ತುಳು ಬಾಸೆನ್ 8 ನೇ ಪರಿಚ್ಛೇದ ಗ್ ಸೇರಾವರೆಗ್ ಯಾನ್ ಪ್ರಯತ್ನ ಮಲ್ಪುವೆ.ಈ ಪೊರ್ತು ಐಕ್ ಸರಿಯಾದುಂಡ್ ಪಂಡುದ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆರ್ ತೆರಿಪಾಯೆರ್..ರಾಜ್ಯಸಭೆಕ್ ಆಯ್ಕೆ ಆಯಿನ ಖಾವಂದೆರೆಗ್ ಬೇತೆ ಬೇತೆ ತುಳು ಸಂಘಟನೆದಕುಲು ಒಟ್ಟಾದ್ ಅಭಿನಂದನೆ ಮಲ್ತಿನ ಪೊರ್ತುಡ್ ಈ ಪಾತೆರ ಪಂಡೆರ್.
ಶ್ರೀ ಕ್ಷೇತ್ರ ಧರ್ಮಸ್ಥಳ ದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆರೆಗ್ ಟೈಮ್ಸ್ ಆಫ್ ಕುಡ್ಲ ಪತ್ರಿಕಾ ಕೂಟ, ಜೈ ತುಳುನಾಡ್ ಬೊಕ್ಕ ತುಳುನಾಡ್ ಒಕ್ಕೂಟ ದಕ್ಲೆರ್ದ್ ಗೌರವ ಪೂರ್ಣ ಅಭಿನಂದನೆ ಮಲ್ಪುನ ಲೇಸ್ ಐತಾರ ನಡತ್ಂಡ್.
ಪತ್ರಿಕೆದ ಸಿಬ್ಬಂದಿನಕುಲು, ಜೈ ತುಳುನಾಡ್ ಬೊಕ್ಕ ಪದುಕೆರ್ ಬೊಕ್ಕ ತುಳುವೆರೆ ಪಕ್ಷದ ಪದಾಧಿಕಾರಿಲು ಧರ್ಮಾಧಿಕಾರಿಲೆನ ಬೂಡುಗು ಪೋದು ಫಲಪುಷ್ಪ ಕಾಣಿಕೆ ಬೊಕ್ಕ ನೆಂಪು ಕಾಣಿಕೆ ಕೊರ್ದು ಆಶೀರ್ವಾದ ದೆತೊಂಡೆರ್.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಪದುಕೆರ್, ಆಳುಪ ವಂಶಸ್ಥೆರ್ ಡಾ. ಆಕಾಶ್ ರಾಜ್ ಜೈನ್, ಟೈಮ್ಸ್ ಆಫ್ ಕುಡ್ಲ ಸಂಪೊಲಿಗೆದಾರ್ ಎಸ್.ಆರ್.ಬಂಡಿಮಾರ್, ಒತ್ತು ಸಂಪೊಲಿಗೆದಾರ್ ಯಶೋಧರ ಕೋಟ್ಯಾನ್, ಪ್ರಬಂಧಕೆರ್ ಪವನ್ ರಾಜ್, ಕಚೇರಿ ವ್ಯವಸ್ಥಾಪಕೆರ್ ಭುವನಾ ದಿನೇಶ್, ಲೆಕ್ಕಪತ್ರ ವಿಭಾಗದ ದೀಕ್ಷಿತಾ, ಜೈ ತುಳುನಾಡ್ ದ ಅಧ್ಯಕ್ಷೆರ್ ಅಶ್ವಥ್ ತುಳುವೆ, ಸಂಸ್ಥಾಪನಾ ಸಮಿತಿದ ಕಿರಣ್ ತುಳುವೆ, ಕುಶಲಾಕ್ಷಿ ಕಣ್ವತೀರ್ಥ ಬೊಕ್ಕ ಸದಸ್ಯೆರ್, ತುಳುವೆರೆ ಪಕ್ಷದ ಸ್ಥಾಪಕಾಧ್ಯಕ್ಷೆರ್ ಶೈಲೇಶ್ ಆರ್.ಜೆ ಬೊಲ್ತೇರ್ ಬೊಕ್ಕ ಸದಸ್ಯೆರ್ ಇತ್ತೆರ್
by 