ತನುಶ್ರೀ ಪಿತ್ರೋಡಿನ 9 ನೇ ದಾಖಲೆ ಯಶಸ್ವಿ.

ಉಡುಪಿದ ಯೋಗಬಾಲೆ ತನುಶ್ರೀ ಪಿತ್ರೋಡಿ ಎಲ್ಯ ಪ್ರಾಯೊಡೇ ಯೋಗಾಸನದ ಮೂಲಕ ಅಮೋಘ ಸಾಧನೆ ಮಲ್ತುದೊಲು..6 ಗೋಲ್ಡನ್ ಬುಕ್ ಆಫ್ ರೆಕಾರ್ಡ್ ಬೊಕ್ಕ 2 ಗಿನ್ನಿಸ್ ದಾಖಲೆ ಮಲ್ತುದ್ ಇತ್ತೆನೇ ತುಳುನಾಡುಗ್ ಕೀರ್ತಿ ಕನದೆರ್..ಈ ಸರ್ತಿ ವಿಶೇಷವಾದ್ 1 ನಿಮಿಷಡ್ 53 ಮೋಸ್ಟ್ ಬ್ಯಾಕ್ ವರ್ಡ್ಸ್ ಬಾಡಿ ಸ್ಕಿಪ್ ಮಲ್ತುದ್ ತಮಿಳುನಾಡುದ ಶಕ್ತಿ ಮೆರೆನ ದಾಖಲೆನ್ ಬ್ರೇಕ್ ಮಲ್ದೊಲು..

ಉಡುಪಿದ ಸೈಂಟ್ ಸಿಸಿಲಿ ಅಡಿಟೋರಿಯಮ್ ಡ್ ಜುಲೈ 21 ತಾರೀಕುದಾನಿ ಈ ದಾಖಲೆನ್ ತನುಶ್ರೀ ಮಲ್ದೆರ್..ಈ ಪೊರ್ತುಡ್ ಬಡಗಬೆಟ್ಟು ಕೋ ಆಪರೇಟಿವ್ ಸೊಸೈಟಿದ ವ್ಯವಸ್ಥಾಪಕೆರಾಯಿನ ಬಿ‌ಜಯಕರ ಶೆಟ್ಟಿ ಇಂದ್ರಾಳಿ,ನಗರಸಭೆತ್ತ ಸದಸ್ಯೆ ರಶ್ಮಿ ಭಟ್,ತನುಶ್ರೀ ನ ಗುರು ರಾಮಕ್ರಷ್ಣ ಕೊಡಂಚ,ಶಾಲೆದ ಮುಖ್ಯ ಶಿಕ್ಷಕಿ ವಿಭಾ, ಪ್ರೀತಿ, ತನುಶ್ರೀನ ಪೊಪ್ಪ ಉದಯ್ ಕುಮಾರ್,ಅಮ್ಮ ಸಂಧ್ಯಾ, ಮೆಗ್ದಿ ರಿತುಶ್ರೀ ಉಪಸ್ಥಿತರಿತ್ತೆರ್.