ಫೋರ್ಥ್ ಫೋಕಸ್

*ಉದ್ಯಮ ಕೇಂದ್ರೀಕೃತ ತಂತ್ರಜ್ಞಾನ ಕಲಿಕೆಗ್  ಶ್ರೀ ಗುರು ಸುಧೀಂದ್ರ ಕಾಲೇಜಿದೊಟ್ಟುಗ್  ಫೋರ್ಥ್‌ಫೋಕಸ್ ಒಪ್ಪಂದ*

ಭಟ್ಕಳ, ಕರ್ನಾಟಕ, ಆಗಸ್ಟ್ 25, 2026: ಅರ್ಹ ಬಿಸಿಎ ವಿದ್ಯಾರ್ಥಿಲೆಗ್ ಉದ್ಯಮ ಕೇಂದ್ರೀಕೃತ ತಂತ್ರಜ್ಞಾನ ಕಲಿಕಾ ಕಾರ್ಯಕ್ರಮೊನ್  ಒದಗಿಸಾವುನ ಉದ್ದೇಶಡ್ ಫೋರ್ಥ್‌ಫೋಕಸ್, ಭಟ್ಕಳದ ಶ್ರೀ ಗುರು ಸುಧೀಂದ್ರ ಕಾಲೇಜಿದೊಟ್ಟುಗ್  ಪರಸ್ಪರ ತಿಳುವಳಿಕೆ ಒಪ್ಪಂದಗ್ ಸಹಿ ಪಾಡುದುಂಡ್.. ಈ ಕಾರ್ಯಕ್ರಮನ್ ಫೋರ್ಥ್‌ಫೋಕಸ್ ಕಲಿಕಾ ಉಪಕ್ರಮದ ಮೂಲಕ ಜಾರಿಗೆ ಕನಪುಂಡ್.

ಫೋರ್ಥ್‌ಫೋಕಸ್‌ ದ ಸಂಸ್ಥಾಪಕ ಬೊಕ್ಕ ನಿರ್ದೇಶಕ ವಿ. ಗೌತಮ್ ನಾವಡ ಬೊಕ್ಕ ಶ್ರೀ ಗುರು ಸುಧೀಂದ್ರ ಕಾಲೇಜಿದ ಪ್ರಾಂಶುಪಾಲೆರಾಯಿನ  ಶ್ರೀ ಶ್ರೀನಾಥ್ ಪೈ ಮೇರು ಒಪ್ಪಂದಗ್ ಸಹಿ ಪಾಡಿಯೆರು.

ಈ ಸಂದರ್ಭಡ್  ಶ್ರೀ ಗುರು ಸುಧೀಂದ್ರ ಕಾಲೇಜಿದ ಉಪಪ್ರಾಂಶುಪಾಲೆರಾಯಿನ  ಶ್ರೀ ವಿಖ್ಯಾತ್ ಪ್ರಭು, ಫೋರ್ಥ್‌ಫೋಕಸ್‌ ದ ಕಾರ್ಯಾಚರಣೆ ವ್ಯವಸ್ಥಾಪಕಿ ಕುಮಾರಿ ಚಂದನಾ ಜಿ.ಎಂ. ಬೊಕ್ಕ ಸಾಮಾಜಿಕ ಮಾಧ್ಯಮ ವ್ಯವಸ್ಥಾಪಕಿ ಕುಮಾರಿ ವಿಜಯಲಕ್ಷ್ಮಿ ಉಪಸ್ಥಿತರಿತ್ತೆರು.

