ಮೊಗವೀರ ವ್ಯವಸ್ಥಾಪಕ ಮಂಡಳಿ

ಮುಂಬಯಿ ಹಿರಿಯ ಸಾಮಾಜಿಕ, ಶೈಕ್ಷಣಿಕ, ಸಾಂಸ್ಕೃತಿಕ ಬೊಕ್ಕ ಸಾಹಿತ್ಯಿಕ ಸಂಘಟನೆಯಾಯಿನ ಮೊಗವೀರ ವ್ಯವಸ್ಥಾಪಕ ಮಂಡಳಿ ಬರ್ಪಿನ ಆಗಸ್ಟ್  9ತಾರೀಕುಗ್125 ನೇ ವರ್ಷಗ್  ಪಾದಾರ್ಪಣೆ ಮಲ್ಪುನ  ಪ್ರಯುಕ್ತ ಬೇತೆ ಬೇತೆ ಸಾಂಸ್ಕೃತಿಕ , ಕ್ರೀಡಾ ಕಾರ್ಯಕ್ರಮ ಬೊಕ್ಕ ಈ ಐತಿಹಾಸಿಕ  ಸಂದರ್ಭದ ಸವಿ ನೆಂಪುಗಾದ್ ಮಹತ್ತರ ಯೋಜನೆನ್ ಆಯೋಜನೆ ಮಲ್ದಿತ್ತುದ್ ಈ ಮಾತಾ ಯೋಜನೆದ ಯಶಸ್ವಿ ಆವರೆಗ್   ಅನುಗ್ರಹ ಪ್ರಾಪ್ತಿಗಾದ್  ಸಮಾಜದ  ಪ್ರಮುಖ  ಆರಾಧನಾ ಕ್ಷೇತ್ರಲೆಗ್     ಮಂಡಳಿದ ಕಾರ್ಯಕರ್ತೆರು ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಜಿಲ್ಲೆಲೆಗ್  ಭೇಟಿ ಕೊರಿಯೆರು.
ಮಂಡಳಿದ ಅಧ್ಯಕ್ಷೆರಾಯಿನ   ಗಣೇಶ್ ಕೆ. ಕಾಂಚನ್ ಅರೆನ ನೇತೃತ್ವಡ್ ಬತ್ತಿನ  ಸದಸ್ಯೆರು ಆಗಸ್ಟ್ 1ತಾರೀಕುಗ್ ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಿನ ಸನ್ನಿದಾನಡ್  ಪ್ರಾರ್ಥನೆ ಮಲ್ತೆರ್..
ಈ ಸಂದರ್ಭಡ್ ಮೊಗವೀರ ಸಮಾಜದ  ಮುಂದಾಳು ನಾಡೋಜ ಡಾ. ಜಿ. ಶಂಕರ್ ಮೇರು, ದಕ್ಷಿಣ ಕನ್ನಡ ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರಾಯಿನ ಜಯ ಸಿ. ಕೋಟ್ಯಾನ್,ಕ್ಷೇತ್ರ ಆಡಳಿತ ಸಮಿತಿದ ಗಿರಿಧರ್ ಸುವರ್ಣ, ವಾಸುದೇವ್ ಕೋಟ್ಯಾನ್, ದಿನೇಶ್ ಎರ್ಮಾಳ್,
ಮಂಡಳಿದ ಪ್ರಧಾನ ಕಾರ್ಯದರ್ಶಿ ದಿಲೀಪ್ ಮೂಲ್ಕಿ,ಉಪಾಧ್ಯಕ್ಷೆ ದಯಾವತಿ ಸುವರ್ಣ,ಪಾರುಪತ್ಯಗಾರೆರಾಯಿನ  ದೇವರಾಜ್ ಬಂಗೇರ , ಪುರುಷೋತ್ತಮ್ ಕರ್ಕೇರ, ಲಕ್ಷ್ಮಣ್ ಶ್ರೀಯಾನ್, ಕೋಶಾಧಿಕಾರಿ ದೇವರಾಜ್ ಕುಂದರ್,
ಜತೆ ಕಾರ್ಯದರ್ಶಿ  ಪ್ರೀತಿ ಹರೀಶ್ ಶ್ರೀಯಾನ್ ಬೊಕ್ಕ ಪ್ರಶಾಂತ್ ತಿಂಗಳಾಯ,
ಮೊಗವೀರ ಪತ್ರಿಕೆದ ಸಂಪಾದಕೆರಾಯಿನ  ಅಶೋಕ ಸುವರ್ಣ, ಪತ್ರಿಕೆದ ಮ್ಯಾನೇಜರ್ ಪ್ರಮೋದ್ ಪುತ್ರನ್, ಮಂಡಳಿದ ಹಿತೈಷಿ ಬೊಕ್ಕ ಮೊಗವೀರ ಬ್ಯಾಂಕ್ ದ ನಿರ್ದೇಶಕೆರಾಯಿನ ಮುಖೇಶ್ ಬಂಗೇರ,
ಮಂಡಳಿದ ಡೊಂಬಿವಲಿ ಶಾಖೆದ ಕೇಶವ್ ಬಂಗೇರ ಮೊಕುಲು ಉಪಸ್ಥಿತರಿತ್ತೆರು.
ದೇವಸ್ಥಾನದ ಪ್ರಧಾನ ಅರ್ಚಕೆರಾಯಿನ ರಾಘವೇಂದ್ರ ಉಪಾಧ್ಯಾಯೆರು  ಪ್ರಾರ್ಥನೆ ಮಲ್ತುದ್ ಮಂಡಳಿದ ಬೊಕ್ಕ ಸಮಾಜದ ಉನ್ನತಿಗ್ ದೇವಿನ ಅನುಗ್ರಹ ಕೋರಿಯೆರು.
ಮಹಾಲಕ್ಷ್ಮಿ ದೇವಿದ  ಸನ್ನಿದಾನಡ್ ಮಂಡಳಿದ ಕಾರ್ಯಕರ್ತೆರು ವಿಶೇಷ ಪೂಜೆ ಮಲ್ತೆರು.