ಸಿ.ಎ.ಕಡೆತ್ತ ಪರೀಕ್ಷೆಡ್ ಸುರುತ್ತ ಪ್ರಯತ್ನೊಡೇ ಪಾಸಾಯಿನ ಪ್ರಥಮ ಎಸ್.ಸಾಲ್ಯಾನ್

ಉಡುಪಿ ತೊಟ್ಟಂದ ಶ್ರೀಮತಿ ಜಯಂತಿ ಬೊಕ್ಕ ಶ್ರೀ ಸುಂದರ್ ಪಿ.ಸಾಲ್ಯಾನ್ ದಂಪತಿಲೆನ ಮಗಲಾಯಿನ ಪ್ರಥಮ ಎಸ್.ಸಾಲ್ಯಾನ್ ಮೇರ್ ಸಿ.ಎ.(ಚಾರ್ಟೆಡ್ ಅಕೌಂಟೆಟ್) ಪರೀಕ್ಷೆಡ್ ಸುರುತ್ತ ಪ್ರಯತ್ನೊಡೇ ಪಾಸಾತೆರ್.

ಪ್ರಥಮ ಮೇರ್ 10ನೇ ಕ್ಲಾಸ್ ಡ್ 91.84% ,12ನೇ ಕ್ಲಾಸ್ ಡ್ 98.67% ,ಬಿ.ಕಾಮ್.ಡ್ 93.72% ಅಂಕೊಲೆನ್ ಪಡೆತುದೆರ್.ಈ ಸರ್ತಿಲಾ ಸಿ.ಎ.ದ ಸುರುತ್ತ ಪ್ರಯತ್ನೊಡೇ ಪಾಸಾದ್ ಊರುಗೇ ಕೀರ್ತಿ ಕನದೆರ್.

ಮೆರೆನ ಸಾಧನೆ ಬಾಕಿದ ಜೋಕುಲೆಗ್ ಸ್ಫೂರ್ತಿ ಆತುಂಡ್..ದೇವೆರ್ ಮೆರೆಗ್ ಪೊರ್ಲುದ ಬದುಕುನ್ ಕೊರಡ್ ಪಂಡುದ್ ಎಡ್ಡೆಪ್ಪುನ್ ಬಯಕುಗ.