ಕೊಳಲು ಬುಡುಗಡೆ

ಕಾರ್ಯಕ್ರಮ ಆಯೋಜನೆದಾತೇ ದಾಖಲೀಕರಣ ಮುಖ್ಯ: ಡಾ.ಕೆ.ಶ್ರೀಧರ ಆರ್‌.ಪೈ

ಉಡುಪಿ: ಕಾರ್ಯಕ್ರಮಲೆನ್ ಅಚ್ಚುಕಟ್ಟಾದ್, ಪೊರ್ಲು ಡ್ ಆಯೋಜನೆ ಮಲ್ಪುನ  ನಮ  ಅವ್ವೆನ್  ದಾಖಲೀಕರಣ ಮಲ್ಪುವ.. ಕ್ರಮಬದ್ಧ ವರದಿ ಬೊಕ್ಕ ದಾಖಲೀಕರಣ ವೈಯಕ್ತಿಕವಾದುಲಾ  ಮುಖ್ಯ ಬೊಕ್ಕ ಮಾತಾ  ಸಂಸ್ಥೆಲೆಗುಲಾ  ಅಗತ್ಯ ಪಂಡುದು ಅಕಾಡೆಮಿ ಆಫ್ ಜನರಲ್ ಎಜ್ಯುಕೇಷನ್‌ ದಆಡಳಿತಾಧಿಕಾರಿ ಡಾ.ಕೆ.ಶ್ರೀಧರ ಆರ್‌‌.ಪೈ ಪಂಡೆರು. ಎಂಜಿಎಂ ಕಾಲೇಜಿದ ಪಾಕ್ಷಿಕ ಸುದ್ದಿ ಪತ್ರಿಕೆ ‘ಕೊಳಲು’ ಬುಡುಗಡೆ ಮಲ್ತುದ್ ಆರು ಪಾತೆರಿಯೆರು.

ಕಾಲೇಜು ಪಿದಾಯಿ ಕನದಿನ ಪತ್ರಿಕೆಡ್ ಕಾಲೇಜಿದ ಮಾತಾ ಸುದ್ದಿಲೆನ್ , ವಿದ್ಯಾರ್ಥಿ ಬೊಕ್ಕ ಪ್ರಾಧ್ಯಾಪಕೆರೆನ ಸಾಧನೆಲೆನ್ ಒಂಜೇ  ಕಡೆಟ್  ತೂವರೆಗ್  ಸಾಧ್ಯ ಆಪುಂಡ್. ಇಂಚಿನ ಪತ್ರಿಕೆದ ಒಟ್ಟು ಸಂಗ್ರಹಡಾದ್  ಆಯಾ ವರ್ಷದ ಸಾಧನೆಲೆನ್  ಸಮಗ್ರವಾದ್  ತೂವರೆಗ್  ಸಾಧ್ಯ ಉಂಡು. ವಿದ್ಯಾರ್ಥಿಲು  ಡೈರಿ ಬರೆಪಿನ, ದಾಖಲೀಕರಣ ಮಲ್ಪುನ ಇನ್ನಿತ್ಯಾದಿ ಹವ್ಯಾಸಲೆನ್  ರೂಢಿಸಾವೊಡ್  ಪಂಡುದು ಆರು ಅಭಿಪ್ರಾಯಪಂಡೆರು.

ಕಾಲೇಜಿದ ಪ್ರಾಂಶುಪಾಲೆ ಡಾ.ಗಾಯತ್ರಿ ಪೈ ಅಧ್ಯಕ್ಷತೆಡಿತ್ತೆರ್ . ಉಪಪ್ರಾಂಶುಪಾಲ ಬೊಕ್ಕ ಸಂಪಾದಕ ಡಾ.ಎಂ.ವಿಶ್ವನಾಥ್ ಪೈ ಶುಭ ಹಾರೈಸಿಯೆರು. ಐಕ್ಯುಎಸಿ ಸಂಯೋಜಕಿ ಪ್ರೊ.ಶೈಲಜಾ ಹೆಚ್., ವಿದ್ಯಾರ್ಥಿ ಕ್ಷೇಮಪಾಲನಾಧಿಕಾರಿ ಪ್ರೊ. ವೀರಾ ಐಡಾ ಪಿಂಟೋ ಉಪಸ್ಥಿತರಿತ್ತೆರು. ಪತ್ರಿಕೆದ ಕಾರ್ಯನಿರ್ವಾಹಕ ಸಂಪಾದಕ ಬೊಕ್ಕ ಪತ್ರಿಕೋದ್ಯಮ ವಿಭಾಗ ಮುಖ್ಯಸ್ಥ ಸುಚಿತ್ ಕೋಟ್ಯಾನ್ ಸ್ವಾಗತ ಮಲ್ತುದ್ . ಪತ್ರಿಕೋದ್ಯಮ ವಿದ್ಯಾರ್ಥಿನಿ ತ್ರಿವೇಣಿ ಶೆಟ್ಟಿ ನಿರೂಪಣೆ ಮಲ್ತೆರು.