ಲಕ್ಷ್ಮೀನಾರಾಯಣ ಕಾರಂತೆರೆಗ್ ತುಳುಕೂಟದ ವತಿಡ್ದ್ ಮಾನಾದಿಗೆ.

ಪ್ರತಿಷ್ಠಿತ ಉಡುಪಿದ  ಮಹಾತ್ಮಗಾಂಧಿ ಸ್ಮಾರಕ ಮಹಾವಿದ್ಯಾಲಯದ ಪ್ರಾಂಶುಪಾಲೆರಾದ್ ನಿವೃತ್ತಿ ಪಡೆಯಿನ ಲಕ್ಷ್ಮೀನಾರಾಯಣ ಕಾರಂತೆರೆಗ್ ತುಳುಕೂಟ ಉಡುಪಿದ ವತಿಡ್ದ್   ಉಡುಪಿದ ಡಯಾನಾ ಹೋಟೇಲ್ ಡ್ ಮಾನಾದಿಗೆ ನಡತುಂಡ್.
ಚಿತ್ರಪಾಡಿ ಶ್ರೀ ಅನಂತಯ್ಯ ಕಾರಂತ ಬೊಕ್ಕ ಶ್ರೀಮತಿ ಯಶೋದಮ್ಮ ದಂಪತಿಲೆನ ರಡ್ಡನೇ ಮಗೆ ಆಯಿನ  ಕಾರಂತೆರ್ , ಜ್ಞಾನಾಸಕ್ತೆರಾದ್ ಸ್ವಂತ ಪರಿಶ್ರಮದ ಬಲಟ್ ಸಾಧನೆದ  ತಾದಿಡ್   ದುಂಬರಿಯಿನ ಕೂಟ ಬಂಧುಲೆನ ಅಭಿಮಾನದ ಪ್ರತಿಬಿಂಬರಾತೆರ್.
ಪ್ರಾಥಮಿಕ ಶಿಕ್ಷಣೊನ್ ಚಿತ್ರಪಾಡಿದ  ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್  ಪಡೆತುದು, ಪ್ರೌಢ ಬೊಕ್ಕ ಪದವಿ ಪೂರ್ವದ ವ್ಯಾಸಂಗನ್  ವಿವೇಕ ವಿದ್ಯಾಸಂಸ್ಥೆಲೆಡ್ ಪೂರೈಸಾದ್ ಬ್ರಹ್ಮಾವರದ ಎಸ್.ಎಮ್.ಎಸ್ ಕಾಲೇಜಿಡ್ದ್  ಬಿ, ಪದವಿನ್  ಗಳಿಸಾದ್ , ಮಂಗಳೂರು ವಿಶ್ವವಿದ್ಯಾನಿಲಯಡ್ದ್  ಅರ್ಥಶಾಸ್ತ್ರಡ್  ಸ್ನಾತಕೋತ್ತರ ಪದವೀಧರೆರಾದ್
ಕುಂದಾಪುರದ ಭಂಡಾರ್‌ಕರ್ಸ ಕಾಲೇಜಿಡ್ ಅರ್ಥಶಾಸ್ತ್ರದ ಉಪನ್ಯಾಸಕೆರಾದ್  ವೃತ್ತಿಜೀವನ ಆರಂಭ ಮಲ್ತಿನ  ಮೇರ್ 1998ಡ್  ಉಡುಪಿದ  ಎಮ್.ಜಿ.ಎಮ್ ಕಾಲೇಜಿಗ್ ವರ್ಗಾವಣೆ ಆದ್  ಪ್ರಾಧ್ಯಾಪಕೆರಾದ್  ಸೇವೆ ಮಲ್ದೆರ್. 2019ರ ಜು ಲೈಡ್  ಸಹ ಪ್ರಾಧ್ಯಾಪಕೆರಾದ್ ಪದನ್ನೋತಿ ಪಡೆಯಿನ ಮೇರ್  2022ತ್ತ  ಆಗಸ್ಟ್ 8ಡ್ದ್ ಈ ಪ್ರತಿಷ್ಠಿತ ವಿದ್ಯಾಸಂಸ್ಥೆದ  ಪ್ರಾಂಶುಪಾಲೆರಾದ್  ಈ ಉನ್ನತ ತಾನೊನ್  ಅಲಂಕರಿಸಾದೆರ್.