ಈ ಸಹಯೋಗದಡಿ ಕಾಲೇಜು ಅನುಮೋದಿತ ಬಿಸಿಎ ವಿದ್ಯಾರ್ಥಿಲೆಗಾದ್  ಉದ್ಯಮ ಬೊಕ್ಕ ಶೈಕ್ಷಣಿಕ ಕ್ಷೇತ್ರಲೆನ ನಡುಟ್ ತಾಂತ್ರಿಕ ಕೌಶಲ್ಯಾಭಿವೃದ್ಧಿ ಕಾರ್ಯಕ್ರಮನ್  ಜಾರಿಗೆ ಕನಪುಂಡ್.. ವಿದ್ಯಾರ್ಥಿಲೆನ ಶೈಕ್ಷಣಿಕ ಅಧ್ಯಯನಗ್ ಪೂರಕವಾದ್  ಪ್ರಾಯೋಗಿಕ ತಂತ್ರಜ್ಞಾನ ಕಲಿಕೆ ಬೊಕ್ಕ ಪ್ರಸ್ತುತ ವೃತ್ತಿಪರ ಕಾರ್ಯಪದ್ಧತಿಲೆನ ಪರಿಚಯ ಕೊರ್ಪಿನ ಕಾರ್ಯಕ್ರಮದ ಉದ್ದೇಶವಾದುಂಡ್..

ವಿದ್ಯಾರ್ಥಿಲು  ತರಗತಿಡ್ ಕಲ್ಪುನ ತಾಂತ್ರಿಕ ಪರಿಕಲ್ಪನೆಲೆನ್ ಪ್ರಾಯೋಗಿಕವಾದ್ ಅನ್ವಯಿಸುನ ಅವಕಾಶ ಪಡೆಯರೆಗುಲ್ಲೆರ್.. ನೇರ ಬೋಧನೆ, ಮಾರ್ಗದರ್ಶಿತ ಕಾರ್ಯೊಲು, ಪ್ರಾಯೋಗಿಕ ಯೋಜನೆಲು,, ನಿಗದಿತ ಕಲಿಕಾ ಹಂತೊಲು ಬೊಕ್ಕ ವೃತ್ತಿಪರ ಕಾರ್ಯವಿಧಾನಲೆನ ಪರಿಚಯೊನ್ ಕಾರ್ಯಕ್ರಮ ಮಲ್ತ್ ಕೊರ್ಪುಂಡ್..

ಈ ಉಪಕ್ರಮ  ಮೂಜಿ  ವರ್ಷದ , ಸೆಮಿಸ್ಟರ್‌ ಲೆಗ್  ಬೋಡಿತ್ತಿನ ಕಲಿಕಾ ಮಾರ್ಗಸೂಚಿನ್  ಅನುಸರಿಸಾವುಂಡ್. ವಿದ್ಯಾರ್ಥಿಲೆನ ಬಿಸಿಎ ಶಿಕ್ಷಣದ ಪ್ರಗತಿಗ್  ಅನುಗುಣವಾದ್ ಪ್ರತಿಯೊಂಜಿ  ಶೈಕ್ಷಣಿಕ ವರ್ಷಡುಲಾ ಪ್ರತ್ಯೇಕ ಕೋರ್ಸ್‌ ಲೆನ್ ಕೊರ್ಪುಂಡ್.

ಸುರುತ ವರ್ಷಡ್  A.I. ಬಳಕೆದೊಟ್ಟುಗ್  ಪೂರ್ಣಮಟ್ಟದ ವೆಬ್ ಅಭಿವೃದ್ಧಿಗ್ ಒತ್ತು*
ಸುರುತ ವರ್ಷದ ಕಾರ್ಯಕ್ರಮ A.I ಬಳಕೆದೊಟ್ಟುಗ್ ಪೂರ್ಣಮಟ್ಟದ ವೆಬ್ ಅಭಿವೃದ್ಧಿದ  ಮಿತ್ತ್  ಕೇಂದ್ರೀಕರಿಸಾವುಂಡ್..

