ಸನ್ಮತಿ ಪತ್ರಿಕೆ ಬುಡುಗಡೆ

ಸನ್ಮತಿ ಪತ್ರಿಕೆ ಬುಡುಗಡೆ, ಪತ್ರಕರ್ತೆರೆಗ್
ಪಿಎಂಎಸ್‌ಬಿವೈ ನೋಂದಣಿಗ್ ಚಾಲನೆ

ಉಡುಪಿ: ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿಡ್ದ್  ಉಡುಪಿ ಪತ್ರಿಕಾ ಭವನ ಸಮಿತಿದ ಸಹಯೋಗದೊಟ್ಟುಗ್  ಸನ್ಮತಿ ಪತ್ರಿಕೆದ ಜುಲೈ ತಿಂಗೊಲ್ದ ಸಂಚಿಕೆ ಬುಡುಗಡೆ, ಸಂವಾದ ಬೊಕ್ಕ ಪತ್ರಕರ್ತೆರೆಗ್ ಪಿಎಂಎಸ್‌ಬಿವೈ(ಪ್ರಧಾನಮಂತ್ರಿ ಸುರಕ್ಷಾ ಭೀಮಾ ಯೋಜನಾ) ನೋಂದಣಿ ಕಾರ್ಯಕ್ರಮೊನ್ ಪ್ರತಿಕಾ ಭವನಡ್ ಮಂಗಳವಾರ ಆಯೋಜನೆ ಮಲ್ದಿತ್ತೆರ್..

ಮಲ್ಲ ಬಿನ್ನೆರಾದ್  ಇತ್ತುದ್  ಪತ್ರಿಕೆ ಬುಡುಗಡೆ ಮಲ್ತಿನ ಉಡುಪಿ ಕೆನರಾ ಲೀಡ್ ಬ್ಯಾಂಕ್ ದ  ಮುಖ್ಯ ಪ್ರಬಂಧಕ ಹರೀಶ್, ಆಹಾರ ಸಂಸ್ಕರಣೆ ಉದ್ಯಮಗಾದ್  ಯೋಜನೆ ಇತ್ತುದ್ , ನೆಟ್ಟ್  ಶೇ.50 ದಾತ್  ಸಬ್ಸಿಡಿ ಕೊರ್ಪುಂಡ್.. ಉಡುಪಿ ಜಿಲ್ಲೆಡ್ 500-600 ಘಟಕೊಲಕ ಈ ಯೋಜನೆದ ಲಾಭ ಪಡೆತೊಂದುಂಡ್.. ಮುದ್ರಾ ಯೋಜನೆಡ್ 10ಲಕ್ಷ ರೂ. ದುಲಾಯಿ  ಸಾಲ ಪಡೆತೊಂಡ ಬೊಕ್ಕ ಜೋಕ್ಲೆನ ಉನ್ನತ ಶಿಕ್ಷಣಗಾದ್  5.5ಲಕ್ಷ ರೂ. ಮುಟ್ಟ  ವಿದ್ಯಾಭ್ಯಾಸ ಸಾಲಡುಲಾ  ಅಡಮಾನ ದೀಪಿನ ಅಗತ್ಯ ಇಜ್ಜಿ  ಪಂಡೆರು.

ಎಟಿಎಂ ಕಾರ್ಡ್ ಪಡೆಯಿನಕುಲು ಅಪಘಾತಡ್ ಸೈತುಂಡ ಅಕ್ಲೆನ ಕುಟುಂಬಗ್  ಪರಿಹಾರ ಒದಗಿಸಾವರೆಗ್ ಅವಕಾಶ ಉಂಡು. ಮುದ್ರಾ ಸೇರಿನಂಚ ವಿವಿಧ ಉದ್ಯಮಶೀಲತೆ ಯೋಜನೆಡ್ ಪ್ರತಿ ವರ್ಷ ಉಡುಪಿ ಜಿಲ್ಲೆಡ್ದ್  2000 ಕೋಟಿ ರೂ. ಸಾಲದ ಗುರಿನ್  ಮಾತಾ ಬ್ಯಾಂಕ್‌ ಲೆಗ್  ಕೊರ್ಪುಂಡ್  ಪಂಡುದು ಆರು ತೆರಿಪಾಯೆರು.

ಅತ್ತಾವಂದೆ ಮೊಕುಲು ಬ್ಯಾಂಕುಲೆಡ್  ಸಿಕ್ಕುನ ಕೃಷಿ ಸಾಲ, ಶಿಕ್ಷಣ ಸಾಲ ಸಹಿತ ವಿವಿಧ ಸಾಲ, ಠೇವಣಿ ಯೋಜನೆಲು ಬೊಕ್ಕ ಜೀವ- ಆರೋಗ್ಯ-ಅಪಘಾತ ವಿಮೆ ಬಗ್ಗೆ ಮಾಹಿತಿ ಕೊರಿಯೆರು. ಈ ಸಂದರ್ಭಡ್ ಬ್ಯಾಂಕ್ ದ ಆರ್ಥಿಕ ಸಾಕ್ಷರತಾ ಸಮಾಲೋಚಕಿ ಮೀರಾ ಹಾಜರಿತ್ತೆರು.

ಅಧ್ಯಕ್ಷತೆಡ್  ಸಂಘದ ಜಿಲ್ಲಾಧ್ಯಕ್ಷ ಸುಬ್ರಹ್ಮಣ್ಯ ಜಿ.ಕುರ್ಯ ಇತ್ತೆರು. ಕೋಶಾಧಿಕಾರಿ ಹರೀಶ್ ಕುಂದರ್, ರಾಜ್ಯ ಸಮಿತಿ ಸದಸ್ಯ ಆಸ್ಟ್ರೋ ಮೋಹನ್, ಪತ್ರಿಕಾ ಭವನ ಸಮಿತಿದ ಸಂಚಾಲಕ ಅಂಕಿತ್ ಶೆಟ್ಟಿ ಉಪಸ್ಥಿತರಿತ್ತೆರು.

ಸಂಘದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸ್ವಾಗತ ಮಲ್ತುದ್. ಉಪಾಧ್ಯಕ್ಷ ಪ್ರಭಾಕರ ಆಚಾರ್ಯ ಸೊಲ್ಮೆ ಸಂದಾಯ್ತ ಮಲ್ತೆರು. ಪತ್ರಕರ್ತ ರಹೀಂ ಉಜಿರೆ ಕಾರ್ಯಕ್ರಮ ನಿರೂಪಣೆ ಮಲ್ತೆರು.