ಹಳ್ಳಿ ಹುಡುಗೆ

“ಹಳ್ಳಿ ಹುಡುಗ” ಡಾ. ಲೀಲಾಧರ್ ಡಿ.ವಿ ಮೆರೆನ ಯಶೋಗಾಥೆ

ಸಾಧನೆಯ ಛಲ, ರಕ್ಷಕೆರೆನ ಪ್ರೋತ್ಸಾಹ ಇತ್ತುಂಡ ದಾದ ಬೋಡಾಂಡಲಾ  ಸಾದಿಸಾವೊಲಿ ಪನ್ಪೀನೇಕ್ ಸ್ಪಷ್ಟ ಉದಾಹರಣೆ ಡಾ. ಲೀಲಾಧರ್ ಡಿ.ವಿ.
ಸಾಮಾನ್ಯ ವರ್ಗಡ್  ಪುಟ್ಟುದಿನ ಲೀಲಾಧರ್ ಬಾಲ್ಯಡೇ  ಪ್ರತಿಭಾನ್ವತ ಹುಡುಗೆ. ಪ್ರಾಥಮಿಕ ಶಿಕ್ಷಣಡೇ ರಕ್ಷಕೆರೆಗ್  ಪುದೆ ಆವರೆಗ್ ಬಲ್ಲಿ ಪಂಡುದ್ ತನ್ನ ಅಣ್ಣನ ಸಹಾಯಡ್ “ಶ್ರೀವಿಷ್ಣು” ನರ್ಸರಿ ಪ್ರಾರಂಭ ಮಲ್ತುದ್, ಬೊಕ್ಕ ತರಕಾರಿನ್ ಬುಲೆಪಾದ್ ತನ್ನ ವಿದ್ಯಾಭ್ಯಾಸಗ್ ಸ್ವ ಉಪಾಯನ್ ತೂತಿನಾರು.
ಬಾಲ್ಯಡೇ ಬಡವೆರೆನೊಟ್ಟುಗೇ  ಬೆರೆಯೊಂದಿತ್ತಿನ ಮೇರು ಬಡವೆರೆಗ್ ಸಹಾಯ ಮಲ್ಪುನ್ ಪಂಡ  ಬಾರೀ ಇಷ್ಟ. ಚಿಕ್ಕ ವಯಸ್ಸಡೇ  ಧಾರ್ಮಿಕ ಕಾರ್ಯಕ್ರಮಡ್ ತನ್ನನ್ನು ತೊಡಗಿಸಾವೊಂದ್ ಧಾರ್ಮಿಕವಾದ್ ಅಪಾರ ಜ್ಞಾನ ಸಂಪಾದನೆ ಮಲ್ತಿನ ಕೀರ್ತಿ ಮೆರೆನ.
ಅರೆನ ಅಮ್ಮೆರ್  ಸರಕಾರಿ ನೌಕರ ಆದಿತ್ತುಂಡಲಾ ಒವ್ವೇ ಅಹಂ ಇಪ್ಪಂದೇ ಹೆಚ್ಚಾದ್  ಬಡವರೆನೊಟ್ಟುಗ್ ಬೆರೆಯೊಂದಿತ್ತುದ್  ಮೆರೆನ  ಎಲ್ಯ  ಪ್ರಾಯದ ಮಲ್ಲ ಗುಣ.
ತನ್ನ ಊರುಡ್ “ಬಾಭಿ” ಪಂಡುದೇ ಖ್ಯಾತಿ ಪಡೆಯಿನ ಲೀಲಾಧರ್ ಗೂನಡ್ಕದ ಮಾತೆರೆನ ಮೆಚ್ಚುಗೆ ಪಡೆಯಿನ ಹುಡುಗೆ.
ಪ್ರೌಢ ಶಿಕ್ಷಣ ಮಲ್ತೊಂದುಪ್ಪನಗನೆ ಸುಳ್ಯದ ಅಮರ ಶಿಲ್ಪಿ ಡಾ. ಕೆವಿಜಿ ಮೆರೆನ  ಆದರ್ಶಲೆನ್  ಮೈಗೂಡಿಸಾವೊಂದ್ ಮೆರೆಗ್ ಆರಂತೋಡು NMC ಕಾಲೇಜುದ ಆನಿದ ಪ್ರಾಂಶುಪಾಲೆರಾದಿತ್ತಿನ  ಕೆ. ಆರ್. ಜಿ ಮೆರೆನ ಮಾರ್ಗದರ್ಶನ ಬೊಕ್ಕ ಬೆಂಬಲನ್ ಯಾಪೊಲಾ ಮದಪರೆಗ್ ಆವಂದ್.

