ಆಟಿ ಪಾಯಸ

*ಆಟಿ ಪಾಯಸದ ಮಹತ್ವ*

ಆಟಿ (ಕರ್ಕಾಟಕ) ತಿಂಗೊಳ್  ತುಳುನಾಡುಡ್  ನಮ ತಿನ್ಪಿನ ಆಹಾರೊಡ್ ಮರ್ದುದ ಅಂಶ ಉಂಡು ಪಂಡುದ್ ನಮ್ಮ ಪೆರಿಯ ಕುಲು ತೆರಿದಿತ್ತೆರ್.  ಉಡುಪಿ,ದ. ಕ ಬೊಕ್ಕ ಕೊಡಗು ಜಿಲ್ಲೆಡ್ ಆಟಿ ತಿಂಗೊಲುಗ್  ವಿಶೇಷವಾಯಿನ ಮಹತ್ವ ಉಂಡು.

ಆಟಿ ತಿಂಗೊಲುದ  ವಿಶೇಷವಾಯಿನ  ಔಷಧೀಯ ಗುಣವುಳ್ಳ ತೆನಸ್ “ಆಟಿ ಪಾಯಸ”.
ಉಂದೆನ್  ಆಟಿ ತಿಂಗೊಲ್ಜ  18 ನೇ ದಿನ, 18 ಬಗೆತ ಔಷಧೀಯ ಗುಣವುಪ್ಪುನ  “ಆಟಿ ಸೊಪ್ಪು” ಡ್ ಪಾಯಸೊನ್   ಮಲ್ಪುವೆರ್..

ವೈಜ್ಞಾನಿಕವಾದ್  ಸಾಬೀತಾಯಿನ  ಅರೋಗ್ಯವರ್ಧಕ ಬೊಕ್ಕ ರೋಗನಿರೋಧಕ ಶಕ್ತಿನ್  ಜಾಸ್ತಿ ಮಲ್ಪುನ ಗುಣ ಈ ತಪ್ಪು ಡ್ ಉಂಡು.. ಆಟಿ ತಿಂಗೊಲ್ದ  18 ನೇ ದಿನ ಕಮ್ಮನೆ ಬರ್ಪಿನ   ಈ ತಪ್ಪು ಬಾಕಿದ ದಿನಟ್  ಕಮ್ಮನೆ  ಇಪ್ಪುಜಿ.

ಮಲ್ಪುನ ವಿಧಾನ :
      ಆಟಿ ಸೊಪ್ಪುದ ಇರೆ ಬೊಕ್ಕ ದಂಟುನ್  ದೆಕ್ಕುದ್  ಬೇಯ್ಪಾದ್  ( ಕೆಲಗಂಟೆಗಳ ಕಾಲ ಬೇಯಿಸುವುದು ) ಐತ ನೀರುನ್  ಅರ್ತುದ್  ಬೊಳಂತರಿ  ಪಾಡ್ದ್ ಪಾಯಸ ಮಲ್ಪುನ್..
( ತಾರಾಯಿದ್  ಪೇರ್ ಬೊಕ್ಕ  ಬೆಲ್ಲ ಪಾಡೊಡ್  )
ಎಡ್ಡೆ ಬೇಯ್ತಿ ಬೊಕ್ಕ ಪಾಯಸೊನ್  ಗಲಸುನಗ ದೇಸೀ ಪೆತ್ತದ ನೇಯ್ಯಿ  ಬೊಕ್ಕ ತಿಗತ್ತ ನೇಯ್ಯಿ  ಪಾಡೊಡ್ ,
     ತಿಂದಾಯಿಬೊಕ್ಕ  ಒಂತೆ  ಪೊರ್ತು ವಿಶ್ರಾಂತಿ ದೆತೊನೊಡ್   ಪನ್ಪಿನ ಪ್ರತೀತಿಲಾ ಉಂಡು.

✍️ಜಗದೀಶ್ ಕುಯಿಂತೋಡು,
ವಿಶ್ರಾಂತ ಯೋಧ,
ಸಂಪಾಜೆ -ದ.ಕ ಜಿಲ್ಲೆ.