗ್  ಕೊರ್ದು ಮಾನಾದಿಗೆ ಮಲ್ಪುವೆರ್..

ಪಾಡಿಗಾರು ಲಕ್ಷ್ಮೀನಾರಾಯಣ ಉಪಾಧ್ಯಾಯೆರೆಡ್ದ್  ಗೀತ ಗಾಯನ ನಡತುದ್  , ಉಡುಪಿ ತಾಲೂಕುದ  ಎಸೆಸ್ಸೆಲ್ಸಿ ಬೊಕ್ಕ ಪಿಯುಸಿ ಪರೀಕ್ಷೆಡ್  ಕನ್ನಡಡ್  ನೂದೇಕ್  ನೂದ್ ಅಂಕೊಲೆನ್ ಪಡೆಯಿನ  ಸುಮಾರು 50  ವಿದ್ಯಾಥಿ೯ಲೆನ್  ಮಾನಾದಿಗೆ ಮಲ್ಪುವೆರ್..

12 ಗಂಟೆಗ್  ಬಹುಮುಖಿ ಕನ್ನಡ ಕವಿ ಗೋಷ್ಠಿ ನಡಪರೆಗುಂಡ್ .ನೆತ್ತ ಆಶಯ ನುಡಿನ್  ಡಾ. ರಶ್ಮಿ ಅಮ್ಮೆಂಬಳ ಬೊಕ್ಕ ಸಮನ್ವಯನ್  ಶ್ರೀಮತಿ ಸುಧಾ ಆಡುಕಳ ನಡಪಾದ್ ಕೊರ್ಪೆರ್..

ಮದ್ಯಾಹ್ನ 1: 15 ಡ್ದ್  ಹೆಜ್ಜೆಗೆಜ್ಜೆ (ರಿ ) ಉಡುಪಿ – ಮಣಿಪಾಲ ಮೊಕ್ಲೆನ ನೃತ್ಯ ಸಿಂಚನ ‘ ಕಾರ್ಯಕ್ರಮ ನಡಪುಂಡು.. ಬೊಕ್ಕ ಸುಹಾಸಂ ಉಡುಪಿದ  ಅಧ್ಯಕ್ಷೆ ರಾಯಿನ ಶ್ರೀಮತಿ ಸಂಧ್ಯಾ ಶೆಣೈ ಉಡುಪಿ ಮೆರೆಡ್ದ್  ಹಾಸ್ಯ ಸಮಯ ‘ಆಪ್ತಮಿತ್ರೆರೆನ ಕಚಗುಳಿ ‘ ನಡಪುಂಡು.

ಮಧ್ಯಾಹ್ನ  ವಿಚಾರಗೋಷ್ಠಿಡ್  ನಿತ್ಯಾನಂದ ಪಡ್ರೆ , ಪ್ರೊ. ಕೊಕ್ಕರ್ಣೆ ಸುರೇಂದ್ರನಾಥ್ ಶೆಟ್ಟಿ, ಗುರುರಾಜ್ ಸನಿಲ್ ಪಾಲ್ ಪಡೆಯರೆಗುಲ್ಲೆರ್.

ಮಧ್ಯಾಹ್ನ 3:35 ಕ್  ಸಮ್ಮೇಳನಾಧ್ಯಕ್ಷೆರಾಯಿನ ಡಾ.ಭಾಸ್ಕರಾನಂದ ಕುಮಾರ್ ಅರೆನೊಟ್ಟುಗ್  ಮುಖಾಮುಖಿ ನಡಪರೆಗಿತ್ತುದ್ , ಬನ್ನಂಜೆ ಸಂಜೀವ ಸುವರ್ಣ,ಮುರಳಿ ಕಡೆಕಾರ್ ಉದ್ಯಾವರ ನಾಗೇಶ್, ಡಾ. ಕಾತ್ಯಾಯಿನಿ ಕುಂಜಿಬೆಟ್ಟು ಉಪ್ಪುವೆರ್.

ಬಯ್ಯಗ್ 4:30 ಡ್ದ್  ಮುಗಿತಲದ ಲೇಸ್ ಡ್  ಡಾ. ಗಣನಾಥ್ ಶೆಟ್ಟಿ ಎಕ್ಕಾರ್ ಸಮಾರೋಪ ಭಾಷಣ ಮಲ್ಪುವೆರ್.,  ಈ ಸಂದರ್ಭಡ್  ನಾನಾ ಕ್ಷೇತ್ರಲೆಡ್  ಸಾಧನೆ ಮಲ್ದಿನ   23 ಮಂದಿ ಗಣ್ಯೆರೆನ್ ಬೊಕ್ಕ 5 ಸಂಘ ಸಂಸ್ಥೆಲೆನ್  ಗುರುತಿಸಾದ್ ಮಾನಾದಿಗೆ ಮಲ್ಪುವೆರ್..

ಬಯ್ಯಗ್ 6 ಗಂಟೆಗ್  ಸರಿಯಾದ್ ರಾಜೇಶ್ ಭಟ್ ಪಣಿಯಾಡಿ ಅರೆನ  ನಿರ್ದೇಶನದ ‘ಕತ್ತಲೆ ರಾಜ್ಯದ ಮರ್ಕಟ ರಾಜ ‘ ಪನ್ಪಿನ ಜೋಕ್ಲೆನ   ನಾಟಕ  ಪ್ರದರ್ಶನ ನಡಪುಂಡ್.

ಸುಮಾರು 12 ಗಂಟೆ  ಕಾಲ ನಿರಂತರವಾದ್  ನಡಪುನ ಈ ಸಮ್ಮೇಳನಗ್  ಮಾತಾ ಸಾಹಿತ್ಯ ಅಭಿಮಾನಿಲು ಬತ್ತುದು ಕಾರ್ಯಕ್ರಮನ್  ಯಶಸ್ವಿ ಮಲ್ಪೊಡ್ ಪಂಡುದು ಆರು ತೆರಿಪಾದೆರು.
ಪತ್ರಿಕಾಗೋಷ್ಠಿ ಡ್ ಕ ಸಾ ಪ ಉಡುಪಿ ತಾಲೂಕು ಗೌರವ ಸಲಹೆಗಾರೆರಾಯಿನ  ವಿಶ್ವನಾಥ್ ಶೆಣೈ,  ಭವನಪ್ರಸಾದ್ ಹೆಗ್ಡೆ, ಗೌರವ ಕಾರ್ಯದರ್ಶಿ ರಂಜಿನಿ ವಸಂತ್, ಸ್ವಾಗತ ಸಮಿತಿ ಕಾರ್ಯದರ್ಶಿ ಸತೀಶ್ ಕೊಡವೂರು, ಕಾನೂನು ಸಲಹೆಗಾರ ವಿನಯ್ ಆಚಾರ್ಯ ಮುಂಡ್ಕೂರು, ಸಾಂಸ್ಕೃತಿಕ ಕಾರ್ಯದರ್ಶಿ ವಸಂತ್ ಉಪಸ್ಥಿತರಿತ್ತೆರು.