ಎಲ್ಯ ಪ್ರಾಯೊಡೇ  ಬಾರೀ ಚುರುಕು ಸ್ವಭಾವದ ಲೀಲಾಧರ್ ಪ್ರಾಥಮಿಕ ಶಿಕ್ಷಣನ್ ಗೂನಡ್ಕದ ಶ್ರೀ ಶಾರದಾ ಅನುದಾನಿತ ಶಾಲೆ ಬೊಕ್ಕ ಸರಕಾರಿ ಶಾಲೆ ಕಲ್ಲುಗುಂಡಿ, ಪ್ರೌಢ ಬೊಕ್ಕ ಪದವಿ ಪೂರ್ವ ಶಿಕ್ಷಣನ್ ಆರಂತೋಡು ನೆಹರು ಮೆಮೋರಿಯಲ್ ಕಾಲೇಜು ಡ್ ಮಲ್ತೆರು.
ಬೊಕ್ಕ BAMS ನ್  ಕೆವಿಜಿ ಆಯುರ್ವೇದಿಕ್ ಕಾಲೇಜು ಡ್ ಬೊಕ್ಕ MD (Ayur)  ಕೊಪ್ಪಡ್ ಮಲ್ತೆರು.
ವೈದ್ಯಕೀಯ ಶಿಕ್ಷಣ  ಪಡೆಯಿನಪಗ ವಿದ್ಯಾರ್ಥಿ ನಾಯಕೆ ಆದ್, ತನ್ನ ನಾಯಕತ್ವ ಗುಣನ್ ಇಡೀ ತಾಲೂಕುಗೆ ಪರಿಚಯ ಮಲ್ತೆರು. ಮೆರೆನ ನಾಯಕತ್ವ ಗುಣ,
ಮಾತೆರೆನ  ಟೀಕೆ ಟಿಪ್ಪಣಿಲೆನ್ ಗೌರವಯುತವಾದ್ ಸ್ವೀಕರಿಸುನ ಗುಣ  ಇತ್ತಿನ ಲೀಲಾಧರ್ ಇನಿ ರಾಜ್ಯದ ವೈದ್ಯಕೀಯ ವಿಭಾಗಡ್ ಪರಮೋಚ್ಚ ಹುದ್ದೆಗ್ ಏರಿನ ಸುರುತ್ಥ ಹಳ್ಳಿ ಹುಡುಗೆ  ಪನರೆಗ್ ಪೆರ್ಮೆ ಆಪುಂಡ್.

ಈ ಸಂದರ್ಭಡ್ ಡಾ. ಲೀಲಾಧರ್ ಮೆರೆನ  ಅಪ್ಪೆ ಗೌರಮ್ಮ ಬೊಕ್ಕ  ಅಮ್ಮೆರ್  ವೀರಪ್ಪ ದೋಳ ಮೊಕ್ಲೆನ  ಬೆಂಬಲ ಬೊಕ್ಕ ಪ್ರೋತ್ಸಾಹ ನ್  ನೆಂಪು ಮಲ್ಪೊಡಾಪುಂಡ್.

