ಬಡಗಬೆಟ್ಟು ಸೊಸೈಟಿ

ಉಡುಪಿ ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸ್ಯಾಟಿ ವತಿಡ್ದ್  ಉಡುಪಿ ಜಿಲ್ಲೆದ  ಕನ್ನಡ ಮಾಧ್ಯಮ ಶಾಲಾ ಕಲ್ಪಾರ್ಥಿಲೆಗ್ ಸುಮಾರು 15 ಲಕ್ಷ ರೂ.ಪಣವುದ ನೋಟ್ ಪುಸ್ತಕ, ಶೈಕ್ಷಣಿಕ ಪರಿಕರ ವಿತರಣೆ, ಪ್ರತಿಭಾ ಪುರಸ್ಕಾರ ಸಮಾರಂಭ ಬೊಕ್ಕ ಶಾಲಾ ವಿದ್ಯಾರ್ಥಿಲೆಗ್ ದೈ ವಿತರಣೆ ಕಾರ್ಯಕ್ರಮ ಜೂ. 27ಗ್  ಕಾಂಡೆ 10.30 ಕ್ ಉಡುಪಿ ಅಜ್ಜರಕಾಡು ಟೌನ್ ಹಾಲ್ ಡ್  ನಡಪರೆಗುಂಡ್ ಪಂಡುದು  ಸಂಘದ ಅಧ್ಯಕ್ಷ ಜಯಕರ ಶೆಟ್ಟಿ ಇಂದ್ರಾಳಿ ತೆರಿಪಾದೆರ್..

ಆರು ಉಡುಪಿಡ್  ಸುದ್ದಿಗೋಷ್ಟಿಡ್  ಪಾತೆರ್ದ್ . ಸಾಮಾಜಿಕ ಕಳಕಳಿಜ ಧೈಯದಡಿ ಉಡುಪಿ ಜಿಲ್ಲೆದ ಸುಮಾರು 50 ಕನ್ನಡ ಮಾಧ್ಯಮ ಶಾಲಾ ವಿದ್ಯಾರ್ಥಿಲೆಗ್  ನಡಪರೆಗುಂಡ್.

ಕಾರ್ಯಕ್ರಮನ್ ಕರ್ನಾಟಕ ಸರಕಾರದ ಮಾಜಿ ಸಚಿವೆರು ಬೊಕ್ಕ ಭಾರತ್ ಸೈಟ್ಸ್ ಅಂಡ್ ಗೈಡ್ಸ್ ಕರ್ನಾಟಕದ ರಾಜ್ಯ ಮುಖ್ಯ ಆಯುಕ್ತೆರಾಯಿನ ಪಿ.ಜಿ. ಆರ್ ಸಿಂಧ್ಯಾ ಮೇರು ಉದಿಪನ ಮಲ್ಪುವೆರು. ಉಡುಪಿ-ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದ ಸಂಸದೆರಾಯಿನ ಕೋಟ ಶ್ರೀನಿವಾಸ ಪೂಜಾರಿ, ಉಡುಪಿ ವಿಧಾನ ಸಭಾ ಕ್ಷೇತ್ರದ ಶಾಸಕೆರಾಯಿನ ಯಶ್ನಾಲ್ ಎ. ಸುವರ್ಣ, ಉಡುಪಿ ಜಿಲ್ಲಾ ಶಿಕ್ಷಣ ಬೊಕ್ಕ ತರಬೇತಿ ಸಂಸ್ಥೆ(ಡಯಟ್)ದ ಪ್ರಾಂಶುಪಾಲೆರಾಯಿನ ಅಶೋಕ್ ಕಾಮತ್, ಸಹಕಾರ ಸಂಘದ ಸಹಾಯಕ ನಿಬಂಧಕೆರಾಯಿನ  ಸುಧೀರ್ ಕುಮಾ‌ರ್ ಜೆ ಉಪಸ್ಥಿತರಿಪ್ಪುವೆರು. ಸಂಘದ ಅಧ್ಯಕ್ಷೆರಾಯಿನ ಸಹಕಾರ ರತ್ನ ಜಯಕರ ಶೆಟ್ಟಿ ಇಂದ್ರಾಳಿ ಮೇರು ಸಮಾರಂಭದ ಅಧ್ಯಕ್ಷತೆಡಿತ್ತುದ್, ಸಂಪನ್ಮೂಲ ವ್ಯಕ್ತಿ ದಾಮೋದರ್ ಶರ್ಮ ಬಾರ್ಕೂರು ಮೆರೆಡ್ದ್  ಕಾಂಡೆ 9.30ಡ್ದ್  ಶಾಲಾ ವಿದ್ಯಾರ್ಥಿಲೆಗ್ ವಿಶೇಷ ಉಪನ್ಯಾಸ ನಡಪುಂಡ್ ಪಂಡೆರು.