ರಡ್ಡ್  ಸೆಮಿಸ್ಟರ್‌ ಲೆಡ್ ಒಟ್ಟು 40 ಗಂಟೆದ ನೇರ ಬೋಧನೆನ್ ಕಾರ್ಯಕ್ರಮಡುಪ್ಪುಂಡ್.. ಪ್ರತಿ ಸೆಮಿಸ್ಟರ್‌ಗ್ 20 ಗಂಟೆದ ತರಬೇತಿನ್  ಯೋಜನೆ ಮಲ್ದುಂಡ್.. ಕಾಲೇಜಿಡ್ ಮುಖಾಮುಖಿ ಕಲಿಕಾ ಅಧಿವೇಶನದೊಟ್ಟುಗ್ ಕಾರ್ಯಕ್ರಮ ಆರಂಭವಾದಿತ್ತುದ್ , ಬೊಕ್ಕ  ಫೋರ್ಥ್‌ಫೋಕಸ್‌ ದ ವೃತ್ತಿಪರೆರು ಬೊಕ್ಕ ಮಾರ್ಗದರ್ಶಕೆರು ನಡಪಾವುನ ನೇರ ಆನ್‌ಲೈನ್ ತರಗತಿಲು ದುಂಬರಿಯುಂಡ್..

ವಾರ್ಷಿಕ ಕೋರ್ಸ್ ನ್  ತೃಪ್ತಿಕರವಾದ್  ಪೂರ್ಣ ಮಲ್ಪುನ ಅರ್ಹ ವಿದ್ಯಾರ್ಥಿಲೆಗ್  ಫೋರ್ಥ್‌ಫೋಕಸ್ ಬೊಕ್ಕ ಶ್ರೀ ಗುರು ಸುಧೀಂದ್ರ ಕಾಲೇಜಿದ  ಸಂಯುಕ್ತ ಪ್ರಮಾಣಪತ್ರ ಕೊರ್ಪುಂಡ್..

ತಂತ್ರಜ್ಞಾನ ಬೊಕ್ಕ ವೃತ್ತಿಪರ ನಿರೀಕ್ಷೆಲು ವೇಗವಾದ್ ಬದಲಾವೊಂದುಂಡ್.. ಈ ಪೊರ್ತುಡ್ ಶೈಕ್ಷಣಿಕ ಶಿಕ್ಷಣ ವಿದ್ಯಾರ್ಥಿಲೆಗ್  ಅಗತ್ಯವಾಯಿನ  ಬಲವಾಯಿನ ಅಡಿಪಾಯೊನ್  ಒದಗಿಸಾವುಂಡ್. ನೆತ್ತ ಒಟ್ಟುಗ್ ಉದ್ಯಮದ ಪರಿಚಯ ವಿದ್ಯಾರ್ಥಿಲು ತಮ್ಮ ಜ್ಞಾನೊನ್ ಪ್ರಾಯೋಗಿಕ ಅನ್ವಯ, ತಂಡದ ಕಾರ್ಯವಿಧಾನ ಬೊಕ್ಕ ನೈಜ ಸಮಸ್ಯೆ ಪರಿಹಾರದೊಟ್ಟುಗ್  ಸಂಪರ್ಕ ಮಲ್ಪರೆಗ್ ನೆರವಾಪುಂಡ್..

ಸಹಯೋಗದ ಬಗ್ಗೆ ಪಾತೆರಿನ  ಫೋರ್ಥ್‌ಫೋಕಸ್‌ ದ ಸಂಸ್ಥಾಪಕ ಬೊಕ್ಕ ನಿರ್ದೇಶಕ ವಿ. ಗೌತಮ್ ನಾವಡ ಮೇರು ಪಾತೆರಿಯೆರು:

> “ವಿದ್ಯಾರ್ಥಿಲು  ತರಗತಿಡ್ ಕಲ್ಪುನ  ವಿಷಯೊಲು ವೃತ್ತಿಪರ ಪರಿಸರಡ್  ಎಂಚ  ಅನ್ವಯ ಆಪುಂಡ್  ಪನ್ಪಿನವ್ವೆನ್  ತೆರಿನಪಗ  ಶಿಕ್ಷಣ ನನಲಾತ್  ಅರ್ಥಪೂರ್ಣವಾಪುಂಡ್. ಫೋರ್ಥ್‌ಫೋಕಸ್ ಕಲಿಕಾ ಉಪಕ್ರಮದ ಮೂಲಕ ವಿದ್ಯಾರ್ಥಿಲೆಗ್  ವ್ಯವಸ್ಥಿತ, ಪ್ರಾಯೋಗಿಕ ಬೊಕ್ಕ ಜವಾಬ್ದಾರಿಯುತ ಉದ್ಯಮ ಪರಿಚಯ ಕೊರ್ಪಿನವ್ವೆ  ನಮ್ಮ ಉದ್ದೇಶ. ಈ ದೃಷ್ಟಿಕೋನನ್  ಪಟ್ಟೊಂದ್  ಫೋರ್ಥ್‌ಫೋಕಸ್ ದ ಮಿತ್ತ್  ವಿಶ್ವಾಸ ದೀತಿನ ಶ್ರೀ ಗುರು ಸುಧೀಂದ್ರ ಕಾಲೇಜಿಗ್  ನಮ  ಕೃತಜ್ಞರಾದುಲ್ಲ.

