‘ಮಲಬಾರ್ ವಿಶ್ವರಂಗ ಪುರಸ್ಕಾರಗ್ ಐನ್ ಜನ ಪೆರಿಯ ರಂಗಕರ್ಮಿಲು ಆಯ್ಕೆ..

ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ (ರಿ) ಉಡುಪಿ ಬೊಕ್ಕ ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ಸ್ ವತಿಡ್ದ್ ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ತಾಲೂಕು ಘಟಕದ ಸಹಕಾರಡ್ ಪ್ರಧಾನ ಮಲ್ಪುನ ಮಲಬಾರ್ ವಿಶ್ವರಂಗ ಪುರಸ್ಕಾರ 2022ಗ್ ‘ ರಾಜ್ಯ ಬೊಕ್ಕ ಪರರಾಜ್ಯದ ಐನ್ ಜನ ಪೆರಿಯ ರಂಗಕರ್ಮಿಲು ಆಯ್ಕೆಯಾತೆರ್.

ಕುಂದಾಪುರದ ಡಾ. ಪಾರ್ವತಿ ಜಿ. ಐತಾಳ (ನಾಟಕಕಾರೆರು ಬೊಕ್ಕ ವಿಮರ್ಶಕೆರು), ಮುಂಬೈದ ಡಾ| ಭರತ್ ಕುಮಾರ್ ಪೊಲಿಪು (ನಟೆ ಬೊಕ್ಕ ನಿರ್ದೇಶಕೆರು ಪರ ರಾಜ್ಯ), ಉಡುಪಿದ ಬಿ. ಪ್ರಭಾಕರ್ ಭಂಡಾರಿ (ಸಂಘಟಕೆರು ತುಳುರಂಗಭೂಮಿ) ಮಂಗಳೂರುದ ಅರೆಹೊಳೆ ಸದಾಶಿವ ರಾವ್ (ಸಂಘಟಕೆರು ಕನ್ನಡ ರಂಗಭೂಮಿ), ಹಾವೇರಿದ ಶಂಕರ ಶಿವಪ್ಪ ತುಮ್ಮಣ್ಣನವರ (ನಟ ) ಮೊಕ್ಲೆಗ್ ಮಾರ್ಚ್ 27ತಾರೀಕುದಾನಿ ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ಸ್ ಉಡುಪಿ ಶಾಖೆಡ್ ನಡಪುನ ವಿಶ್ವರಂಗಭೂಮಿ ದಿನಾಚರಣೆದ ಸಂದರ್ಭಡ್ ಪ್ರಶಸ್ತಿ ಪತ್ರ, ಫಲಕ ಬೊಕ್ಕ ಬೊಳ್ಳಿ ಪದಕದೊಟ್ಟುಗ್ ‘ಮಲಬಾರ್ ವಿಶ್ವರಂಗ ಪುರಸ್ಕಾರ’ ಪ್ರಧಾನ ಮಲ್ಪರೆಗುಲ್ಲೆರ್.