ಏಪ್ರಿಲ್ 1 ಡ್ದ್ 15 ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನ ಪುನರ್ ಪ್ರತಿಷ್ಠೆ ,ಬ್ರಹ್ಮ ಕಲಶ ಪುಣ್ಯ ಉತ್ಸವದ ಲೆಪ್ಪೋಲೆ ಬುಡುಗಡೆ..
ಸಮಗ್ರವಾದ್ ಜೀರ್ಣೋದ್ದಾರ ಆವೊಂದುಪ್ಪುನ ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಸ್ಥಾನದ ಪುನರ್ ಪ್ರತಿಷ್ಠೆ ಬೊಕ್ಕ ಬ್ರಹ್ಮ ಕಲಶ ಪುಣ್ಯ ಉತ್ಸವದ ಕಾರ್ಯಕ್ರಮೊಲ್ ಏಪ್ರಿಲ್ ತಿಂಗೊಲ್ದ 1 ನೇ ತಾರೀಕುಡ್ದ್ 15 ತಾರೀಕುಮುಟ್ಟ ಗೌಜಿಡ್ ನಡಪರೆಗುಂಡ್.
ಬ್ರಹ್ಮ ಕಲಶ ಪುಣ್ಯ ಉತ್ಸವ ಕಾರ್ಯಕ್ರಮದ ಲೆಪ್ಪೋಲೆನ್ ಬ್ರಹ್ಮ ಕಲಶ ಪುಣ್ಯ ಉತ್ಸವ ಸಮಿತಿದ ಅಧ್ಯಕ್ಷೆರಾಯಿನ ನಾಡೋಜ ಡಾ ಜಿ ಶಂಕರ್ ಮೆರೆನ ಉಪಸ್ಥಿತಿಡ್ ಜ್ಯೋತಿಷಿ ಮಾಧವನ್ ಪೊದುವಾಳೆರು ಬುಡುಗಡೆ ಮಲ್ತೆರ್.
ಈ ಸಂದರ್ಭಡ್ ದ ಕ ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರಾಯಿನ ಜಯ ಸಿ ಕೋಟ್ಯಾನ್, ಉಪಾಧ್ಯಕ್ಷೆರಾಯಿನ ಸುಭಾಸ್ಚಂದ್ರ ಕಾಂಚನ್, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರಾಯಿನ ಗುಂಡು ಬಿ ಅಮೀನ್, ಕ್ಷೇತ್ರ ಆಡಳಿತ ಸಮಿತಿದ ಅಧ್ಯಕ್ಷೆರಾಯಿನ ವಾಸುದೇವ ಸಾಲ್ಯಾನ್, ಭುವನೇಂದ್ರ ಕಿದಿಯೂರ್, ಕ್ಷೇತ್ರದ ಅರ್ಚಕೆರಾಯಿನ ರಾಘವೇಂದ್ರ ಉಪಾಧ್ಯಾಯ ಬೊಕ್ಕ ವಿಷ್ಣುಮೂರ್ತಿ ಉಪಾಧ್ಯಾಯ, ಮಲ್ಪೆ ಮೀನುಗಾರರ ಸಂಘದ ಅಧ್ಯಕ್ಷೆರಾಯಿನ ದಯಾನಂದ ಸುವರ್ಣ, ಮೋಹನ್ ಬೆಂಗ್ರೆ, ಶ್ರೀಮತಿ ಅಪ್ಪಿ ಎಸ್ ಸಾಲ್ಯಾನ್, ಸರಳಾ ಕಾಂಚನ್ ಅಂಚೆನೇ ಸಮಿತಿದಕುಲು ಉಪಸ್ಥಿತರಿತ್ತೆರ್.
by 