ಇನಿ  ಹಳ್ಳಿ ಹುಡುಗೆ ಲೀಲಾಧರ್ ಕರ್ನಾಟಕ ರಾಜ್ಯದ ರಾಜೀವ್ ಗಾಂಧಿ “ಯೂನಿವರ್ಸಿಟಿ ಆಫ್ ಹೆಲ್ತ್ & ಸೈನ್ಸ್” ಬೆಂಗಳೂರುದ ಬೋರ್ಡ್ ಆಫ್ ಸ್ಟಡೀಸ್ ಚೆಯರ್ ಮೆನ್ ಆಗಿ ಆಯ್ಕೆಯಾತೆರ್.
ರಾಜ್ಯ ವೈದ್ಯಕೀಯ ವಿಭಾಗಡೇ  ಬಾರೀ ಮಲ್ಲ  ಹುದ್ದೆ ಉಂದು, ಮಾರ್ಚ್ 27 ಗ್ ಬೆಂಗಳೂರುದ ರಾಜೀವ್ ಗಾಂಧಿ ಅರೋಗ್ಯ ವಿಶ್ವವಿದ್ಯಾಲಯದ ಕುಲ ಸಚಿವೆರಾಯಿನ ಶ್ರೀ ಶಿವಪ್ರಸಾದ್ ಮೆರೆಡ್ಥ್ ಆದೇಶ ಪತ್ರ ಪಡೆಪಿನ  ಮೂಲಕ ಅಧಿಕಾರ ಸ್ವೀಕಾರ ಮಲ್ತೆರು.

ಲೀಲಾಧರ್ ಮುಖ್ಯಸ್ಥರಾದುಪ್ಪುನ  ಈ ಪೀಠಡ್ ರಾಜ್ಯದ ಒಟ್ಟು 14 ಮಂದಿ ಸದಸ್ಯೆರುನಕುಲು  ಉಲ್ಲೆರ್.

ಜಾತಿ ಭೇದವಿಪ್ಪಂದೇ ಅಪಾರ ಪ್ರಮಾಣಡ್ ಅಭಿಮಾನಿಲು, ಸ್ನೇಹಿತರ್ ಉಲ್ಲೆರ್, ಅರೋಗ್ಯ, ಧಾರ್ಮಿಕ, ಸಾಮಾಜಿಕ, ಶೈಕ್ಷಣಿಕ ಕ್ಷೇತ್ರಡ್  ಬೆನೊಂದು ಜನ ಮೆಚ್ಚುಗೆ ಪಡೆಯಿನ ಲೀಲಾಧರ್ ಕೆವಿಜಿ ಆಯುರ್ವೇದ ಮೆಡಿಕಲ್ ಕಾಲೇಜು ಬೊಕ್ಕ ಆಸ್ಪತ್ರೆದ ಆಡಳಿತಾಧಿಕಾರಿಯಾದ್, ಪ್ರಸ್ತುತ ಪ್ರಾಂಶುಪಾಲೆರಾದ್ ಸೇವೆ ಸಲ್ಲಿಸಾವೊಂದುಲ್ಲೆರ್.

