ಸಿಂಧು ಗುಜರನ್ ಗ್ ಪಾಡ್ದನ ಪುರಸ್ಕಾರ.

ಶ್ರೀಮತಿ ಕೊಲ್ಲು ಕೃಷ್ಣ ಶೆಟ್ಟಿ ಪೌಂಡೇಶನ್ (ರಿ.), ದೆಂದೂರು ಉಡುಪಿ ಪಾಡ್ಡನ ಪುರಸ್ಕಾರ ಬೊಕ್ಕ ಬನ್ನಂಜೆ ಕಲ್ಕುಡ ಬೂಕ್ ಲೋಕರ್ಪಣೆ ದ ಲೇಸ್ ಉಡುಪಿ ಬ್ರಹ್ಮಗಿರಿತ್ತ ಪ್ರಧಾನ್ ಹೋಟೇಲ್ ದ ಸಭಾಂಗಣಡ್ ನಡತುಂಡ್.ಕರ್ನಾಟಕ ರಾಜ್ಯೋತ್ಸವ ಪುರಸ್ಕೃತೆ ಮುಲ್ಕಿದ ಪಾಡ್ದನ ಕಲಾವಿದೆ ಅತಿಕಾರಿ ಬೊಟ್ಟು ಸಿಂಧು ಗುಜರನ್ ಮೆರೆಗ್ 10000 ಪಣವುದೊಟ್ಟುಗ್ ಪಾಡ್ದನ ಪುರಸ್ಕಾರ ಕೊರ್ದು ಮಾನಾದಿಗೆ ಮಲ್ತೆರ್.ಕರಿನ 5  ವರ್ಷಡಿಂಚಿ ತನ್ನ ಅಪ್ಪೆನ ಪುದರುಡ್ ಪಾಡ್ದನ ಪುರಸ್ಕಾರ ಕೊರೊಂದುಪ್ಪುನ ಶ್ರೀ ದಯೋನಂದ ಶೆಟ್ಟಿ ಕುಟುಂಬದಕುಲು ಶ್ರೀ ಚೇತನ್ ಶೆಟ್ಟಿ ಮಾಲೀಕತ್ವದ ಬ್ರಹ್ಮಗಿರಿತ್ತ ಪ್ರಧಾನ್ ಹೋಟೇಲ್ ದ ಸಭಾಂಗಣಡ್ ಆಯೋಜನೆ ಮಲ್ದಿನ ಈ ಕಜ್ಜೊಡ್ ತುಳುಕೂಟ ಉಡುಪಿದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೇರ್ ಗುರ್ಕಾರ್ಮೆಡಿತ್ತುದ್ ಕಜ್ಜೊನ್ ಪೊರ್ಲುಡ್ ನಡಪಾದ್ ಕೊರಿಯೆರು.ಮಲ್ಲ ಬಿನ್ಧೆರಾದಿತ್ತಿನ ಉಡುಪಿದ ಖ್ಯಾತ ವಕೀಲೆರಾಯಿನ ಶ್ರೀ ಶಾಂತಾರಾಮ ಶೆಟ್ಟಿ ಕಜ್ಜೊನ್ ಉದಿಪನ ಮಲ್ತುದ್ ಪಾತೆರ್ದ್ ಪಾಡ್ದನ ದೈವಾರಾಧನೆದ ಅಡಿಪಾಯ.ದೈವೊಲು ಎಂಚ ಉಂಡಾತುಂಡ್ ಪಂಡುದ್ ತೆರಿಯೊನಾಂಡ ಅವ್ವ್ ಪಾಡ್ದನೊಡ್ ತೆರಿಯೊನೊಡ್.ಇತ್ತೆ ವಿನಾಶದ ಅಂಚಿಡುಪ್ಪುನ ಪಾಡ್ದನೊನ್ ಒರಿಪಾವರೆಗ್ ತುಳುವೆರ್ ಪ್ರಯತ್ನ ಮಲ್ಪೊಡ್ ಪಂಡೆರ್.

ವೇದಿಕೆಡ್  ಹೃದಯಂ ಫೌಂಡೇಶನ್ ದ ಶ್ರೀ ಸುಭಾಷ್ ಸಾಲಿಯಾನ್,ಜಯಂಟ್ ದಿನಕರ್  ಅಮೀನ್,ಚೇತನ್ ಕುಮಾರ್ ಶೆಟ್ಟಿ,ದೀಪ ಚೇತನ್ ಶೆಟ್ಟಿ, ಗುಣವತಿ ದಯಾನಂದ ಶೆಟ್ಟಿ ಉಪಸ್ಥಿತರಿತ್ತೆರು.. ಶ್ರೀ ದಯಾನಂದ ಶೆಟ್ಟಿ ಬತ್ತಿನ ಬಿನ್ನೆರೆನ್ ಎದ್ಕೊಂಡೆರು.. ಪತ್ರಕರ್ತೆರಾಯಿನ ಶ್ರೀ ಪ್ರಕಾಶ್ ಸುವರ್ಣ ಕಟಪಾಡಿ ಕಜ್ಜೊದ ನಿರೂಪಣೆ ಮಲ್ತೆರು.