ಸಹಕಾರ ಕ್ಷೇತ್ರಡ್  ಸತತ ಸಾಧನೆದ ಮೂಲಕ ರಾಷ್ಟ್ರೀಯ ಮಟ್ಟಡುಲಾ ಗುರುತಿಸಾವೊಂದಿನ ಉಡುಪಿದ ಪ್ರತಿಷ್ಠಿತ ಸಂಸ್ಥೆಯಾಯಿನ ಬಡಗಬೆಟ್ಟು ಕ್ರೆಡಿಟ್ ಕೋ-ಆಪರೇಟಿವ್ ಸೊಸೈಟಿ ಲಿಮಿಟೆಡ್ ಶತಮಾನೋತ್ಸವನ್  ಯಶಸ್ವಿಯಾದ್ ಪೂರೈಸಾದ್ ದುಂಬರಿತೊಂದುಂಡ್ .1980ಡ್ ಕೇವಲ 306 ಸದಸ್ಯೆರು, ರೂ.6.200 ಪಾಲು ಬಂಡವಾಳ ಬೊಕ್ಕ ರೂ.4.664 ಠೇವಣಿದೊಟ್ಟುಗ್ ಆರಂಭ ಆಯಿನ  ಸಂಘ ಪ್ರಸ್ತುತ 23,000ಕ್ಕ್ ಲಾ ಜಾಸ್ತಿ  ಸದಸ್ಯೆರ್  ಇತ್ತುದ್ ರೂ.685 ಕೋಟಿ ಠೇವಣಿ, ರೂ.537 ಕೋಟಿ ಸಾಲ ವಿತರಣೆ ಬೊಕ್ಕ 2025-26ನೇ ಸಾಲುಡ್  ಸುಮಾರು ರೂ.4,060 ಕೋಟಿ ವಾರ್ಷಿಕ ವಹಿವಾಟು ನಡಪಾದ್ ರೂ.19 ಕೋಟಿಗುಲಾ ಜಾಸ್ತಿ ಲಾಭ ಪಡೆಯುನ ಮೂಲಕ ಜಿಲ್ಲೆದ ಅತ್ಯುತ್ತಮ ಸಹಕಾರ ಸಂಸ್ಥೆಲೆಡ್  ಒಂಜಾದ್  ಬುಳೆದುಂಡ್.

ತನ್ನ ಕಾರ್ಯವ್ಯಾಪ್ತಿಡ್  12 ಶಾಖೆದ ಮೂಲಕ ಗ್ರಾಹಕ ಸ್ನೇಹಿ ಸೇವೆಲೆನ್  ಒದಗಿಸಾವುನ ಸಂಘ ಕೇವಲ ಆರ್ಥಿಕ ಚಟುವಟಿಕೆಲೆಗ್  ಸೀಮಿತ ಆವಂದೆ ಶಿಕ್ಷಣ, ಆರೋಗ್ಯ ಬೊಕ್ಕ ಸಾಮಾಜಿಕ ಕ್ಷೇತ್ರದ ಅಭಿವೃದ್ಧಿಗುಲಾ ವಿಶೇಷ ಆದ್ಯತೆ ಕೊರೊಂದಿತ್ತುದ್,, ವಾರ್ಷಿಕ ಸುಮಾರು ರೂ.25 ಲಕ್ಷಗುಲಾ ಅಧಿಕ ಮೊತ್ತನ್  ಬೇತೆ ಬೇತೆ ಸಮಾಜಮುಖಿ ಕಾರ್ಯಕ್ರಮಲೆಗ್  ವಿನಿಯೋಗ ಮಲ್ತೊಂದುಂಡ್. ಪೊಲೀಸ್‌ ಠಾಣೆಲು ಬೊಕ್ಕ ಶೈಕ್ಷಣಿಕ ಸಂಸ್ಥೆಲೆಗ್  ಕಂಪ್ಯೂಟ‌ರ್ ವ್ಯವಸ್ಥೆದ ಕೊಡುಗೆ, ಧಾರ್ಮಿಕ ಕೇಂದ್ರಲೆಗ್  ವಾಟರ್ ಚಿಲ್ಲರ್ ಬೊಕ್ಕ ಉತ್ತಮ ಗುಣಮಟ್ಟದ ಕುರ್ಚಿ ವಿತರಣೆ, ಬೃಹತ್ ರಕ್ತದಾನ ಶಿಬಿರ, ಉಚಿತ ನೇತ್ರ, ಸಾಮಾನ್ಯ ಆರೋಗ್ಯ ಬೊಕ್ಕ ಮಧುಮೇಹ ತಪಾಸಣಾ ಶಿಬಿರೊಲು, ಶಾಲಾ ವಿದ್ಯಾರ್ಥಿಲೆಗ್ ಚಿತ್ರಕಲೆ ಬೊಕ್ಕ ದೇಶಭಕ್ತಿ ನೃತ್ಯ ಸ್ಪರ್ಧೆಲು, ಸ್ವಚ್ಛತಾ ಅಭಿಯಾನ ಸೇರಿನಂಚ ಅನೇಕ ಸಾಮಾಜಿಕ ಕಳಕಳಿದ ಕಾರ್ಯಕ್ರಮಲೆನ್  ಸಂಘ ನಿರಂತರವಾದ್ ಮಲ್ತೊಂದ್  ತನ್ನ ಸಾಮಾಜಿಕ ಬದ್ಧತೆನ್  ಸಾರ್ಥಕ ಮಲ್ತೊಂದುಂಡ್. ಸಹಕಾರದೊಟ್ಟುಗ್  ಸಾಮಾಜಿಕ ಹೊಣೆಗಾರಿಕೆನ್ ಸಮನ್ವಯ ಮಲ್ದಿನ ಬಡಗಬೆಟ್ಟು ಸೊಸೈಟಿ, ಜನಸೇವೆದ ಮೂಲಕ ಮಾದರಿ ಸಹಕಾರ ಸಂಸ್ಥೆಯಾದ್ ಗುರುತಿಸಾವೊಂದುಂಡ್  ಪಂಡೆರು.

ಸುದ್ದಿಗೋಷ್ಟಿಯಲ್ಲಿ ಪ್ರಧಾನ ವ್ಯವಸ್ಥಾಪಕರಾಯಿನ  ರಾಜೇಶ್ ವಿ.. ಶೇರಿಗಾರ್ ಬೊಕ್ಕ ಸಹಾಯಕ ಪ್ರಧಾನ ವ್ಯವಸ್ಥಾಪಕೆರಾಯಿನ ಪ್ರವೀಣ್ ಉಪಸ್ಥಿತರಿತ್ತೆರು.