ಕಾಪುಲೆಮ್ಮ ಜನ್ನದೇವಿ…

ಅಪ್ಪೆ ಜನ್ನದೇವಿ ಸಿರಿದುಪ್ಪೆ ಜನ್ನದೇವಿ
ಚೇರ್ಕಾಡಿ ದೊಡ್ಡಮನೆ ಕುಟುಮೊದ ಕೊಡಿ ಈರ್ ಮಹಾದೇವಿ //

ಕಾಪುಲೆಂಕ್ಲೆನ್ ಕರುಣೆದ ಮೂರ್ತಿ
ಒರಿಪುಲೆಂಕ್ಲೆ ಕುಟುಮೊದ ಕೀರ್ತಿ
ಬದ್ಕ್‌ಗೊದಗಾಲೆ ಕಬಿದಿ ಸಂಕಟೊಡ್ದು ಮುಗ್ತಿ//

ಪೂತ ಪೂಜೆ ಒಪ್ಯಾದ್ ಉಂತಿ ಗಳಿಗೆಡ್
ಬತ್ತಿ ಬಙ ಮಾಜಾದ್ ತೆಲಿಕೆ ಕನಪರ್
ಸೋಣಾರತಿ ಬೆಳಗಾದ್ ಸುಗಿತಿ ಪೊರ್ತುಡು
ಬೇನೆ ಬೆಪ್ಪು ಮದಪಾದ್ ಸುಕೊನು ಕೊರುವರ್//

ಒರ್ಸಾದಿಗೀರೆಗ್ ಮಹಾಪೂಜೆ ಗೌಜಿಯೇ
ಅಜ್ಞಾನ ಕಳೆಪಿನಾಡೆಗೀರೆ ತಾದಿ ಬೊಲ್ಪುಯೇ
ಮಾರ್ನೆಮಿಡೀರೆನ ಐಸಿರೊದಾರಾಧನೇ
ಕರ್ಗತ್ತಲೆ ದಿಂಜಿನೆಂಕ್ಲೆಗೀರ್ ಬೊಲ್ಲಿದಾರಗೆ//

ಒರ್ಸೊಗೊರ ಜನ್ನದೇವಿ ಪುದರ್‌ಡಾಪಿ ಕಂಬುಲ
ಬೆನ್ನಿದಿಲ್ಲ ಪರತಿರಿನ್ ಒರಿಪಿನಿರೆನ ಇಂಬುಲ
ದಡ್ದ್ ಕಟ್ಟಿ ಬದ್ಕ್‌ಗ್ ಅಮೃತೊದ ಪರಿಪು
ಒಡ್ಡದುಂತಿ ಕೈಕ್‌ಲೆಗ್ ಅಭಯೊದ ಮದಿಪು//

-ಶ್ರೀಶಾವಾಸವಿ ತುಳುನಾಡ್