ಶಾಲೆ ಕಾಲೇಜಿಡ್ ಜೋಕುಲು ಅಂಕ ದೆಪ್ಪುನವ್ವೇ ಮಲ್ಲ ಸಾಧನೆ ಅತ್ತ್ , ಪಠ್ಯೇತರ ಚಟುವಟಿಕೆಲೆಡ್ ಪಾಲ್ ಪಡೆದ್ ನಮ್ಮ ಸಂಸ್ಕೃತಿ ಸಂಪ್ರದಾಯೊಲೆನ್ ಒರಿಪಾವುನ ಬೇಲೆ ಮಲ್ಪೊಡ್ ಪಂಡುದು ತುಳುಕೂಟ ಉಡುಪಿದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಪಂಡೆರ್.ಆರ್ ಇನಿ ಎಮ್.ಜಿ.ಎಮ್.ಕಾಲೇಜಿದ ಮುದ್ದಣ ಮಂಟಪ ಡ್ ತುಳುಕೂಟ ಉಡುಪಿ,ಎಮ್.ಜಿ.ಎಮ್. ಕಾಲೇಜಿದ ತುಳು ಸಂಘದ ಒತ್ತು ಸೇರಿಗೆ ಡ್ ನಡತಿನ ತುಳು ಐಸಿರಿ ಕಜ್ಜೊನ್ ಉದಿಪನೆ ಮಲ್ತುದ್ ಪಾತೆರಿಯೆರ್.ಬದುಕ್ ಕಟ್ಟೊನಾಂಡ ಬೇತೆ ಊರುಗ್ ಪೋಯಿನಲ್ಪ ಬೇತೆ ಬೇತೆ ಭಾಷೆಲೆನ್ ಕಲ್ತುದ್ ಪಾತೆರೊಡಾಪುಂಡ್.ಆಂಡ ನಮ ತುಳುವೆರಾದ್ ತುಳು ಸಂಸ್ಕೃತಿ ಸಂಪ್ರದಾಯೊಲೆನ್ ಒರಿಪಾವೊಡ್ ಪಂಡೆರ್.
ವೇದಿಕೆ ಡ್ ಮಲ್ಲ ಬಿನ್ನೆರಾದಿತ್ತಿನ ಉಜ್ವಲ್ ಡೆವಲಪರ್ಸ್ ದ ಅಜಯ್ ಪಿ.ಶೆಟ್ಟಿ ಪಾತೆರ್ದ್ ತುಳು ಕಜ್ಜೊನ್ ಶಾಲೆ ಕಾಲೇಜಿಡ್ ಆಚರಣೆ ಮಲ್ತುಂಡ ಮೂಲಕ ನಮ್ಮ ಸಂಸ್ಕೃತಿನ್ ದುಂಬು ದ ಪೀಳಿಗೆಗ್ ತುಳುನಾಡುದ ಪರಿಚಯ ಮಲ್ಪುನ ತೆರಿಪಾವುನ ಬೇಲೆ ಆಪುಂಡ್ ಪಂಡೆರು.
ವೇದಿಕೆ ಡ್ ತುಳು ಸಿನಿಮಾ ರಂಗದ ನಟೆ ನಿರ್ದೇಶಕೆರಾಯಿನ ರಾಹುಲ್ ಅಮೀನ್ ಉಪಸ್ಥಿತರಿತ್ತುದ್ ಕಜ್ಜೊಗ್ ಎಡ್ಡೆಪ್ಪು ಬಯಕಿಯೆರ್.
ಎಮ್.ಜಿ.ಎಮ್.ಕಾಲೇಜಿದ ಪ್ರಾಂಶುಪಾಲೆರಾಯಿನ ಶ್ರೀಮತಿ ವನಿತಾ ಮಯ್ಯ ಮೇರ್ ಗುರ್ಕಾರ್ಮೆಡಿತ್ತುದ್,ಗುರ್ಕಾರ್ಮೆದ ಪಾತೆರೊಡ್ ಕಜ್ಜೊಗ್ ತುಳುಟೇ ಎಡ್ಡೆಪ್ಪು ಬಯಕುದ್ ಜೋಕ್ಲೆನ ಉಡಲ್ ಗೆಂದಿಯೆರ್.ವೇದಿಕೆಡ್ ಪದವಿ ಪೂರ್ವ ಕಾಲೇಜಿದ ಪ್ರಾಂಶುಪಾಲೆ ಶ್ರೀಮತಿ ಮಾಲತಿ ದೇವಿ, ಉಪಪ್ರಾಂಶುಪಾಲೆರಾಯಿನ ಡಾ.ವಿಶ್ವನಾಥ ಪೈ,ಕೌಶಾಲಾಭಿವ್ರದ್ಧಿ ದ ರಂಗ ಪೈ ಮೊಕುಲು ಉಪಸ್ಥಿತರಿತ್ತೆರು.ತುಳುಸಂಘದ ಸಂಚಾಲಕೆರಾಯಿನ ಪು.ತಿ.ವಸಂತ್ ಕುಮಾರ್ ಪ್ರಾಸ್ತಾವಿಕ ದೊಟ್ಟುಗ್ ಮಾತಾ ಬಿನ್ನೆರೆನ್ ಮೋಕೆಡ್ ಎದ್ಕೊಂಡೆರ್.ತುಳು ಸಂಘದ ಕಾರ್ಯಂತೆರಾಯಿನ ಶಿಫಾಲಿ ಬೆಲ್ಚಡ ಸೊಲ್ಮೆ ಸಂದಾಯ್ತ ಮಲ್ತೆರ್.ಶ್ರೀ ಸುಚಿತ್ ಕೋಟ್ಯಾನ್ ಕಜ್ಜೊದ ನಿರೂಪಣೆ ಮಲ್ತೆರು.
by 