ಅಧ್ಯಾಪನದೊಟ್ಟುಗ್ ಎನ್.ಎಸ್ಎಸ್ ಹಾಗೂ ಯುತ್ ರೆಡ್ ಕ್ರಾಸ್ ಅಧಿಕಾರಿಲಾದ್ ಕಾರ್ಯನಿರ್ವಹಣೆ ಮಲ್ದಿನ  ಮೇರ್  ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯದ ಅಧ್ಯಯನ ಕೇಂದ್ರದ ತರಬೇತುದಾರೆರಾದ್ ಸೇವೆ,  . ಮಣಿಪಾಲ ಸಿಕ್ಕಿಂ ವಿಶ್ವವಿದ್ಯಾನಿಲಯದ ಸಲಹಾ ಮಂಡಳಿ ಸದಸ್ಯೆರಾದ್,, ಮಂಗಳೂರು ವಿಶ್ವವಿದ್ಯಾನಿಲಯದ ಎಕನಾಮಿಕ್ಸ್ ಅಸೋಸಿಯೇಟ್‌ನ ಸಹ ಕಾರ್ಯದರ್ಶಿಯಾದ್, ಮಣಿಪಾಲದ ಅಕಾಡೆಮಿ ಆಫ್ ಜನರಲ್ ಎಜ್ಯುಕೇಶನ್‌ನ ಸುಪ್ರೀಮ್ ಸರ್ವೆ ಕೌನ್ಸಿಲ್‌ನ ಸದಸ್ಯೆರಾದ್ ಬೊಕ್ಕ ಎಮ್ ಜಿ ಎಮ್ ಕಾಲೇಜ್ ಟ್ರಸ್ಟ್‌ ದ  ಕಾರ್ಯದರ್ಶಿಲಾದ್ ಕಾರ್ಯನಿರ್ವಹಣೆ ಮಲ್ದಿನಾರ್. ದ್ವಿತೀಯ ಪಿ.ಯು.ಸಿ. ವಿದ್ಯಾರ್ಥಿಲೆಗಾದ್  ‘ಭಾರತದ ಅರ್ಥಶಾಸ್ತ್ರ’ ಪನ್ಪಿನ ಪಠ್ಯ ಪುಸ್ತಕನ್  ರಚನೆ ಮಲ್ತ್ ಕೊರಿನ ಹಿರಿಮೆ ಮೆರೆನವ್.

ಕಾಲೇಜು ಶಿಕ್ಷಣ ರಂಗದ  ಮೆರೆನ  ಅನನ್ಯ ಸಾಧನೆ ಬೊಕ್ಕ ಕೊಡುಗೆದೊಟ್ಟುಗ್  ಎಮ್.ಜಿ.ಎಮ್ ಕಾಲೇಜಿದ ಪ್ರಾಶುಂಪಾಲೆರಾದ್  ಪದನ್ನೋತಿ ಪಡೆಯಿನ ಮೆರೆಗ್ ಉಡುಪಿ ತುಳುಕೂಟದ ವತಿಡ್ದ್ ಮಾನಾದಿಗೆ ನಡತುಂಡ್. ಈ ಪೊರ್ತುಡ್ ಕೂಟದ ಗುರ್ಕಾರೆರಾಯಿನ ಇಂದ್ರಾಳಿ ಜಯಕರ ಶೆಟ್ಟಿ, ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು, ಒತ್ತು ಗುರ್ಕಾರೆರಾಯಿನ ಭುವನಪ್ರಸಾದ್ ಹೆಗ್ಡೆ, ಗೌರವ ಸಲಹೆಗಾರೆರಾಯಿನ ವಿಶ್ವನಾಥ ಶೆಣೈ ಪಣವುದ ಪಾಲವೆರಾಯಿನ ಚೈತನ್ಯ ಎಮ್. ಜಿ. ವಿವೇಕಾನಂದ, ಪ್ರಭಾಕರ ಭಂಡಾರಿ, ಉಪಸ್ಥಿತರಿತ್ತೆರ್.