ಶ್ರೀ ಗುರು ಸುಧೀಂದ್ರ ಕಾಲೇಜಿದ ಪ್ರಾಂಶುಪಾಲೆರಾಯಿನ  ಶ್ರೀ ಶ್ರೀನಾಥ್ ಪೈ ಮೇರು ಇಂಚ ಪನ್ಪೆರು:

> “ಫೋರ್ಥ್‌ಫೋಕಸ್‌ನೊಟ್ಟುಗ್  ನಮ್ಮ ಸಹಯೋಗ ವಿದ್ಯಾರ್ಥಿಲೆಗ್  ಪ್ರಾಯೋಗಿಕ ತಾಂತ್ರಿಕ ಕೌಶಲ್ಯಲೆನ್ ಅಭಿವೃದ್ಧಿಪಡಿಸಾವರೆಗ್  ಬೊಕ್ಕ ಪ್ರಸ್ತುತ ಉದ್ಯಮದ ಕಾರ್ಯಪದ್ಧತಿದ  ಪರಿಚಯ ಪಡೆಯರೆಗ್ ಹೆಚ್ಚುವರಿ ಅವಕಾಶಲೆನ್  ಒದಗಿಸಾವುನ ಮಹತ್ವದ ಪಜ್ಜೆಯಾದುಂಡ್. ಈ ಕಾರ್ಯಕ್ರಮನ್  ವ್ಯವಸ್ಥಿತವಾದ್  ಜಾರಿಗೆ ಕನತುದು ವಿದ್ಯಾರ್ಥಿಲೆಗ್  ಮೌಲ್ಯಯುತ ಕಲಿಕಾ ಅನುಭವನ್ ಕಲ್ಪಿಸಾವುನ ನಿರೀಕ್ಷೆಡುಲ್ಲ.

ಫೋರ್ಥ್‌ಫೋಕಸ್‌ಗ್  ಈ ಉಪಕ್ರಮ ಕೇವಲ ತಾಂತ್ರಿಕ ತರಗತಿಲೆನ್  ನಡಪಾವರೆಗ್  ಸೀಮಿತವಾತುಜಿ.. ಬದಲಾದ್ ವೃತ್ತಿಪರ ಕ್ಷೇತ್ರಗ್  ಸಂಬಂಧ ಪಟ್ಟಿನ ಜ್ಞಾನನ್ ಸಮಗ್ರ ಕಲಿಕಾ ಅನುಭವದ ಮೂಲಕ ಪಟ್ಟೊಂಬಿನವ್ ನೆತ್ತ ಉದ್ದೇಶವಾದುಂಡ್. ಒಟ್ಟುಗ್, ವಿದ್ಯಾರ್ಥಿಲು ತಮ್ಮ ಭವಿಷ್ಯದ ವೃತ್ತಿಜೀವನಡ್  ಎದುರಿಸಾವುನ ಅವಕಾಶೊಲು ಬೊಕ್ಕ ನಿರೀಕ್ಷೆದ  ಬಗ್ಗೆ ಪ್ರಾಯೋಗಿಕ ಅರಿವು ಪುಟ್ಟಾವರೆಗ್  ಸಹಾಯ ಮಲ್ಪುನಲಾ  ನೆತ್ತ ಭಾಗವಾದುಂಡ್.