ಬಡಜನಕ್ಲೆಗ್  ಸಹಾಯ ಹಸ್ತ ಮಲ್ತೊಂದಿತ್ತಿನ ಮೆರೆಗ್ “ಸಮಾಜ ರತ್ನ, ಕನ್ನಡ ಕಸ್ತೂರಿ, ಸಾಧನ ಶ್ರೀ, ಚಿಕಿತ್ಸಾ ರತ್ನ, ಕನ್ನಡ ಸಾಹಿತ್ಯ ಪ್ರಶಸ್ತಿ, APJ ಅಬ್ದುಲ್ ಕಲಾಂ ಲೈಫ್ ಟೈಮ್ ಅಚೀವ್ ಮೆಂಟ್ ನ್ಯಾಷನಲ್ ಅವಾರ್ಡ್ ಇಂಚ ಕೆಲವು ಪ್ರಶಸ್ತಿಲು ಮುಡಿಗೇರುದುಂಡ್.
ನೆತ್ತ ಒಟ್ಟುಗ್  Karnataka Ayurveda & Unani Proctitioner Board ಬೆಂಗಳೂರುದ  ನಾಮನಿರ್ದೇಶಿತ ಸದಸ್ಯೆರಾದ್, C.C.I.M Syllabus Setting ಕಮಿಟಿದ  ಸದಸ್ಯೆರಾದ್, ಬೋರ್ಡ್ ಆಫ್ ಸ್ಟಡೀಸ್ ಬೆಂಗಳೂರು RGUHS ದ ಪದವಿ ಬೊಕ್ಕ ಸ್ನಾತಕೋತ್ತರ ಪದವಿ ವಿಭಾಗದ ನಿರ್ದೇಶಕೆರಾದ್, ಕೇರಳ ರಾಜ್ಯದ ತ್ರಿವೇಡ್ರಮ್ ಆಯುರ್ವೇದ ಕಾಲೇಜು, ವೇದರತ್ನ ಆಯುರ್ವೇದ ಕಾಲೇಜು, ಪಿ.ಎ.ಎಸ್ ವಾರಿಯರ್ಸ್ ಆಯುರ್ವೇದ ಕಾಲೇಜು, ಕೋಟೆಕಲ್ ಆಯುರ್ವೇದ, ಎಂ.ವಿ.ಆರ್ ಆಯುರ್ವೇದ ಕಾಲೇಜುದ  PG Examiner ಆಗಿ, ರಾಜ್ಯ ರಾಜೀವ್ ಗಾಂಧಿ ಯೂನಿವರ್ಸಿಟಿ ಆಫ್ ಹೆಲ್ತ್ & ಸೈನ್ಸ್ ದ ಉಪಾಧ್ಯಕ್ಷೆರಾದ್ ಬೊಕ್ಕ Principal Forum ಆದ್, 2024-25 ನೇ ಸಾಲುದ LIC Reform ಕಮಿಟಿ ಸದಸ್ಯೆರಾದ್ ಸೇವೆ ಸಲ್ಲಿಸಾಯಿನ ಅಪಾರ ಅನುಭವ ಮೆರೆಗುಂಡ್. ಪ್ರಸ್ತುತ ಕರ್ನಾಟಕ ರಾಜ್ಯ ರಾಜೀವ್ ಗಾಂಧಿ ಅರೋಗ್ಯ ವಿಜ್ಞಾನದ ವಿಶ್ವವಿದ್ಯಾಲಯದ ಅಧ್ಯಕ್ಷೆರಾದ್  ಸೇವೆ ಸಲ್ಲಿಸಾವರೆಗುಲ್ಲೆರ್.

ಎಲ್ಯ  ಪ್ರಾಯೊಡೇ ರಾಜ್ಯದ ವೈದ್ಯಕೀಯ ವಿಭಾಗದ ಮಲ್ಲ  ಹುದ್ದೆಗೇರಿನ  ಮೇರು ಸುಳ್ಯ ತಾಲೂಕು ಸಂಪಾಜೆ ಗ್ರಾಮದ ಗೂನಡ್ಕದ ಶ್ರೀ ವೀರಪ್ಪ ದೋಳ ಬೊಕ್ಕ ಗೌರಮ್ಮ ದಂಪತಿಲೆನ  ರಡ್ಡನೇ ಮಗೆ. ಮೆರೆನ ಧರ್ಮಪತ್ನಿ ಡಾ. ಜಯವಾಣಿ ಕೆವಿಜಿ ಆಯುರ್ವೇದ ಮೆಡಿಕಲ್ ಕಾಲೇಜುಡ್ ಯೋಗ ವಿಭಾಗದ ಉಪನ್ಯಾಸಕಿ. ಮಗೆ ಮಾ|| ಮೋಕ್ಷ್ ರಡ್ಡನೇ ಪಿ.ಯು.ಸಿ ಡ್  ಕಲ್ತೊಂದುಲ್ಲೆ. ಮೆರೆನ ಸಹೋದರೆ ರಾಜ್ಯದ ಖ್ಯಾತ ಉದ್ಯಮಿ ಬೊಕ್ಕ “ಅಭಿನವ್ ಗ್ರೂಪ್” ಮ್ಹಾಲಕರಾದುಪ್ಪುನ ಸತೀಶ್ ಡಿ. ವಿ ಮೇರು ಶಿವಮೊಗ್ಗಡ್ ಕುಟುಂಬದೊಟ್ಟುಗ್ ಉಲ್ಲೆರ್.

✍️ ಜಯರಾಂ ಅಂಬೆಕಲ್ಲು.