ಕಾಪು ಪರಿಸರೊಡ್ ಎಡ್ಡೆ ಅಂಕೊ ಪಡೆಯಿನ ಜೋಕ್ಲೆಗ್ ಯುವವಾಹಿನಿದ ವತಿಡ್ದ್ ಮಾನಾದಿಗೆ..

ಕಾಪು ಪರಿಸರೊಡ್ ಎಸ್ಎಸ್ಎಲ್ ಸಿ ಬೊಕ್ಕ ಪಿಯುಸಿಡ್ ಎಡ್ಡೆ ಅಂಕೊ ಪಡೆಯಿನ ವಿದ್ಯಾರ್ಥಿಲೆನ್ ಯುವವಾಹಿನಿ‌ ಕಾಪು ಘಟಕದ ವತಿಡ್ದ್ ಕಾಪು ಬಿಲ್ಲವರ ಸಹಾಯಕ ಸಂಘದ ಸಭಾಭವನಡ್ ಮಾನಾದಿಗೆ ಮಲ್ತೆರ್.

ಕಾಪು ಬ್ರಹ್ಮಶ್ರೀ ನಾರಾಯಣ ಗುರು ಮಂದಿರೊಡ್ ಎಸೆಸೆಲ್ಸಿ ಬೊಕ್ಕ ದ್ವಿತೀಯ ಪಿಯುಸಿಡ್ ಶೇಕಡ 90% ಬೊಕ್ಕ ಅವ್ವೆಡ್ ಜಾಸ್ತ ಅಂಕೊ ಪಡೆಯಿನ ವಿದ್ಯಾರ್ಥಿಲೆನ್ ಮಾನಾದಿಗೆ ಮಲ್ತುದ್ ಅಕ್ಲೆಗ್ ಪ್ರತಿಭಾ ಪುರಸ್ಕಾರ ಕೊರ್ಪಿನ ಕಾರ್ಯಕ್ರಮೊಡ್

ಕಾಪು ಯುವವಾಹಿನಿ ಘಟಕದ ಅಧ್ಯಕ್ಷ ಸಚಿನ್ ಉಚ್ಚಿಲ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತೆರ್. ಯುವವಾಹಿನಿ ಕೇಂದ್ರ ಸಮಿತಿದ ಸಂಘಟನಾ ಕಾರ್ಯದರ್ಶಿ ದೀಪಕ್ ಕುಮಾರ್ ಎರ್ಮಾಳು ಅಭಿನಂದನಾ ಭಾಷಣ ಮಲ್ತೆರ್.

ಪತ್ತನೇ ಕ್ಲಾಸ್ ಡ್ ಜಾಸ್ತಿ ಅಂಕೊ ಪಡೆಯಿನ ಪ್ರತಿಭಾವಂತ
ವಿದ್ಯಾರ್ಥಿಲಾಯಿನ ಸ್ನೇಹ ಜೆ. ಎರ್ಮಾಳ್, ಆಶಿಕಾ ಕಾಪು, ನಿಷ್ಮಾ ಆರ್. ಕಾಪು ಬೊಕ್ಕ ಪಿಯುಸಿ ಪರೀಕ್ಷೆಡ್ ಜಾಸ್ತಿ ಅಂಕೊ ಪಡೆಯಿನ ಅಕ್ಷತಾ ಕಾಪು, ಅನುಷ್ಕಾ ಕಾಪು, ಚೇತನ್ ಕಾಪು, ಭಾವಿಕ್ ಕಾಪು, ಸಮೀಕ್ಷಾ ಎರ್ಮಾಳ್ ಮೊಕ್ಲೆನ್ ಮಾನಾದಿಗೆ ಮಲ್ತೆರ್.

ಕಾಪು ಬಿಲ್ಲವರ ಸಹಾಯಕ‌ ಸಂಘದ ಉಪಾಧ್ಯಕ್ಷೆರಾಯಿನ ಮಧು ಪಾಲನ್, ಸಕೇಂದ್ರ ಸುವರ್ಣ, ಐತಪ್ಪ ಕೋಟ್ಯಾನ್, ಪ್ರಧಾನ ಕಾರ್ಯದರ್ಶಿ ವಿಠ್ಠಲ್ ಸಾಲಿಯಾನ್‌, ಯುವವಾಹಿನಿ ಕಾಪು ಘಟಕದ ಉಪಾಧ್ಯಕ್ಷೆರಾಯಿನ ಶಶಿಧರ್ ಸುವರ್ಣ, ಭವಾನಿ ಶೇಖರ್, ಕೋಶಾಧಿಕಾರಿ ಸೂರ್ಯ ನಾರಾಯಣ್ ಮೊಕುಲು ಮಾತಾ ಉಪಸ್ಥಿತರಿತ್ತೆರ್.

ಯುವವಾಹಿನಿ ಕಾಪು ಘಟಕದ ನಿಕಟ ಪೂರ್ವ ಅಧ್ಯಕ್ಷೆ ಸೌಮ್ಯ ರಾಕೇಶ್ ಕಾರ್ಯಕ್ರಮ ನಿರೂಪಣೆ ಮಲ್ತುದ್ , ಸೊಲ್ಮೆ ಸಂದಾಯ್ತ ಮಲ್ತೆರ್.