ಆಟಿಡೊಂಜಿ ದಿನ

ಸ್ಥಳೀಯ ಆಹಾರ ಸಂಸ್ಕೃತಿಗ್  ಪ್ರೋತ್ಸಾಹ ಕೊರಿನ ರಿಲೈನ್ಸ್ ಸ್ಮಾರ್ಟ್ ಬಜಾರ್: ಜನಾರ್ದನ್ ಕೊಡವೂರು

ಉಡುಪಿ, ಆ. 6: ಸ್ಥಳೀಯ ಆಹಾರ ಸಂಸ್ಕೃತಿನ್ ಒರಿಪಾದ್ ಬುಲೆಪಾವುನ ಉದ್ದೇಶಡ್  ರಿಲೈನ್ಸ್ ಸ್ಮಾರ್ಟ್ ಬಜಾರ್ ವತಿಡ್ದ್  ಆಯೋಜನೆ ಮಲ್ದಿನ’ಆಟಿಡೊಂಜಿ ದಿನ’ ಕಾರ್ಯಕ್ರಮ ಶ್ಲಾಘನೀಯ  ಪಂಡುದು ಪತ್ರಕರ್ತ ಜನಾರ್ದನ್ ಕೊಡವೂರು ಪಂಡೆರ್.

ಗುರುವಾರ ಉಡುಪಿದ ರಿಲೈನ್ಸ್ ಸ್ಮಾರ್ಟ್ ಬಜಾರ್‌ ಡ್  ನಡತಿನ ಆಟಿಡೊಂಜಿ ದಿನತ್ತ  ಕಜ್ಜೊಡ್  ಮಲ್ಲ ಬಿನ್ನೆರಾದ್ ಪಾತೆರಿನ ಆರು, ನಗರ ಕೇಂದ್ರಿತ ವಾಣಿಜ್ಯ ಸಂಸ್ಥೆಯೊಂಜಿ ತುಳುನಾಡುದ ಸಾಂಪ್ರದಾಯಿಕ ಆಚರಣೆಗ್ ಆದ್ಯತೆ ಕೊರೊಂದುಪ್ಪುನ ಖುಷಿತ್ತ  ಸಂಗತಿ ಪಂಡೆರು.

ಒಂಜೇ  ಸೂರುಧಡಿಟ್  ಸ್ಥಳೀಯ 43 ಬಗೆತ್ತ ಸಾಂಪ್ರದಾಯಿಕ ತಿಂಡಿ-ತೆನಸುಲೆಗ್ ಅವಕಾಶ ಕಲ್ಪಿಸಾದಿನ ವಿಶೇಷ. ಅತ್ತಾವಂದೆ ಕಾರ್ಯಕ್ರಮಡ್ ಪಾಲ್ ಪಡೆಯಿನ ಮಾತಾ  ಸ್ಪರ್ಧಿಲೆಗ್  ಸ್ಮರಣಿಕೆ ಬೊಕ್ಕ ಇನಾಮು ಕೊರ್ದು ಮಹಿಳೆಯೆರೆನ  ಪ್ರತಿಭೆ ಅನಾವರಣಗ್  ಎಡ್ಡೆ  ವೇದಿಕೆ ಒದಗಿಸಾದಿನ  ಪ್ರಶಂಸನೀಯ ಕಾರ್ಯ ಪಂಡುದು  ಪಂಡೆರು.

ಕಾರ್ಯಕ್ರಮಡ್  ತೀರ್ಪುಗಾರೆರಾದ್  ರಂಜನಿ ವಸಂತ್ ಬೊಕ್ಕ ಸಹನಾ ಬಲ್ಲಾಳ್ ಸಹಕಾರ ಮಲ್ತೆರು. ರಿಲೈನ್ಸ್ ಸ್ಮಾರ್ಟ್ ಬಜಾರ್ ಮುಖ್ಯಸ್ಥ ರಾಘವೇಂದ್ರ ಪ್ರಾಸ್ತಾವಿಕವಾದ್ ಪಾತೆರ್ದ್  ಬಿನ್ನೆರೆನ್  ಸ್ವಾಗತ ಮಲ್ತುದ್, ಅಗೋಸ್ಟ್ 12 ಡ್ದ್  16ಮುಟ್ಟ “ಫುಲ್ ಪೈಸಾ ವಸೂಲ್ ಸೇಲ್ ” ಪ್ರಾರಂಭ ಆಪುಂಡ್. ಪಂಡೆರು. ಜ್ಯೋತಿ ಶೇಟ್ ಕಾರ್ಯಕ್ರಮ ನಿರೂಪಣೆ ಮಲ್ತುದ್ ವಂದಿಸಾಯೆರ್..