ತುಳು ಮಿನದನ- 2022

ತುಳುಕೂಟ ಉಡುಪಿ, ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳು ಅಧ್ಯಯನ ಪೀಠ, ಮಂಗಳೂರು ವಿಶ್ವವಿದ್ಯಾನಿಲಯ
ಬೊಕ್ಕ
ಎಂಪಿಎಂ ಸರಕಾರಿ ಪ್ರಥಮ ದರ್ಜೆ ಕಾಲೇಜು ಕಾರ್ಕಳ ಮೊಕ್ಲೆನ ಒತ್ತುಸೇರಿಗೆಡ್ ನಡಪುನ ತುಳುಮಿನದನ ಕಜ್ಜೊ ಎಂಪಿಎಂ ಸರಕಾರಿ ಪ್ರಥಮದರ್ಜೆ ಕಾಲೇಜ್ ಕಾರ್ಕಳಡ್ ಮಾರ್ಚ್ 8 ತಾರೀಕುದಾನಿ ನಡಪರೆಗುಂಡ್.

ಆನಿ ಕಾಂಡೆ 9 ಗಂಟೆಡ್ದ್ 1 ಗಂಟೆಮುಟ್ಟ ನಡಪುನ ತುಳುಪಂತೊಲೆಡ್ ಕಾಲೇಜ್ ದ ಜೋಕ್ಲೆಗ್ ಪಾಲ್ ಪಡೆಯರೆಗ್ ಅವಕಾಶ ಉಂಡು.
ಮಂಗಳೂರು ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿಲೆನ ಸಮಾಗಮಡ್ ನಡಪುನ ತುಳು ಕಾರ್ಯಕ್ರಮಡ್ ತುಳುಕೂಟದಕುಲ್ ಮೋಕೆಡ್ ಎದ್ಕೊನೊಂದೆರ್. ಬಲೆ ವಿದ್ಯಾರ್ಥಿಲೇ ತುಳು ಪಂತೊಲೆಡ್ ಪಾಲ್ ಪಡೆದ್ ಇನಾಮು ಗೆಂದುಲೆ.
ಪಂತೊದ ಮಾಯಿತಿ ಇಂಚ ಉಂಡು.

1. ತುಳು ಕಬಿತೆ ಬರೆಲೆ.
   -ಒಂಜಿ ಕಾಲೇಜಿಡ್ದ್ ರಡ್ಡ್ ವಿದ್ಯಾರ್ಥಿಲೆಗ್ ಅವಕಾಶ.ಉಂದು ವೈಯಕ್ತಿಕ ಪಂತೊ.12 ಸಾಲುದ ಸ್ವಂತ ಕಬಿತೆ ಆದುಪ್ಪೊಡ್.ತಯಾರಾದ್ ಬತ್ತುದ್ ಅಲ್ಪನೇ ಪತ್ತು ನಿಮಿಷಡ್ ಕಬಿತೆ ಬರೆದ್ ಕೊರೊಡು.ವಿಷಯ ನಿಕಲ್ನ ಆಯ್ಕೆದವ್ವ್.

2.ತುಳು ಪನಿ ಕಥೆ ಬರೆಲೆ.
-150 ಶಬ್ದೊಲೆನ ಮಿತಿ ಉಪ್ಪಡ್.
-ತುಳು ಸಂಸ್ಕೃತಿನ್ ಪ್ರತಿಬಿಂಬಿಸಾವೊಡ್.
-ತಯಾರಾದ್ ಬಲೆ. ಪೆನ್ನು ಕನಲೆ. ಜಾಗೆಡ್ 30 ನಿಮಿಷಡ್ ಬರೆದು ಕೊರೊಡ್.
-ತುಳುತ್ತ ಶೈಲಿ ಕಥೆಕ್ ಅಂಕ ಜಾಸ್ತಿ ತಿಕ್ಕುಂಡ್.
-ಒಂಜಿ ಕಾಲೇಜಿಡ್ದ್ ರಡ್ಡ್ ಸ್ಪರ್ಧಿಲು ಬರೊಲಿ. ಉಂದು ವೈಯಕ್ತಿಕ ಪಂತೊ.

