ಶ್ರೀ ಧರ್ಮಸ್ಥಳ ಭಜನಾ ಪರಿಷತ್

*ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಭಜನಾ ಪರಿಷತ್ತ್, ಹಿರಿಯಡ್ಕ ಬೊಕ್ಕ ಪೆರ್ಡೂರು ವಲಯ ಸಭೆ*

              ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಭಜನಾ ಪರಿಷತ್ತ್,  ಉಡುಪಿ ತಾಲೂಕುದ ಹಿರಿಯಡ್ಕ ಬೊಕ್ಕ ಪೆರ್ಡೂರು ವಲಯದ ಸಂಬಂಧಪಟ್ಟಿನ  ಮಾತಾ  ಭಜನಾ ಮಂಡಳಿದ  ಸಮಾಲೋಚನಾ ಸಭೆ 22/07/2026ನೇ ಬುಧಾರ  *ಶ್ರೀ ವೀರಭದ್ರ ಸ್ವಾಮಿ ದೇವಸ್ಥಾನ, ಹಿರಿಯಡ್ಕಡ್ ನಡತುಂಡ್..
     ಈ ಸಭೆಟ್  ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಭಜನಾ ಪರಿಷತ್ತ್, ಉಡುಪಿ ತಾಲೂಕು ಅಧ್ಯಕ್ಷೆರಾಯಿನ ಶ್ರೀ ವಿಜಯ ಶೆಟ್ಟಿ ಕೊಂಡಾಡಿ ಮೇರು ಆಗಸ್ಟ್ ತಿಂಗೊಲ್ದ   2ತಾರೀಕುಗ್  ಅಂಬಲಪಾಡಿ  ಶ್ರೀ ಜನಾರ್ಧನ ಮಹಾಕಾಳಿ ದೇವಸ್ಥಾನಡ್ ನಡಪುನ ತಾಲೂಕು ಭಜನೋತ್ಸವ,  ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ಸೆಪ್ಟೆಂಬರ್ ತಿಂಗೊಲುಡ್ ನಡಪುನ 28ನೇ ಭಜನಾ ಕಮ್ಮಟ, ತಾಲೂಕುದ ಸಾಧಕ ಪ್ರಶಸ್ತಿ ಬೊಕ್ಕ ಸಮಾರೋಪದಾನಿ ನಡಪುನ ವಿಶೇಷ ಭಜನೋತ್ಸವದ ಸಂಪೂರ್ಣ ಮಾಹಿತಿನ್ ಕೊರಿಯೆರು.  ಈ ಮಾತಾ  ಕಾರ್ಯಕ್ರಮಲೆಡ್  ವಲಯದ ಹೆಚ್ಚಿನ ಭಜನಾ ಮಂಡಳಿದಕುಲು ಪಾಲ್ ಪಡೆದ್, ಕಾರ್ಯಕ್ರಮನ್ ಯಶಸ್ವಿ ಮಲ್ತ್ ಕೊರೊಡ್ ಪಂಡುದ್  ಮನವಿ ಮಲ್ತೆರು.  ಭಜನಾ ಮಂಡಳಿದಕ್ಲೆಡ ಅಮೂಲ್ಯ ಸಲಹೆ ಸೂಚನೆಲೆನ್  ದೆತೊಂಡೆರ್..
   ಶ್ರೀ ಕ್ಷೇತ್ರ ಧರ್ಮಸ್ಥಳದ ಭಜನಾ ಕಮ್ಮಟಡ್  ಪಾಲ್ ಪಡೆಯಿನ ಚೇತನ್ ತನ್ನ ಎಡ್ಡೆ  ಅನಿಸಿಕೆಲೆನ್ ಪಟ್ಟೊಂಡೆರು. ಹಿರಿಯಡ್ಕ ವಲಯದ ಮೇಲ್ವಿಚಾರಕೆರಾಯಿನ ಶ್ರೀ ರಾಜ್  ಸ್ವಾಗತ ಮಲ್ತುದ್, ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಈ ಕಾರ್ಯಕ್ರಮಡ್   ಹಿರಿಯಡ್ಕ ಬೊಕ್ಕ ಪೆರ್ಡೂರು ವಲಯದ ಹೆಚ್ಚಿನ ಭಜನಾ ಮಂಡಳಿದ ಪದಾಧಿಕಾರಿಲು ಹಾಜರಿತ್ತೆರು.