ಈ ಒಪ್ಪಂದ  ಫೋರ್ಥ್‌ಫೋಕಸ್ ಕಲಿಕಾ ಉಪಕ್ರಮಕ್ ಮಹತ್ವದ ಮೈಲಿಗಲ್ಲಾವರೆಗುಂಡ್.. ಪ್ರಾಯೋಗಿಕ ಬೊಕ್ಕ ವೃತ್ತಿಪರವಾದ್ ಪ್ರಸ್ತುತವಾಯಿನ ತಂತ್ರಜ್ಞಾನ ಶಿಕ್ಷಣದ ಮೂಲಕ ಉದ್ಯಮ ಬೊಕ್ಕ ಶೈಕ್ಷಣಿಕ ಕ್ಷೇತ್ರದ ನಡುತ್ತ ಸಂಪರ್ಕೊನ್  ಬಲಪಡಿಸಾವುನ ಪ್ರಯತ್ನಗುಲಾ  ಉಂದು ಕುಡೊಂಜಿ  ಪಜ್ಜೆಯಾದುಂಡ್.

ಫೋರ್ಥ್‌ಫೋಕಸ್ ಕಲಿಕಾ ಉಪಕ್ರಮದ ಬಗ್ಗೆ ಹೆಚ್ಚಿಗೆ ಮಾಹಿತಿಗೆ: https://learn.forthfocus.com/

ಶ್ರೀ ಗುರು ಸುಧೀಂದ್ರ ಕಾಲೇಜಿದ ವಿದ್ಯಾರ್ಥಿಲೆಗಾದ್ ರೂಪಿಸಾವುನ ಕಾರ್ಯಕ್ರಮದ ವಿವರಲೆಗ್ : https://learn.forthfocus.com/sgs

*ಫೋರ್ಥ್‌ಫೋಕಸ್ ಬಗ್ಗೆ
ಫೋರ್ಥ್‌ಫೋಕಸ್ ಕರ್ನಾಟಕ ಮೂಲದ ತಂತ್ರಜ್ಞಾನ ಬೊಕ್ಕ ಡಿಜಿಟಲ್ ಪರಿಹಾರದ  ಸಂಸ್ಥೆಯಾದುಂಡ್.. ಫೋರ್ಥ್‌ಫೋಕಸ್ ಕಲಿಕಾ ಉಪಕ್ರಮದ ಮೂಲಕ ಶೈಕ್ಷಣಿಕ ಸಂಸ್ಥೆದೊಟ್ಟುಗ್  ಸಹಯೋಗ ನಡಪಾದ್, ವಿದ್ಯಾರ್ಥಿಲೆಗ್ ಪ್ರಾಯೋಗಿಕ ತಂತ್ರಜ್ಞಾನ ಕಲಿಕೆ ಬೊಕ್ಕ ಉದ್ಯಮ ಪರಿಚಯೊನ್  ಒದಗಿಸಾವುನ ನಿಟ್ಟುಡ್ ಸಂಸ್ಥೆ ಕಾರ್ಯನಿರ್ವಹಣೆ ಮಲ್ತೊಂದುಂಡ್.

*ಶ್ರೀ ಗುರು ಸುಧೀಂದ್ರ ಕಾಲೇಜು ಬಗ್ಗೆ
ಭಟ್ಕಳದ ಶ್ರೀ ಗುರು ಸುಧೀಂದ್ರ ಕಾಲೇಜು ಬಿಸಿಎ ಸೇರಿನಂಚ ಪದವಿ ಶಿಕ್ಷಣೊನ್  , ವಿದ್ಯಾರ್ಥಿ ಲೆನ ಶೈಕ್ಷಣಿಕ ಬೆಳವಣಿಗೆ ಬೊಕ್ಕ ಕೌಶಲ್ಯಾಭಿವೃದ್ಧಿಗ್ ಪೂರಕವಾಯಿನ  ಅವಕಾಶಲೆನ್ ಒದಗಿಸಾವುಂಡ್.