ಎಂಐಟಿ ದ ವಿಶೇಷ ಶಿಬಿರ ಉದಿಪನ

ಎನ್ಎಸ್ಎಸ್ ಚಟುವಟಿಕೆಲು ಶೈಕ್ಷಣಿಕ ಅಧ್ಯಯನಗ್ ಮೌಲ್ಯನ್  ಸೇರಾಪಾವುಂಡ್…..ಶ್ರೀ ಶ್ರೀಧರ್ ಜಿ, ಯುವ ಅಧಿಕಾರಿ, ಎನ್ಎಸ್ಎಸ್ ನಿರ್ದೇಶನಾಲಯ ಬೆಂಗಳೂರು.

ಮಾಹೆ – ಮಣಿಪಾಲ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ರಾಷ್ಟ್ರೀಯ ಸೇವಾ ಯೋಜನೆ ಘಟಕ ಸ್ವಯಂಸೇವಕೆರೆಗ್
ಮಣಿಪಾಲಡ್  ಮೇ 13 ಡ್ದ್  ಮೇ 20 ಮುಟ  ಆಯೋಜನೆ ಮಲ್ದಿನ  ವಿಶೇಷ ಶಿಬಿರನ್  ಉದಿಪನ ಮಲ್ತುದ್ ಪಾತೆರಿಯೆರು.

ಮಾಜಿ ಕರ್ನಾಟಕ ರಾಜ್ಯ ಎನ್‌ಎಸ್‌ಎಸ್ ಕಾರ್ಯಕ್ರಮ ಸಮನ್ವಯ ಅಧಿಕಾರಿ ಡಾ.ಗಣನಾಥ್ ಎಕ್ಕಾರ್  ವಿದ್ಯಾರ್ಥಿ ಸಮೂಹನ್  ಪರಿಸರ ಸೇವೆಗ್  ಪ್ರೇರೇಪಣೆ ಮಲ್ಪುನ  ಬಗೆಟ್ ಪ್ರಮುಖ ಟಿಪ್ಪಣಿ  ಕೊರಿಯೆರು.

ಎನ್‌ಎಸ್‌ಎಸ್ ಒಂಜಿ  ಅನುಭವವಾದಿತ್ತುದ್, ಇನಿ ಅನುಭವದ ಕಲಿಕೆಗಾದ್ ಬೊಕ್ಕ ನಾಯಕತ್ವದ ಅಭಿವೃದ್ಧಿ ಬೊಕ್ಕ  ಜ್ಞಾನನ್  ಗಳಿಸಾವರೆಗ್  ಒಂಜಿ  ಅದ್ಭುತ ಅವಕಾಶವಾದುಂಡ್, ಪಂಡುದು  ಮುಖ್ಯ ಅತಿಥಿ ಕಮಾಂಡರ್ ಡಾ.ಅನಿಲ್ ರಾಣಾ ನಿರ್ದೇಶಕ ಎಂಐಟಿ ಮಣಿಪಾಲ್ ಪಾತೆರಿಯೆರ್.

ಈ ಸಂದರ್ಭಡ್  ಆಸರೆ ಅಧ್ಯಕ್ಷರಾಯಿನ  ಶ್ರೀ ಕೆ ಎಸ್ ಜೈ ವಿಟ್ಟಲ್ ಅರೆನ್  ಮಾನಸಿಕ ಅಸ್ವಸ್ಥ ರೋಗಿಲೆಗ್ ಪ್ರಾಮಾಣಿಕವಾದ್  ಸಮರ್ಪಿತ ಕೆಲಸಗಾದ್ ಸನ್ಮಾನ ನಡತುಂಡ್.

ಡಾ.ರಾಮಚಂದ್ರ ಮೂರ್ತಿ ಸಹನಿರ್ದೇಶಕ ಅಭಿವೃದ್ಧಿ ಬೊಕ್ಕ  ಯೋಜನಾ ಸಮಾರಂಭದ ಅಧ್ಯಕ್ಷತೆಡಿತ್ತುದ್  ಪಾತೆರ್ದ್ , ಎನ್‌ಎಸ್‌ಎಸ್ ದ  ಒವ್ವೇ ರಚನಾತ್ಮಕ ಚಟುವಟಿಕೆಲೆಗ್  ಮಾತಾ  ಸೌಲಭ್ಯಲೆನ್ ಒದಗಿಸಾವುಂಡ್  ಪಂಡುದು ತೆರಿಪಾಯೆರು

ಕಾರ್ಯಕ್ರಮದ ಅಧ್ಯಕ್ಷತೆನ್  ಡಾ.ರಾಮಚಂದ್ರ ಮೂರ್ತಿ ಸಹನಿರ್ದೇಶಕೆರು ವಹಿಸಾದ್ ಟೀಮ್ ಎನ್‌ಎಸ್‌ಎಸ್ ನಿರ್ವಹಣೆ ಮಲ್ತೊಂದುಪ್ಪುನ  ಕಾರ್ಯಲೆನ್ ಶ್ಲಾಘನೆ ಮಲ್ತೆರು.
ಕುಮಾರಿ ಪ್ರಾಗ್ಹ್ಯಾ ಡೋರಾ ಕಾರ್ಯಕ್ರಮ ನಿರೂಪಣೆ ಮಲ್ತುದ್, ಡಾ ಮದ್ದೋಡಿ ಸ್ವಾಗತ ಮಲ್ತೆರು. ಉದ್ಘಾಟನಾ ಸಮಾರಂಭಡ್  ಎನ್ಎಸ್ಎಸ್ ಕಾರ್ಯಕ್ರಮ ಅಧಿಕಾರಿ ಡಾ.ಲಕ್ಷ್ಮಣ್ ರಾವ್, ಡಾ.ಪೂರ್ಣಿಮಾ ಭಾಗವತ್, ಡಾ.ಆಶಾ ಸಿ.ಎಸ್ ಉಪಸ್ಥಿತರಿತ್ತೆರು.