3. ಶಬ್ದಚಿತ್ರ ಕೊರ್ಲೆ.
   -ನಿಕಲ್ನ ಮೆಚ್ಚುಗೆದ ಜಾಗೆನ್ ಆಯ್ಕೆಮಲ್ತೊನ್ಲೆ. ಅವ್ವೆನ್ ಇರೆನ ತುಳು ಭಾಷೆಡ್ ಪೊರ್ಲು ಮಲ್ತುದ್ ಸಭೆತ್ತ ಎದುರು ವಿವರಣೆ ಕೊರೊಡ್. ಒಂಜಿ ಕಾಲೇಜಿಡ್ದ್ ಮೂಜಿ ಜನ ಒಂಜಿ ತಂಡವಾದ್ ಪಾಲ್ ಪಡೆಯೊಲಿ. ನಿಕುಲ್ ಜಾಗೆದ ಬಗ್ಗೆ ಕೊರ್ಪಿನ ವಿವರೊಲ್ ಕೇನುನಕ್ಲೆನ ಮನಸ್ಸುಗ್ ಆ ಜಾಗೆದ ಚಿತ್ರ ಮೂಡ್ದ್ ಬರ್ಪಿಲೆಕ್ಕ ಉಪ್ಪೊಡ್.. ತುಳು ಭಾಷೆದ ಶೈಲಿ ಅಯಿತ್ತ ನಿರೂಪಣೆ ಬೊಕ್ಕ ನಿರರ್ಗಳತೆಗ್ ಅಂಕ ಕೊರ್ಪುಂಡ್.
   -ಒಂಜಿ ತಂಡೊಗ್ ಮೂಜಿ ನಿಮಿಷದ ಅವಕಾಶ.
4. ಪೊಟ್ಟ ಭಾಸೆನ್ ಪಕ್ಕ ತೆರಿಲೆ.(Dumb Sharads)
   -ತುಳುಟುಪ್ಪುನ ವಾಕ್ಯೊನ್ ಮೂಕ ಭಾಷೆಡ್ ಅಭಿನಯ ಮಲ್ಪೊಡ್. ಒಟ್ಟುದಕುಲು ವಾಕ್ಯೊನ್ ಗುರ್ತ ಮಲ್ಪೊಡ್.
   -ಮೂಜಿ ಜನತ್ತ ಒಂಜಿ ತಂಡ
   -ವಿಷಯ ಸಂಘಟಕೆರು ಕೊರ್ಪೆರ್.
   ಬೇಗ ಜವಾಬು ಕೊರಿನಕುಲು ವಿಜೇತೆರು.
5. ಅಜ್ಜಿ ಕಥೆ ಪನ್ಲೆ:
   -ಪಾರಂಪರಿಕ ಶೈಲಿದ ತುಳು ಕಥೆನ್ ಅಜ್ಜಿ ಪನ್ಪಿಲೆಕ್ಕ ಪನೊಡ್.
   -ರಡ್ಡ್ ಜನ ಕೇನುನಕುಲ್ ಪಾಲ್ ಪಡೆಯೊಲಿ.
   -ಒಂಜಿ ಕಾಲೇಜಿಡ್ದ್ ಒಂಜಿ ತಂಡ ಮಾತ್ರ.
   -ಅಭಿನಯಗ್ ಅವಕಾಶ ಉಂಡು.
6. ಸೇಬಿ ಸವಾಲ್ ( ರಸಪ್ರಶ್ನೆ)
   -ಒಂಜಿ ತಂಡೊಡ್ ಕಾಲೇಜಿಡ್ದ್ ಬತ್ತಿನ 10 ಜನತ್ತ ತಂಡ ಪಾಲ್ ಪಡೆಯೊಲಿ. ಅಕಲ್ನೊಟ್ಟುಗ್ ಉಪನ್ಯಾಸಕರೂ ಸೇರೊನೊಲಿ.
   -ಲಿಖಿತ 30 ಪ್ರಶ್ನೆ ಕೇನುವೆರ್.
   ಉತ್ತರೊನ್ 20 ನಿಮಿಷಡ್ ಬರೆದು ಕೊರೊಡು. ಫೋನ್ ಮುಖೇನ ಉತ್ತರ ತೆರಿಯೊನರೆಗ್ ಅವಕಾಶ ಉಂಡು.

ನೆಂಪುಡುಪ್ಪಡ್, 8 ಮಾರ್ಚ್ 2022 ದಾನಿ ಎಂಪಿಎಂ ಸರಕಾರಿ ಪದವಿ ಕಾಲೇಜು ಕಾರ್ಕಳ ಮುಲ್ಪ ನಿಕಲ್ನ ತಂಡ ಹಾಜರಿಪ್ಪೊಡ್. ಮಾತಾ ಪಂತೊಲೆಡ್ ಒಟ್ಟು ಒಂಜಿ ಕಾಲೇಜಿಡ್ದ್ 10 ಜನಕ್ ಅವಕಾಶ ಮಾತ್ರ.ಪೊರ್ತುಗ್ ಸರಿಯಾದ್ (ಕಾಂಡೆ 9.15 ಡ್ದ್ )ದಯದೀದ್ ಹಾಜರಿಪ್ಪೊಡ್. ತುಳು ಭಾಷೆ ಸಂಸ್ಕೃತಿದ ಬಗ್ಗೆ ಅರಿವು ಮೂಡಿಸಾವುನ ಈ ಕಜ್ಜೊಡ್ ನಿಕಲ್ನ ಕಾಲೇಜು ತಪ್ಪಂದೇ ಪಾಲ್ ಪಡೆಲೆ ಪಂಡುದ್ ಬಿನ್ನಪು.
ಪ್ರತಿ ವಿಭಾಗಡ್ ಸುರುತ್ತ, ರಡ್ಡನೇ,ಮೂಜನೇ ಇನಾಮು ಉಂಡು.
ಜಾಸ್ತಿ ಅಂಕ ಪಡೆಯಿನ ಕಾಲೇಜಿಗ್ ಶ್ರೀಮತಿ ಸುಮನಾ ಮಾಧವ ಶೆಟ್ಟಿ ಕುಕ್ಕೆಹಳ್ಳಿ ಚಾಂಪಿಯನ್ಶಿಪ್ ವಿಶೇಷ ಫಲಕ ಕೊರ್ಪುಂಡ್.
-ಸಂಘಟಕರು.

–